ஐநா இலங்கையில் நடக்கும் இனக்கொலையை உன்னிப்பாக கவனிக்கிறது.

ஐக்கிய நாடுகள் சபை இலங்கையில் நடக்கும் இனப்படுகொலையை உன்னிப்பாகக் கவனிப்பதாகவும் வன்னிப்பகுதியில் நடக்கும் மனித அவலத்தை சொந்தமாக கணீப்பீடு செய்வதாகவும் Inner City Press ஐநாவின் இரகசியத் தகவல்களை அறிந்து செய்தி வெளியிட்டுள்ளது. ஐநாவின் கணிப்பீட்டின் படி சனவரி 20ம் திகதியில்இருந்து மார்ச் 7ம் திகதிவரை வன்னியில் 2683 பொதுமக்கள் கொல்லப்பட்டுள்ளனர், 7241 பொது மக்கள் காயப்பட்டுள்ளனர். அதேவேளை 150,000 இருந்து 190,000 வரையிலான மக்கள் தொகையினர் போர்முனையில் சிக்குண்டுள்ளதாகவும் தெரிவிககப்பட்டுள்ளது.

இலங்கை அரசுடன் முரண்படுவதை தவிர்க்கும் ஐநா
ஐநாவின் மேற்கூறிய கணிப்பீடுகள் இலங்கை அரசு தெரிவிக்கும் எண்ணிக்கையிலும் இரு மடங்காக இருப்பதால் இலங்கை அரசின் கண்டனத்தையும், ஐநா இல்ங்கையிலிருந்து வெளியேற்றப் படுவதையும் தவிர்க்கும் நோக்கத்துடன் ஐநா இத்தகவல்களை இரகசியமாக வைத்திருக்கலாம் என நம்பப்படுகிறது.

ஜோன் ஹொல்ம்ஸ் ஒரு பயங்கரவாதி
ஏற்கனவே ஐநாவின் ஜோன் ஹொல்ம்ஸ் அவர்களை இலக்கை அரசு பயங்கரவாதி என விமர்சித்திருந்தது. இலங்கை மனிதாபிமானப் பணியாளர்களுக்கு மிக ஆபத்தான நாடு என்ற உண்மையை அவர் வெளியிட்டதற்கு பதிலடி கொடுக்கு முகமாகவே இலங்கை இப்படித் தெரிவித்திருந்தது.

ஐநாவிற்கு இலங்கையில் மிரட்டல்
இலங்கைப் பேரினவாதிகள் அண்மையில் கொழும்பு ஐநா அலுவலகத்தை சுற்றிவளைக்கப் போவதா மிரட்டல் விடுத்திருந்ததும் இங்கு குறிப்பிட வேண்டும். அதேவேளை இலங்கை அரசு Inner City Press இலங்கை தொடர்பாக ஐநாவிடம் கேள்வி எழுப்புவதை தடை செய்யவேண்டும் என்றும் கேட்டிருட்ந்த்தது.

கிழக்கின் உதை-யமும் இந்தியப் பயிற்ச்சியும் - சிறுமி கடத்திக் கொலை.

கருணாவின் பயிற்ச்சி முகாமொன்றை தாக்கி அழித்த போது அங்கிருந்த இந்தியப்படையை சேர்ந்தவர் ஒருவரும் கொல்லப்பட்டார். அங்கு அவர்களுக்கு என்ன பயிற்ச்சி வழங்கப் பட்டது என்று இப்போது புரிந்துள்ளது. அக்குழு இப்போது இரண்டாகப் பிரிந்து பல அட்டூழயங்கள் புரிவதாகக் கூறப்படுகிறது

கிழக்கின் உதயமா? உதை-யமா?
விடுதலைப் புலிகள் கிழக்கிலிருந்து வெளியேறியதும் அது கிழக்கின் உதயமென்று சிங்களப் பேரினவாதிகள் ஆர்ப்பரித்தனர். அது இப்போது புரிந்துள்ளது.

கடந்த 11 ஆம் திகதி பாலையூற்றை சேர்ந்த 6 வயதான வர்ஸா என்ற சிறுமி திருகோணமலை சென் மேரிஸ் பாடசாலையில் இருந்து கடத்தி செல்லப்பட்டார்.
இவரை விடுவிக்க 3 கோடி ரூபா கப்பம் கோரப்பட்டு பின்னர் அது 10 இலட்சம் ரூபா வரை குறைக்கப்பட்டது சிறுமியின் குடும்பத்தினர் பணம்திரட்டுவதற்குள் சிறுமி பாலியல் வதை செய்யப் பட்டுக் கொல்லப்பட்டார். இச்சிறுமியின் கொலை தொடர்பான வைத்திய பரிசோதனையின் போது வர்ஷா பாலியல் வல்லுறவுக்கு உட்படுத்தப்பட்டு கொலை செய்யப்பட்டுள்ளது தெரியவந்துள்ளதாக பொலிஸ் அதிகாரி வாஸ் குணவர்தன தெரிவித்துள்ளார்.
இது தொடர்பாக நித்தியபுரத்தைச் சேர்ந்த ஒப்ரின் மேர்வின் ரினோசன் ( வயது 26 ) என்ற நபர் ஞாயிற்றுக்கிழமை கைது செய்யப்பட்டு வைத்திய பரிசோதனைக்காக பொலிஸாரால் அழைத்துச் செல்லப்பட்ட வேளை பொலிஸ் அதிகாரியொருவரின் கழுத்தை நெரித்து தப்பியோட முயன்ற வேளை அப் பொலிஸ் அதிகாரியின் துப்பாக்கிச் சூட்டில் கொல்லப்பட்டதாக பொலிஸ் தகவல்கள் தெரிவிக்கின்றன.

இவர் உயிரொடு இருந்திருந்தால் நீதி விசாரணயின் போது மேலும் பல உண்மைகள் வெளியாகி இருந்திருக்கும். இவரது மரணம் திட்டமிட்டு நடாத்தப்பட்ட நாடகமா என்ற கேள்வியும் எழுந்துள்ளது.

தமிழினத்தை கருவோடறுக்கும் போரிது

கருவறுக்கும் போரிது - தமிழினத்தை
கருவோடறுக்கும் போரிது

கருவிலும் கயப்படுத்தும் கயவர் கூட்டம்
கயவர்க்கு கரம் தரும் இத்தாலிச் சனியாள் கொட்டம்.

சரணடைந்த தாயின் கருவைக் கலைக்கும்
உடன் பிறந்த சேயின் கழுத்தை நெரிக்கும்

ஆரிய சிங்களக் கூட்டமைப்பின் முகமிது
இனக்கொலைச் சிங்களத்தின் அகமிது

போர்முனையில் பௌத்தத்தின் முடிவிது
ஆயுதமுனையில் மானிடத்தின் அழிவிது

ஆரியப் பிணம்தின்னி நாய்கள் ஆறாயிரம்
ஈழதில் பின்கதவால் வந்து கண்டதிது.

ஊழ்வினை வந்து ஒருநாள் வாட்டுமுமை
ஈழம் மலர்ந்து வெற்றியீட்டுங்கால்.

காதலிப்பதை நிறுத்திப்பார்

காதலிப்பதை நிறுத்திப்பார்

உன்னை மறக்க மாட்டாய்
உலகையும் மறக்க மாட்டாய்
ராத்திரிகள் நிம்மதியாகும்
நித்திரை தானாய் வரும்

கண்ட கவிதைகள் எழுத மாட்டாய் -
உன் தலை எழுத்து தானாக சீராகும்
கடிதங்கள் எழுதிக் காகிதங்கள் கிழியாது
தபால் செலவுக்கு அழத் தேவையில்லை

கண்ணாடி முன் காலம் வீணாகாது
கண்கள் தெளிவாகும் எண்ணம் சீராகும்

காதலிப்பதை நிறுத்திப்பார்

படுக்கை ஒழுங்காயிருக்கும்
தலையணை சீரழியாது
பற்பசை வீணாகாது
சீப்பு பிய்யாது

ஒழுங்காக சாப்பிடுவாய்
தொண்டை நோகாது
வயிறு வலிக்காது
குடல் பிரளாது

இதயம் ஒழுங்காயத் துடிக்கும்
நாடித் துடிப்பு நன்றாயிருக்கம்
படிப்பு ஒழுங்காயப் போகும்
பரீட்சையெல்லாம் சித்தியாகும்

காதலிப்பதை நிறுத்திப்பார்.

உன் நெஞ்சகம் என் தஞ்சகம்

இந்தியப் பேரினவாதத்திற்கு எதிராகப் போராடும் உலகத் தமிழர்கள்

ஈழத் தமிழர்களின் சுயநிர்ணயப் போராட்டம் இப்போது சர்வதேச அரங்கிற்கு வந்துள்ளது. உலகெங்கும் வாழும் தமிழர்களின் நீண்டகாலப் போராட்டத்தின் பயனாகவே சர்வதேச அரங்கத்திற்கு இது வந்துள்ளது. கொட்டும் மழையிலும் குளிரிலும் தமிழ்நாடு முதல் ரொறன்டோ வரை பல்லாயிரக் கணக்கான மக்களின் பலகாலப் போராட்டத்தால் ஐக்கிய நாடுகள் சபைவரை ஈழத் தமிழர்களின் சுயநிர்ணயப் போராட்டம் கொண்டு செல்லப் பட்டுள்ளது. சர்வதேச அரசியலை அறிந்தவர் பலரும் இப்போதுஈழத்தமிழரின் பிரச்சனையை அறிவர்.

மெக்சிக்கோவின் ஈழத் தமிழர் இன்னல்களை ஐநாவில் விவாதிக்க எடுத்த முயற்சி ரஷ்யாவின் எதிர்ப்பால் கைவிடப்பட்டது. ரஷ்யாவின் எதிர்ப்பின் பின்னணியில் இந்தியாவே இருந்தது.

சிங்கள-தமிழ் மோதலை வளர்த்த இந்தியா
1977 இற்குப் பின் இலங்கை அமெரிக்க சார்பானதாக மாறியபோது தமிழ்க்குழுக்கழுக்கு ஆயுதங்களும் பயிற்ச்சிகளும் வழங்கி சிங்கள-தமிழ் மோதலை வளர்த்த இந்தியா இன்று தமிழர்களைக் கொன்றொழிக்க சிங்களவர்களுக்கு பல விதத்திலும் உதவுவது மட்டுமல்ல சர்வதேச அரங்கிலும் பல சதி வேலைகளிலும் ஈடுபட்டு வருவதாக தமிழர்கள் நம்புகின்றனர். தனது பிராந்திய நலனைப் பாதுகாப்பதற்கு தமிழர்கள் முதுகில் இந்தியா சவாரி செய்தது. இதனால் இன்று உலகத் தமிழர் சர்வதேச அரங்கில் இந்தியாவை எதிர்ப்பதில் பலத்த சிரமத்தை எதிர் நோக்குகின்றனர்.

சிவசங்கர மேனன் – ஹிலரி கிளின்டன் சந்திப்பு
ஹிலரி கிளின்டன் அமெரிக்காவில் பதவியேற்றதைத் தொடர்ந்து தமிழர் தரப்பில் பலத்த நம்பிக்கை உருவானது. அண்மையில் சிவசங்கர மேனன் – ஹிலரி கிளின்டன் சந்திப்பு இந்த நம்பிக்கையை தகர்த்தெறிவதாகவே அமைந்திருந்தது.

ஆக மொத்தத்தில் உலகத் தமிழர் ஈழப் பிரச்சினையில் இந்தியப் பேரினவாதத்தின் பலத்த சவாலை எதிர் கொள்கின்றனர்.

பிரபாவின் மகள் தமிழ்நாட்டிற்கு தப்பியோடிய அகதிகளுக்குள் அடங்கியிருந்தாராம்?

மதிவதனியின் முக அமைப்புடன் ஒரு பெண்
சென்ற மாதம் 24-ம் திகதி இலங்கை கடற்படையினரால் இடைமறிக்கப்பட்ட தமிழ்நாட்டிற்குத் தப்பியோடிய அகதிகள் படகொன்றில் பிரபாகரனின் மனைவி மதிவதனியின் முக அமைப்புக் கொண்ட ஒரு பெண்ணும் இருந்ததாகவும் இவர் பிரபாகரனின் மகள் துவாரகா இருக்கலாம் என்று செய்திகள் வெளிவந்துள்ளது.

பிரபா மகள் துவாரகா
மூத்த கடற்படை அதிகாரி படகில் இருந்த ஒரு பெண் மதிவதனியின் முக அமைப்பைக் கொண்டிருப்பதாக கருதியபடியால் அவரைத் தீவிர விசாரணக்குட்படுத்தியதாகவும் அப் பெண் தமக்கும் பிரபா குடும்பத்திற்கும் எதுவித சம்பந்தமும் இல்லை என்று கூறியதாகவும் தமிழர் தேசியப் போராட்டத்திற்கு எதிராக பொய்பிரசாரங்களைக் கட்டவிழ்த்துவிடும் சக்திகள் ஒரு செய்தியைக் கசிய விட்டுள்ளது.

பிரபா மகள் துவாரகா அயர்லாந்திலாம்!
பிரபா மகள் துவாரகா அயர்லாந்தில் பட்டப்படிப்பை மேற்கொண்டுள்ளார் என்றும் அதே பிரச்சார இயந்திரம் செய்தி கசிய விட்டுள்ளது. பிரபா தப்பி வெளிநாடு சென்றார், சூசை கொல்லப்பட்டார், பொட்டு சரணடைந்தார் போன்ற செய்திகளை வெளியிட்ட இத்தீய சக்திகள் அண்மையில் இளம்பருதி தப்பி ஓடுகையில் கொல்லப்பட்டார் என்றும் செய்தி வெளியிட்டிருந்தது.
என்ன பொய் சொல்வது என்று அறை வாடகைக்கு எடுத்து இருந்து யோசிப்பார்களோ? ( றுாம் போட்டு யோசிப்பாங்களோ?)