எஸ்-400 இருந்தால் F-35 தேவையில்லையா?

  

சிலர் இந்தியாவின் படைத்துறை வலிமையை மிகைப்படுத்தி காட்டும் காணொலிப் பதிவுகளைத் தொடர்ச்சியாக யூடியுப்பில் பதிவேற்றிக் கொண்டே இருக்கின்றார்கள். தங்கள் பார்வையாளர்களை அதிகரித்து தம் வருமானத்தை அதிகரிக்கும் நோக்குடன் உண்மைக்கு மாறான தகவல்கள் பரப்பப்படுகின்றன. பாவம் அவர்களது பார்வையாளர்கள். கர்ணனிடம் அவன அழிக்க முடியாத கவச குண்டலங்கள் இருந்தன. அதனால் அவர் வில்வித்தை கற்கத் தவறவில்லை, பரசுராமரிடம் வில்வித்தை கற்று சாபம் வாங்கினாலும் அவர் கொடுத்த விஜய தனுசு என்ற வில் அவனிடம் இருந்தது அதனால் அவன் 17-ம் நாட்போரில் எதிரிகள் பலரைக் கொன்றான். சிவபெருமானுக்காக விஸ்வகர்மா வடிவமைத்த விஜய தனுசு என்ற வில்லை சிவன் முப்புரம் எரித்த பின்னர் இந்திரனிடம் கொடுத்தார். அதை இந்திரன் பரசுராமரிடம் கொடுத்தான். இரசியாவின் எஸ்-400 ஏவுகணை எதிர்ப்பு முறைமை கவச குண்டலம் என்றால் F-35 விஜய தனுசைப் போன்றது.

ரஃபேல் F-35இலும் சிறந்ததா?

ஜெய் ஹிந்த் என்னும் வாசகத்துடன் தம் பதிவுகளை முடிக்கும் ஆரிய ஆதிக்கத்தின் வால்பிடிகள் F-35 இலும் பார்க்க ரஃபேல் சிறந்த விமானம் எனவும் காட்ட முயல்கின்றனர். படைத்துறையில் முன்னணியில் இருக்கும் எல்லாம் நாடுகளும் ஐந்தாம் ஆறாம் தலைமுறைப் போர்விமானத்தையும் ஆறாம் தலைமுறைப் போர் விமானத்தையும் பெற தொடர்ச்சியாக முயன்று கொண்டிருக்கின்றன. ரஃபேல் நான்காம் தலைமுறைப் போர்விமானங்களில் ஒரு மேம்படுத்தப்பட்ட வகையைச் சார்ந்த விமானம். நான்காம் தலைமுறைப் போர்விமானங்களுக்கும் ஐந்தாம் தலைமுறைப் போர்விமானங்களுக்கும் இடையில் உள்ள வித்தியாசத்தை பழைய விரல் வைத்து சுழற்றும் தொலைபேசிகளுக்கும் தற்போது உள்ள ஐ-போன்களுக்கும் இடையிலான வித்தியாசத்திற்கு ஈடானது. ஐந்தாம் தலைமுறைப் போர்விமானத்தில் உள்ள இலத்திரனியல் செயற்பாடுகள் அப்படிப்பட்டவை. முன்னணி போர்விமான உற்பத்தி நாடுகள் பல இணைந்து உருவாக்கப்பட்டது F-35. எந்த ஒரு நாட்டிலும் தங்கியிருக்காமல் தனக்குத் தேவையான படைக்கலன்களை தானே உற்பத்தி செய்யவேண்டும் என்ற கொள்கையுடைய பிரான்ஸ் உருவாக்கிய விமானம் ரஃபேல். F-35 போர் விமானங்களில் விரைவில் லேசர் படைக்கலன்களும் ஹைப்பர் சோனிக் ஏவுகணைகளும் இணைக்கப்படும். அதற்கான வாய்ப்பு ரஃபேலில் உள்ளனவா என்பது கேள்விக் குறி. F-35ஐ வடிவமைக்கும் போது எதிர்காலத்தில் உற்பத்தி செய்யக் கூடிய ஏவுகணைகளையும் பொருத்தக் கூடிய வகையில் உருவாக்கப்பட்டது. F-22இல் கிடைத்த அனுபவத்தை வைத்தே அமெரிக்கா இந்த அம்சத்தை F-35இல் உள்ளடக்கியது. செய்மதிகளுடன் தொடர்பாடல்கள் வைத்துச் செயற்படக்கூடிய தன்மையும் உள்ளடக்கப்பட்டுள்ளது. F-35 விமானத்தைச் செலுத்த விமானியின் பங்களிப்பு மிகவும் குறைந்த அளவே தேவைப்படும் அளவிற்கு அதன் தானியங்கித் தன்மை உள்ளது. இதனால் அதை ஓட்டும் விமானி எதிரியின் நகர்வு, இலக்கு, தாக்குதல் போன்றவற்றில் அதிக கவனம் செலுத்த முடியும். பார்க்க ரஃபேல் அதிக வேகமாகப் பறக்கக் கூடியது என்பது உண்மை. பொதுவாக F-35இலும் புலப்படாத்தன்மை (Stealth) கொண்ட விமானங்கள் மிக அதிக வேகமாகச் செல்வதில்லை. அதன் இயந்திரங்கள் அதற்கு ஏற்ப வடிவமைக்கப்படும். இயந்திர வேகம் அதிகரிக்கும் போது புலப்படாத்தன்மை இழக்கப்படும். உலகிலேயே ஊழல் குறைந்த நாடுகளில் ஒன்றான சுவிற்சலாந்து போர் விமானங்கள் வாங்கும் முடிவை எடுக்கும் போது ரஃபேலா F-35ஆ என்ற கணிப்பில் F-35ஐயே தெரிவு செய்தது. இந்தியா ரஃபேல் விமானம் வாங்குவதாக எடுத்த முடிவில் ஊழல் இல்லை என ஆரிய வாற்பிடிகளால் உறுதியாகச் சொல்ல முடியுமா?

நாய்ச்சண்டையைச் செல்லுபடியற்றதாக்கிய F-35

F-35 நாய்ச் சண்டையை செல்லுபடியற்றதாக உருவாக்கப்பட்ட வானாதிக்க விமானம் ஆகும். போர் விமானங்களிடையே நடக்கும் Dog fight எனப்படும் நாய்ச்சண்டை என்பது இரண்டு அல்லது அதற்கு மேற்பட்ட எதிரி விமானங்கள் குறுகிய தூரத்தில் நின்று ஒன்றை ஒன்று தாக்குவதாகும். F-35 வானாதிக்கம் (Air Dominance) மற்றும் வான்மேன்மை (Air superiority) போன்றவைக்கு உகந்தவையாக வடிவமைக்கப்பட்டவை. ஒரு விமானம் ஒரு குறித்த வான்பரப்பில் பறக்கும்போது அது மற்ற விமானங்களை அவ்வான்பரப்பில் பறக்க அனுமதிக்காது என்றால் அவ்விமானம் வானாதிக்க விமானமாகும். ஒரு குறித்த விமானம் எதிரியின் விமானங்களிலும் பார்க்க மேன்மயானதாக இருந்தால் அது வான்மேன்மை விமானமாகும். அதனால் F-35 விமானத்தை எதிரி விமானம் கண்டறிய முன்னரி F-35 எதிரி விமானங்களை கண்டறிந்துவிடும். அதனால் எதிரி விமானம் F-35ஐ அண்மிக்க முன்னர் அதை F-35ஐ அழித்துவிடும். அதனால் நாய்ச்சண்டைக்கு வாய்ப்பில்லை. குளவித் தாக்குதல் முறைமையில் F-35 விமானத்தை அணுகினால் அதன் பரிவாரங்களாக வரும் பல ஆளில்லா போர்விமானங்களால் குளவித் தாக்குதலுக்கு வரும் விமானங்கள் அழிக்கப்பட்டுவிடும். நிலைமை இப்படியிருக்க ஆரிய ஆதிக்க வாற்பிடிகள் நாய்ச்சண்டையில் ரஃபேல் F-35ஐ சுட்டு விழுத்திவிடும் எனத் தம்பட்டமடிக்கின்றனர்.

The F-35 has the most advanced sensor suite of any fighter in history, including the Active Electronically Scanned Array (AESA) radar, Distributed Aperture System (DAS), Electro Optical Targeting System (EOTS) and advanced electronic warfare capabilities to locate/track enemy forces, jam radars and disrupt attacks.

Sensor Suite

The F-35 has the most advanced sensor suite of any fighter in history, including the Active Electronically Scanned Array (AESA) radar, Distributed Aperture System (DAS), Electro Optical Targeting System (EOTS) and advanced electronic warfare capabilities to locate/track enemy forces, jam radars and disrupt attacks. The F-35 serves as an information and communications gateway, sharing its operational picture with the ground, sea and air assets.

Sensor Fusion

The F-35's advanced sensor fusion enables pilots to draw on information from all of their on-board sensors to create a single integrated picture of the battlefield that greatly enhances awareness and survivability.

 

F-35 செலவு மிக்கதா?

F-35 செலவு மிக்க விமானம் என்கின்றனர் சிலர். ஆனால் எதிரியைத் தோற்கடிக்க செலவுக்கான பயன்பாடு உடைய விமானம் என்கின்றனர் அதன் உற்பத்தியாளர்கள்.  As the most cost-effective solution for defeating our increasingly sophisticated adversaries, the F-35 will accomplish what would otherwise require a far greater number of less capable aircraft to achieve. F-35 ஐ உருவாக்கியவர்கள் தொடர்ச்சியாக அதை மேம்படுத்தும் பணியில் ஈடுபட்டுள்ளார்கள். அதன் மூலம் அதன் வானாதிக்கத்தையும் வான்மேன்மையையும் பேண முடியும்.

ரஃபேலைக் குறைத்து மதிப்பிடக்கூடாது

பறப்பு நேரம், பறப்பு தூரம் போன்றவற்றில் F-35இலும் பார்க்க ரஃபேல் சிறந்தது. கடல் மட்டதில் இருந்து உயரமான தளங்களில் இருந்து பறப்பை மேற்கொள்ளக் கூடிய ரஃபேல் சீன எல்லையில் மிகவும் பயனுள்ளதாகும்

SPECTRA (Self-Protection Equipment to Counter Threats for RAFALE Aircraft) has been jointly developed by MBDA and Thales to provide an integrated self-protection system for the new Rafale combat aircraft now in service with the French Air Force and Navy. The SPECTRA integrated electronic warfare suite provides long-range detection, identification and accurate localisation of infrared, electromagnetic and laser threats. The system incorporates, radar warning, laser warning and missile warning receivers for threat detection plus a phased array radar jammer and a decoy dispenser for threat countering. ரஃபேலை உருவாக்க 46பில்லியன் யூரோ செலவிடப்பட்டது. F-35ஐ உருவாக்க 400பில்லியன் டொலர்கள் செலவிடப்பட்டது. சிலர் F-35ஐ உருவாக்க 1.6ரில்லியன் டொலர்கள் செலவிடப்பட்டது என்கின்றனர்.

இந்தியாவிற்கு ரஃபேல் போதாது.

இந்தியாவின் மிகப் பெரிய அச்சுறுத்தல் சீனாவின் ஹைப்பர் சோனிக் ஏவுகணைகளே. அதிலும் பெரிய அச்சுறுத்தலாக வரவிருப்பது. சீனா அந்த ஏவுகணைகளை அல்லது அதன் தொழில்நுட்பத்தை பாக்கிஸ்த்தானுக்கு விற்பனை செய்வதாகும். அதனால் F-35இலும் பார்க்க மேம்பட்ட புலப்படாத் (Stealth) தன்மை கொண்ட விமானங்களும் லேசர் படைக்கலன்களும் இந்தியாவிற்கு அவசியமாகும். ஹைப்பர் சோனிக் ஏவுகணைகளை இந்தியாவிடமிருக்கும் எஸ்-400 விமான எதிப்பு ஏவுகணைகளால் அழிக்க முடியாது. பாக்கிஸ்த்தான் அல்லது இரசியாவுடன் ஒரு போர் என்றுவரும் போது இந்தியாவிடம் புலப்படாத் தன்மை கொண்ட விமானங்கள் மூலம் எதிரியின் ஹைப்பர் சோனிக் ஏவுகணைகளை எதிரி நாட்டுக்குள் வைத்தே அழிக்க முடியும்.

பல ஊடகங்களில் படைக்கலன்களைப் பற்றி எழுதப்படும் கட்டுரைகளில் படைக்கல விற்பனையாளர்களினதும் அவர்களது முகவர்களதும் தாக்கம் இருக்கும். அவற்றையும் கருத்தில் கொள்ள வேண்டும். சரியான தொழில்நுட்ப அறிவைத் தேடிப் பெற்றுக் கொள்ளுதல் அவசியம். “Rafale Jets won’t save Indian Air Force” என்னும் தலைப்பில் Foreign Policy என்ற அமெரிக்க சஞ்சிகையில் ஒரு கட்டுரை வந்தது. அதை ரஃபேலுக்கு போட்டியாக இந்தியாவிற்கு தமது விமானங்களை விற்பனை செய்ய முயன்று தோல்வியடைந்தவர்களின் குரலாகவே நான் பார்க்கின்றேன்.

மூன்றாம் தர Youtube Channelகள் பற்றி கவனமாயிருங்கள்.

ரஃபேல் விமானத்தில் குழப்ப முடியாத GPS

  

2018-ம் ஆண்டு நேட்டோ படையினரும் பின்லாந்தும் இணைந்து செய்த Trident போர்ப்பயிற்ச்சியின் போது. நோர்வேயினதும் பின்லாந்தினதும் பூகோள நிலையறி முறைமையை (GPS) இரசியா குழப்பியதாக செய்திகள் வெளிவந்திருந்தன. சிரியப் போரிலும் இது நடந்தது எனக் கருதப்படுகின்றது. இரசிய அதிபர் விளடிமீர் பயணிக்கும் இடங்களில் பூகோள நிலையறி முறைமையை (GPS) குழப்பி அவரது பாதுகாப்பை உறுதி செய்வதற்கு இரசியா முதலில் குழப்பி தொழில்நுட்பத்தை அறிமுகம் செய்தது. பின்னர் அது போர்முனைகளில் பாவிக்கக் கூடிய அளவிற்கு மேம்படுத்தப்பட்டது. இதைச் சமாளிக்க ரஃபேல் விமானத்தில் புதிய தொழில்நுட்பம் இணைக்கப்படவுள்ளது. 

இலத்திரனியல் போரில் வல்ல இரசியா

பூகோள நிலையறி முறைமையை (GPS) குழப்புதல் என்பது இலத்திரனியப் போரியலின் ஒரு பகுதியாகும். 2014-ம் ஆண்டு அமெரிக்காவின் USS Donald Cook போர்க்கப்பலுக்கு அண்மையாக இரசியாவின் SU-24 போர் விமானம் பறைந்தவுடன் அந்தப் போர்க்கப்பலில் உள்ள எல்லா இலத்திரனியல் கருவிகளும் செயலிழந்து போயின. அந்த அளவிற்கு இரசியாவின் இலத்திரனியல் போர் முறைமை மேம்பட்டதாக இருக்கின்றது. இரசியாவின் SU-24 இருந்து வீசிய வானலை இலத்திரன் அலைகள் மூலமாக அமெரிக்கப் போர்க்கப்பலின் இலத்திரனியல் செயற்பாடுகள் செயலிழக்கச் செய்யப்பட்டன. அமெரிக்காவின் மிகப்பாரிய பெறுமதி மிக்க கப்பல்களை மிகமலிவான இலத்திரனியல் கருவிகள் மூலம் செயலிழக்கச் செய்யும் இரசியாவின் தொடர்ச்சியான ஆராய்ச்சி வெற்றியளித்துள்ளது. 

துல்லிய தாக்குதலுக்கு GPS அவசியம்

தரையில் இருந்து 20,000கிமீ (12,000மைல்) உயரத்தில் மிதக்கும் முப்பதிற்கு மேற்பட்ட செய்மதிகளில் இருந்து வரும் தொடர்பாடல்கள் மூலம் பூகோள நிலையறி முறைமை (GPS) செயற்படுகின்றது. பூகோள நிலையறி முறைமை செய்மதிகளின் உதவிகளுடன் செயற்படுகின்றது. செய்மதிகளில் இருந்து ஒளியின் வேகத்தில் வரும் சமிக்ஞைகளை குழப்புவதன் மூலம் பூகோள நிலையறி முறைமையைக் குழப்பலாம். 1990/91 ஆண்டுகளில் நடந்த வளைகுடாப் போரின் போது அமெரிக்கப் படையினர் தரை, வான், கடல் ஆகிய மூன்று நிலைகளில் இருந்தும் ஈராக் மீது ஏவுகணைகளை வீசி இலக்குகளை துல்லியமாக தாக்கியமைக்கு பூகோள நிலையறி முறைமை (GPS) காரணமாக அமைந்தது. அதைப் பார்த்து வியந்த ஒரு இரசியப் படைத்துறை நிபுணர் இது போரியலில் அடுத்த தலைமுறை வகையைச் சேர்ந்தது. என்றார்.

What is a GPS jammer?

A GPS jammer is a typically small, self-contained, transmitter device used to conceal one’s location by sending radio signals with the same frequency as a GPS device. When this occurs, the GPS device is unable to determine its position due to interference.

பரவலாகப் பயன்படும் GPS

இலண்டன் பங்குச் சந்தை உலகின் பல் வேறு பாகங்களில் இருந்து தொடர்பு கொள்ளும் முதலீட்டாளர்களுடன் தொடர்பு கொள்வதற்கு பாவிக்கும் பூகோள நிலையறி முறைமையும் பல தடவை குழப்பப்பட்டன. பெரு நகரங்களில் நடந்து செல்லும் சாதாரண பயணிகள், படையினர், விமானங்கள், கடற்கப்பல்கள் என எல்லாப் போக்கு வரத்துக்களுக்கும் பூகோள நிலையறி முறைமை (GPS) பெரிதும் ங்கள், ஆளில்லா கப்பல்கள், ஆளில்லா நீர்மூழ்கிகள், தானாக இயபயன்படுத்தப்படுகின்றன. ஆளில்லா விமானங்கும் மகிழூர்ந்துகள், ஊபர் போன்ற வாடகைப் போக்குவரத்து நிறுவனங்கள் தமது செயற்பாடுகளுக்கு பூகோள நிலையறி முறைமையில் (GPS) பெரிதும் தங்கியிருக்கின்றன. 

குவய தொழில்நுட்பம் (Quantum Technology)

2018-ம் ஆண்டு நேட்டோவின் போர் ஒத்திகையின் போது பூகோள நிலையறி முறைமையை (GPS) குழப்பியதைத் தொடர்ந்து இனி வரும் காலத்தில் இதை எப்படி எதிர் கொள்வது என பல நாடுகளும் ஆய்வில் இறங்கின. பிரான்ஸ் குவய தொழில்நுட்பத்தை (Quantum Technology) பாவித்து குழப்ப முடியாத பூகோள நிலையறி முறைமையை உருவாக்கியுள்ளது. அணுவின் உட்பிரிவுகளான இலத்திரன் புரோட்டன் போன்றவற்றையும் அவற்றின் அலை இயக்கத்தையும் பாவிப்பது குவய தொழில்நுட்பமாகும். Extremely High-Performance quantum accelerometers மூலம் Gyroscopes எனப்படும் தொலை நோக்கிகளை இயக்குவதால் குழப்ப முடியாத பூகோள நிலையறி முறைமையை பிரான்ஸ் உருவாக்கியுள்ளது.  Gyroscopes துரிதமாகச் சுழலும் சில்லுகளைக் கொண்டது. இதன் இலத்திரனியல் வடிவம் தானாக இயங்கும் விமானங்களிலும் ஏவுகணை வழிகாட்டி ஏவுகணைகளிலும் பயன்படுத்தப் படும். இவற்றை Quantum Technology மூலம் பிரான்ஸ் மேம்படுத்தியுள்ளது.

பிரான்ஸின் குழப்ப முடியாத பூகோள நிலையறி முறைமை ரஃபேல் விமானங்களில் இணைக்கப்படவுள்ளன. இந்தியா பிரான்ஸின் ரஃபேல் விமானங்களை வாங்கியதைத் தொடர்ந்து கிரேக்கமும் துருக்கியின் அச்சுறுத்தலை எதிர் கொள்ள ரஃபேல் விமானங்களை வாங்கியது. இப்போது இந்தோனேசியாவும் ரஃபேலைக் கொள்வனவு செய்ய முடிவு செய்துள்ளது. தனது போர்ப்படைக்கலன்களை அமெரிக்காவிடமிருந்து வாங்குவதை பிரான்ஸ் எப்போது தவிர்க்கின்றது. தனது படைக்கலன்களை தானே உற்பத்தி செய்வதால் தனது தனித்துவத்தைப் பேண முடியும் எனக் கருதும் பிரான்ஸ் தனது போர் விமானங்களை தொடர்ச்சியாக புதியதாக்கிக் கொண்டே இருக்கின்றது.

இணைய வெளிப் போர் பற்றி அறிய இங்கு சொடுக்கவும்(Click): அமெரிக்க இணையவெளிப் போர்

இந்தியா வாங்கிக் குவிக்கும் படைக்கலன்கள்

கஷ்மீரின் லடாக் பிரதேசத்தில் சீனாவுடன் ஏற்பட்ட முறுகலுக்குப் பின்னர் இந்தியா புதிதாக ஐந்தரை பில்லியன் டொலர்கள் பெறுமதியான படைக்கல கொள்வனவை செய்யவுள்ளதுடன் பிரான்சிடமிருந்து செய்யும் ரஃபேல் பற்பணி விமானக் கொள்வனவையும் துரிதப் படுத்தியுள்ளது. இந்தியப் பாதுகாப்பு கொள்வனவுச் சபையின் சிறப்புக் கூட்டம் 2020 ஜூலை 15-ம் திகதி நடைபெற்றது. இந்தியத் தரைப்படை தனது பீஷ்மா போர்த்தாங்கிகளில் (T-90 Bhishma Tanks) பொருத்துவதற்கென 1512 கண்ணிவெடிகளை அகழ்ந்து எடுக்கும் கருவிகளை வாங்குகின்றது. சீனாவுடனான எல்லையைக் கண்காணிப்பதற்கு இந்திய தனது உள்ளூர்த் தயாரிப்பு கண்காணிப்பு விமானங்களையும் சேவையில் ஈடுபடுத்தியுள்ளது. Igla-S என்கின்ற வான் பாதுகாப்பு முறைமையையும் அவசரமாக வாங்குகின்றது. மேலும் இந்தியாவின் அவசரக் கொள்வனவில் இரசியாவிடமிருந்து புதிய 21 மிக்-29 ஜெட் விமானங்களும் ஏற்கனவே வாங்கிய 59 விமானங்களை மேம்படுத்துதலும் அடங்கும். லடாக் பிரதேச முறுகலின் பின்னர் அவசர தேவை அடிப்படையில் இந்தியா பல படைக்கலன்களைக் கொள்வனவு செய்வதால் வழமையாகக் கடைப்பிடிக்க வேண்டிய நிதிக் கட்டுப்பாட்டு நடவடிக்கைகளை இந்திய அரசு தவிர்க்கலாம். அமெரிக்காவிடமிருந்து வாங்கிய CH-47 Chinook heavy-lift helicopters என்னும் உலங்கு வானூர்திகளை லடாக் பிரதேசத்திற்கு இந்தியா அனுப்பியுள்ளது.

ரஃபேல் கொள்வனவு

பாக்கிஸ்த்தானுடன் போர் செய்வதற்கும் சீனாவுடன் போரைத் தவிர்ப்பதற்கும் இந்தியா படைக்கலன்களை வாங்கிக் குவித்துக் கொண்டே இருக்க வேண்டும். 2007இல் பாக்கிஸ்த்தானிடமுள்ள F-16 போர்விமானங்களையும் சீனாவின் J-10 போர்விமானங்களையும் கருத்தில் கொண்டு இந்திய விமானப்படை தமக்கு நடுத்தர பற்பணி தாக்குதல் போர்விமானங்கள் (Medium multi-role combat aircraft ) வேண்டும் என்ற வேண்டுகோளை இந்திய அரசிடம் விடுத்தது. அமெரிக்கா அப்போது இந்தியாவிற்கு நவீன படைக்கலன்களை வழங்குவதில்லை. அமெரிக்கா இந்தியாவிற்கு போக்குவரத்து விமானங்களான C 130, C 17ஆகியவற்றையும் ரோந்து விமானமன P 8I  ஐயும் விற்பனை செய்தது. இந்தியாவிற்கு தற்காப்பு படைக்கலன்களை மட்டுமே வழங்குவது என்ற கொள்கையை அமெரிக்கா முன்பு கடைப்பிடித்தது. அதனால் பிரான்சிடமிருந்து தனக்குத் தேவையான பற்பணி விமானங்களை வாங்க முடிவு செய்தது. அதன் பின்னணியில் பல அரசியற் பிரச்சனைகள் இந்திய உச்ச நீதிமன்றம் வரை சென்றது. இந்தியா இரசியாவிடமிருந்து புதிய பன்னிரண்டு Su-30MKI போர்விமானங்களையும் 1.53பில்லியன் டொலர்களுக்கு வாங்க திட்டமிட்டுள்ளது. இரசியா தாமதப் படுத்திய எஸ்-400 ஏவுகணை எதிர்ப்பு முறைமையை இரசியா தற்போது துரிதப்படுத்த ஒத்துக் கொண்டுள்ளது. இஸ்ரேலிடமிர்ந்து தாங்கி எதிர்ப்பு ஏவுகணைகளையும் (Spike anti-tank guided missiles) இந்தியா வாங்குகின்றது. இந்தியாவின் கொள்வனவுப் பட்டியலில் ஜேர்மனியில் இருந்து வாங்குக் 72000 துமுக்கி துப்பாக்கிகளும் (sig 716 rifle) அடங்கும்.

இரண்டு ரஃபேல் படையணிகள்

ஆறு ரஃபேல் போர் விமானங்கள் ஜூலை 27 அன்று இந்தியாவின் ஹரியானா மாநிலட்தில் உள்ள அம்பாலா ராணுவ விமான தளம் போய்ச் சேருகின்றன. ஆனால் அவை போருக்குத்தயார் நிலைக்கு வர 2 மாதங்கள் எடுக்கலாம். ஏற்கனவே இந்திய விமானிகளுக்கு பிரான்சில் வைத்து ரஃபேல் போர்விமானங்களை பறக்கும் பயிற்ச்சி வழங்கப்பட்டுள்ளது. அடுத்த இரண்டு ஆண்டுகளுக்குள் மொத்தம் முப்பத்தியிரண்டு ரஃபேல் விமானங்களைக் கொண்ட இரண்டு விமானப்படையணியை இந்தியா உருவாக்கவுள்ளது. ஒரு படையணி ஹரியானாவில் அம்பாலாவிலும் மற்றது மேற்கு வங்கத்தில் உள்ள ஹசிமாரா விமானத் தளத்திலும் நிலைகொள்ளவுள்ளன. இந்திய விமானப்படையின் மேற்கு கட்டளையகத்தின் கீழ் வரும் அம்பாலா விமானத்தளம் சீன எல்லையில் இருந்தும் பாக்கிஸ்த்தான் எல்லையில் இருந்தும் சம தொலைவில் உள்ளது. ஹசிமாரா விமானத் தளம் இந்தியாவின் ஏழு வட கிழக்கு மாநிலங்களை இந்தியப் பெரு நிலப்பரப்புடன் இணைக்கும் கோழிக்கழுத்து என அழைக்கப்படும் சில்குரி பாதையை பாதுகாக்கும் நோக்கத்தை கொண்டதாகும். இது பங்களாதேசத்திற்கும் நேப்பாளத்திற்கும் இடையில் உள்ள குறுகிய பாதையாகும். அத்துடன் இரு விமானத் தளங்களும் இந்தியக் கட்டுப்பாட்டில் உள்ள கஷ்மீரை சீனாவிடமிருந்தும் பாக்கிஸ்த்தானிடமிருந்தும் பாதுகாக்கவும் பயன்படுத்தப்படும்.

ரஃபேல் விமானத்தில் பொருத்தக் கூடிய ஏவுகணைகள்:

1. MBDA Scalp ஏவுகணைகள் (Air To Ground Cruise Missile). பிரித்தானியாவும் பிரான்சும் இணைந்து உருவாக்கிய இந்த MBDA Scalp ஏவுகணைகள் 5.1 மீட்டர் நீளமும் 450 கிலோகிராம் எடை 1000கிமீ/வினாடி தூரம் 560 கிலோ மீட்டர். 

2. Meteor ஏவுகணைகள் Air To Air Missile இவை தற்போது உள்ள வானில் இருந்து வானிற்கு தாக்குதல் செய்யக் கூடிய மிகச்சிறந்த ஏவுகணைகளாகும். Meteor ரக ஏவுகணைகள் : 3.7 மீட்டர்  190 கிலோக எடையும் கொண்டவை. இவை ஒலியிலும் பார்க்க நான்கு மடங்கு (Mach4) வேகத்தில் சென்று, 100 கிலோ மீட்டர் வரை உள்ள எதிரி போர் விமானங்களை தாக்கும் வலிமையுள்ளவை.

3. இரசியாவும் இந்தியாவும் இணைந்து தயாரித்த பிரம்மோஸ் ஏவுகணைகள். பிரம்மோஸ்-எம் ஏவுகணைகள் ஆறு மீட்டர் நீளமும் அரை மீட்டர் விட்டமும் உடையவை. இவை ஒலியிலும் பார்க்க மூன்றரை மடங்கு வேகத்தில் பாயக் கூடியவை. அத்துடன் இரு நூறு முதல் முன்னூறு எடையுள்ள குண்டுகளைத் தாங்கிக் கொண்டு 290 கிலோமீட்டர் தூரம் வரை பாயக்கூடியவை.  ரஃபேல் விமானங்களும் அவற்றில் பொருத்தப்படவுள்ள ஏவுகணைகளும் இந்திய எல்லையில் பறந்து கொண்டே ரஃபேல் விமாங்களால் னபாகிஸ்தானில் உள்ள பல இலக்குகளை அழித்துவிட முடியும். அதே போலவே சீனாவின் பல பிரதேசங்கள் ரஃபேலின் தாக்குதல் எல்லைக்குள் வருகின்றன.

இந்தியாவிற்கு என தனித்துவமான ரஃபேல்

பதின் மூன்று ரஃபேல் விமானக்கள் இந்தியாவிற்கு என தனித்துவமாக உருவாக்கப்பட்டுள்ளன. அவை கடல் மட்டத்தில் இருந்து மிக உயரமான இடத்தில் குளிரான கால நிலையில் விமானம் மேலெழும்பக் கூடிய வகையில் அவை வடிவமைக்கப்பட்டுள்ளன. இவை India Specific Enhancements (ISE) என அழைக்கப்படுகின்றன. இமயமலைக்கு அண்மையாக உள்ள கஷ்மீர் பிரதேசத்தின் புவி அமைப்பைக் கருத்தில் கொண்டே இவை உருவாக்கப்படுகின்றன. கிடைக்கப் பெற்ற தகவல்களின் படி இமய மலைச் சாரலில் இருந்து விமானங்களை தரையில் இருந்து எழும்பச் செய்வதில் சீனா பெரும் பின்னடைவு நிலையில் உள்ளது.

சீனாவின் ஐந்தாம் தலைமுறைப் போர்விமானங்கள்

சீனா அமெரிக்காவின் எஃப்-22 போர் விமானங்களின் இரகசியங்களை இணையவெளி ஊடுருவல் மூலம் அபகரித்து தனது ஜே-20 ஐந்தாம் தலைமுறைப் போர்விமானங்களை உருவாக்கியுள்ளதாக குற்றம் சாட்டப்படுகின்றது. இப்போது சீனா ஜே-20-பி என ஒரு மேம்படுத்தப்பட்ட போர்விமானங்களைப் பெருமளவில் உற்பத்தி செய்கின்றது. ரஃபேல் விமானங்கள் புலப்படாத் தன்மை கொண்டவை அல்ல. ஆனால் சீனாவின் ஜே-20 போர்விமானங்களும் ஜே-31 போர் விமானங்களினதும் புலப்படாத் தனமை கேள்விக்குறியாகவே உள்ளது. சீன பாதுகாப்புத் துறை ஊடகங்கள் தமது ஐந்தாம் தலைமுறைப் போர்விமானங்களை இந்தியாவின் ரஃபேல் விமானங்களால் எதிர் கொள்ள முடியாது என மார்தட்டுகின்றன. ஒரு போர் நடக்கும் போது மட்டும் ரஃபேல் எந்த அளவுக்கு சீனாவிற்கு அச்சுறுத்தலானது என அறிய முடியும். விமானிகளின் போர் முனை அனுபவம் எனப்பார்க்கும் போது இந்திய விமானிகள் சிறப்பான நிலையில் இருக்கின்றனர்.

சீனாவை அச்சப்பட வைக்க அமெரிக்காவிடமிருந்து இந்தியா ஐந்தாம் தலைமுறைப் போர் விமானங்களை வாங்க வேண்டியிருக்கும்.

ரஃபேல் விமானக் கொள்வனவும் இந்திய விமான உற்பத்தியும்

இந்தியாவின் முதலாவது தனியார் படைக்கல உற்பத்தி முயற்ச்சி 1940 ஆண்டு பிரித்தானிய ஆட்சியின் போது வால்சந்த ஹரிசந்த் ஜோசி என்பவரால் செய்யப்பட்டது. அவர் ஒர் அமெரிக்க முதலீட்டாளருடன் இணைந்து மைசூர் மகராசாவின் உதவியுடன் ஹிந்துஸ்த்தான் ஏயர்கிராஃப்ட் லிமிட்டெட் (Hindustan Aircraft Limited) நிறுவனத்தை உருவாக்கினார். பெங்களூரில் மகராசா வழங்கிய 700ஏக்கர் காணியில் இதன் உற்பத்தி ஆரம்பித்தது. முதலாவதாக Harlow PC-5 என்னும் ஒரு பயிற்ச்சி விமானம் உருவாக்கப்பட்டது. இந்தியாவை ஆண்டு கொண்டிருந்த பிரித்தானிய அரசு அந்த நிறுவனத்தை 1942இல் அரசுடமையாக்கியது. இந்திய சுதந்திரத்தின் பின்னர் அந்த விமான உற்பத்தி நிறுவனம் இந்திய அரசின் உடமையானது. பின்னர் அந்த நிறுவனம் இந்திய அரசுக்கு சொந்தமான Hindustan Aeronautics Limited (HAL) நிறுவனத்துடன் இணைந்து கொண்டது.

பெருமை மிகு ஹல்

Hindustan Aeronautics Limited (HAL) தேஜஸ், ஹல் துருவ், மிக்-21 ஆகிய விமானங்களை உருவாக்கியது. பல உலங்கு வானூர்திகளையும் உற்பத்தி செய்தது. பல வெளிநாட்டு விமான உற்பத்தி நிறுவனங்களுக்கு அது உதிரிப்பாக உற்பத்திகளையும் செய்தது. ஆனால் உரிய நேரத்தில் வேலைகளை முடிப்பதில்லை என்ற கெட்ட பெயரையும் பெற்றுக் கொண்டது. Hindustan Aeronautics Limited (HAL)இன் முழுமையான உள்ளூர்த் தயாரிப்பான தேஜஸ் விமானம் சீனாவின் J-10இலும் பார்க்கச் சிறந்ததாகக் கருதப்படுகின்றது. அத்துடன் இந்திய விமான உற்பத்தித் துறையில் ஒரு மைல்கல்லாகவும் கருதப்படுகின்றது. HAL உற்பத்தி செய்த HAL HF-24 Marut என்ற fighter-bomber விமானம் ஆசியாவின் முதலாவது ஜெட் விமானமாகும். 1971-ம் ஆண்டு நடந்த இந்திய பாக்கிஸ்த்தான் போரில் அது சிறப்பாகச் செயற்பட்டது. இந்த பெருமை மிகு HAL என சுருக்கமாக அழைக்கப்படும் இந்திய விமான உற்பத்தி நிறுவனத்தை இந்திய தலைமை அமைச்சர் நரேந்திர மோடி வஞ்சித்தாரா என்ற கேள்வி இந்திய அரசியலை இப்போது உலுப்புகின்றது. படைத்துறை நிபுணர்களின் கருத்துப்படி ஒரு வல்லரசின் நம்பகத்தன்மைக்கு அதன் பாதுகாப்பு உற்பத்தித் துறை முக்கியமானதாகும். ஒரு போர் நடந்து கொண்டிருக்கும் போது படைக்கல இறக்குமதியில் தங்கியிருப்பது உகந்த ஒன்றல்ல.

இந்தியாவிற்கு தேவப்பட்ட பற்பணி (Multi-role) விமானம்

இந்தியா படைக்கலன்களை வாங்கிக் குவிப்பது பாக்கிஸ்த்தானுடன் போர் செய்வதற்கும் சீனாவுடன் போரைத் தவிர்ப்பதற்குமாகும். 2007இல் பாக்கிஸ்த்தானிடமுள்ள F-16 போர்விமானங்களையும் சீனாவின் J-10 போர்விமானங்களையும் கருத்தில் கொண்டு இந்திய விமானப்படை தமக்கு நடுத்தர பற்பணி தாக்குதல் போர்விமானங்கள் (Medium multi-role combat aircraft ) வேண்டும் என்ற வேண்டுகோளை இந்திய அரசிடம் விடுத்தது. அமெரிக்கா அப்போது இந்தியாவிற்கு நவீன படைக்கலன்களை வழங்குவதில்லை. அமெரிக்கா இந்தியாவிற்கு போக்குவரத்து விமானங்களான C 130, C 17ஆகியவற்றையும் ரோந்து விமானமன P 8I  ஐயும் விற்பனை செய்தது. இந்தியாவிற்கு தற்காப்பு படைக்கலன்களை மட்டுமே வழங்குவது என்ற கொள்கையை அமெரிக்கா கடைப்பிடித்தது. அமெரிக்காவிடமிருந்து போர் விமானங்களை வாங்கினால் அது சிலசமயம் அரசியற் காரணங்களுக்காக தடைகளையும் எதிர்பாராத நேரத்தில் செய்யலாம் என்ற அச்சம் இந்தியாவிடம் இருந்தது. இரசியா இந்தியாவிற்கும் விற்பனை செய்யும் விமானங்களுக்கு அதிக விலை கொடுக்கப்படுகின்றது என்ற குற்றச் சாட்டும் அப்போது இருந்தது.

கேள்விக்குப் பல பதில்கள்

2007இல் இந்திய அரசு 126 விமானங்களுக்கான கேள்விப்பத்திரம் விடுத்தது

பதிலளித்தவை 1. பிரான்ஸின் ரஃபேல் விமான உற்பத்தி நிறுவனமான டசோ (Dassault), 2. இரசியாவின் மிக்-39 3. சுவீடனின் சாப் நிறுவனத்தின் JAS-39 Gripen 4. அமெரிக்க லொக்கீட்டின் F-16, அமெரிக்க போயிங்கின் F/A-18 Super Hornet, பிரித்தானியாவில் இருந்து Eurofighter Typhoon ஆகியவையாகும்.  1998-ம் ஆண்டு இந்திய அணுக்குண்டு பரிசோதனை செய்த போது பிரான்ஸ் பொருளாதார மற்றும் படைத்துறைத் தடையை இந்தியாவிற்கு எதிராக விதிக்கவில்லை. அப்போது பிரான்ஸ் இந்திய வெளிநாட்டுக் கொள்கையில் நம்பகரமான பாங்காளியாகக் கருதப்பட்டது. அமெரிக்கா இந்தியாவிற்கு விற்பனை செய்ய இருந்த Javelin AT missile இல் தடை வருமா என்ற நிலை இருந்தது. இந்தச் சூழலில் பிரான்ஸின் டசோ நிறுவனத்தின் ரஃபேல் போர் விமானங்களை வாங்கும் முடிவு இந்தியாவில் எடுக்கப்பட்டது. அது பல விமர்சனங்களுக்கும் உள்ளானது. இரசியப் படைத்துறை நிபுணர்கள் தங்களது Su27, Su30 ஆகிய போர் விமானங்களுக்கு முன்னர் ரஃபேல் ஒரு நுளம்பு என்றனர்.

ரஃபேலை நம்பிய இந்தியா

அமெரிக்காவின் F-18 பிரெஞ்சு Rafaelஉம் மணிக்கு 587மைல் வேகத்தில் பறக்கக் கூடியவையாக இருந்தன. ஒரு பறப்பில் பறக்க வல்ல ஆகக் கூடிய தூரம் என்பதைப் பார்க்கையில் F-18 587 மைல்கள் ரஃபேல் 1150 மைல்கள். அப்போது இருந்த நான்காம் தலைமுறைப் போர்விமானங்களில் ரஃபேல் சிறந்தது என இந்தியப் படைத்துறை நிபுணர்களும் இந்திய அரசும் கருதின. ஏற்கனவே மிராஜ் போர்விமானங்களை உற்பத்தி செய்த அனுபவம் டசோ நிறுவனத்திற்கு இருந்தது. நம்பகத் தனமை, படைகலன்களை காவும் அளவு, பல்வகை உணைர்கள் போன்றவற்றில் ரஃபேல் சிறந்தது என்பதும் அவர்களின் கணிப்பு. ரஃபேலின் களமுனை அனுபவம் என்று பார்க்கும் போது ஆப்கானிஸ்த்தான், லிபியா, மாலி போன்ற நாடுகளில் வலிமை குறைந்த எதிரிகளுக்கு எதிராகவே அது தாக்குதல்களைச் செய்துள்ளது. அப்போது ஒரு ரஃபேல் விமானத்தின் விலை 526 கோடி என ஒத்துக்கொள்ளப்பட்டது.

தேர்தல்: ஆதலால் ஊழல் செய்வீர்

2003-ம் ஆண்டு நடந்த சதாம் ஹுசேய்னுக்கு எதிரான ஈராக் போரில் புலப்படா விமானங்கள் அமெரிக்காவால் பாவிக்கப்பட்டது. அப்போது போர் விமானத் துறையில் புலப்படா விமானங்கள் எதிர்காலத்தில் பெரும் பங்கு வகிக்கும் என உணரப்பட்டது. ஆனால் 2007-ம் ஆண்டு புலப்படாத் தன்மையற்ற ரஃபேலை வாங்கும் முடிவை இந்த்யா எடுத்தது சற்று சிந்திக்க வேண்டிய ஒன்று. பொதுவாக ஒரு நாட்டில் தேர்தல் நடக்க முன்னர் ஆளும் கட்சிக்கு நிதி தேவைப்படும் போது பெரிய அளவில் படைக்கலன்களை இறக்குமதி செய்வதன் மூலம் ஆளும் கட்சி தனது தேர்தல் நிதியை ஊழல் மூலம் பெற்றுக் கொள்வது இலகுவானது.

ரஃபேலோடு தொடங்கிய Reliance Aerospace Technologies

 2007-ம் ஆண்டு ரஃபேல் விமானம் வாங்கும் முடிவை எடுத்த பின்னர் 2008 செப்டம்பரில் முக்கேஷ் அம்பானியின் ரிலையன்ஸ் நிறுவனம் Reliance Aerospace Technologies Ltd. (RATL) என்னும் புதிய நிறுவனத்தை உருவாக்குகின்றது. அப்போதே டசோ நிறுவனமும் அம்பானியும் இணை உற்பத்தைப் பேச்சுவார்த்தைகளை ஆரம்பித்து விட்ன்டன என ஐயங்கள் வெளிவிடப்பட்டன. 2011-ம் ஆண்டு இந்திய விமானப்படை டசோவின் ரஃபேலைத் தெரிவு செய்தது. 18 ரஃபேல் விமானங்கள் பறப்புக்குத் தயாரான நிலையில் விநியோகிக்க முடிவு செய்யப்பட்டன. எஞ்சிய 108விமானங்களும் இந்திய அரசுக்குச் சொந்தமான Hindustan Aeronautics Ltd (HAL) உடன் இணைந்து உற்பத்தி செய்யப் பேச்சு வார்த்தை நடந்தது ஆனால் இறுதி முடிவு எடுக்கப்படவில்லை. 2014 மார்ச்: விலை, தொழில்நுட்பம், படைக்கல முறைமை, பராமரிப்பு போன்றவை பற்றி உரையாடப்பட்டது. HAL நிறுவனமும் டசோவும் எப்படி வேலைகளைப் பகிர்வது என்பது பற்றி உடன்படிக்கை கையொப்பமிடப்பட்டது. இவை யாவும் காங்கிரசு கட்சி இந்தியாவில் ஆட்சியில் இருக்கும் போது நடந்தவை. இறுதியானதும் உறுதியானதுமான முடிவு காங்கிரஸ் ஆட்சியின் போது இறுதி உடன்படிக்கை எட்டப்படவில்லை.

ஆட்சி மாற்றமும் காட்சி மாற்றமும்

2014 மே 26 நரேந்திர மோடி ஆட்சிக்கு வந்து இந்தியாவில் உற்பத்தி என்னும் திட்டத்தை அறிவிப்பு விடப்பட்டது. 2015 மார்ச் அம்பானியின் Reliance Defence உருவக்கப்பட்டது. 2015 ஏப்ரல் 10 மோடி பிரான்ஸ் சென்றார் 36 ரஃபேல் வாங்க உடன்பட்டது. 2015 ஜனவரி பிரெஞ்சு அதிபர் ஹொலண்டே இந்தியா பயணம் செய்து ஜனவரி 26 குடியரசு நாளில் கலந்து கொண்டார். அதே வேளை ஹொலண்டேயின் பங்காளி நடிகை Julie Gayet யும் ரிலையன்ஸும் இணைந்து திரைப்படம் தயாரிக்கும் ஒப்பந்தம் செய்து கொண்டனர். 2015 ஜூன் இந்திய பாதுகாப்புத் துறை பழைய ரஃபேல் ஒப்பந்தத்தை இரத்து செய்தது. 2016 ஒக்டோபர் டசோ ரிலையன்ஸ் ஏரோஸ்பேஸ் லிமிரெட் (DRAL) நிறுவனம் உருவாக்கம் செய்யப்பட்டது.

உற்பத்தி வேறு கழுவித் துடைத்தல் வேறு

விமான உற்பத்தியில் எந்த முன் அனுபவமும் இல்லாத அம்பானியின் நிறுவனத்திற்கு ஏன் ரஃபேல் உற்பத்தி வழங்கப்பட்டது என்ற கேள்விக்கு மோடியின் ஆதரவாளர்கள் ஒரு பதிலை முன்வைக்கின்றார்கள். அமெரிக்கக் கடற்படையின் ஏழாவது பிரிவின் கலன்களைப் பராமரிக்கும் பொறுப்பை அமெரிக்கப் பாதுகாப்புத் துறை அம்பானியிடம் ஒப்படைத்துள்ளது என்பதே அவர்களின் பதிலாகும். ரிலையன்ஸை அமெரிக்கா நம்பும் போது நாம் ஏன் நம்பக் கூடாது என அவர்கள் பதில் கேள்வி எழுப்புகின்றார்கள். ஏழாவது பிரிவின் கலன்கள் மோடியின் மாநிலமான குஜாராத்தில் வைத்தே பராமரிக்கப்படும். இப்போது இன்னொரு கேள்வி எழுகின்றது. ஒரு வாகனத்தை உற்பத்தி செய்வதும் அதை கழிவித் துடைத்து எண்ணெய் விடுவதும் ஒன்றா?

பிரெஞ்சு அதிபரின் பேட்டி

2018 செப்டம்பர் முன்னாள் பிரெஞ்சு அதிபர் மீடியாபார்ட் ஊடகத்துக்கு பேட்டி மோடியின் வற்புறுத்தலால் அம்பானியுடன் கூட்டு உற்பத்தி ஒப்பந்தம் செய்து கொண்டதாகச் சொன்னார். இந்திய அரச நிறுவனமான HALஇற்கு மோடி வஞ்சனை செய்து விட்டு தனக்கு தேர்தல் நிதி வழங்கும் அம்பானிக்குச் சார்பாக நடந்து கொண்டார் என்ற குற்ற சாட்டு இப்போது முன் வைக்கப்படுகின்றது. அதனால் HAL எனப்படும் இந்துஸ்த்தான் ஏரோனோட்டிக்கலுக்கு இழப்பு ஏற்பட்டது எனக் கருதப்படுகின்றது. அது மட்டுமல்ல காங்கிரசு ஆட்சியில் ஒத்துக் கொள்ளப்பட்ட விலையிலும் பார்க்க மூன்று மடங்கு விலையான 1670 கோடி இப்போது கொடுப்பதாக ஒத்துக் கொள்ளப்பட்டுள்ளது. அதற்குக் காரணம் ரஃபேலில் புதிய அம்சங்கள் உள்ளடக்கப்பட்டுள்ளன என மோடி அரசு பதிலளித்தது. அவை எந்த அம்சங்கள் என்ற கேள்வி முன்வைக்கப்பட்ட போது பாதுகாப்புக் காரணங்களுக்காக அவை வெளியில் சொல்ல முடியாது என்கின்றது மோடி அரசு. 2017 டிசம்பரில் இருந்தே காங்கிரஸ் கட்சியினர்  அம்பானிக்கு சார்பாக மோடி அரசு நடப்பதாகக் குற்றச் சாட்டு முன்வைக்கின்றனர்.

தொடரும் ஒத்துழைப்புக்கள்

அம்பானியின் ரிலையன்ஸ் டிஃபென்ஸ் நிறுவனம் Rafael Advanced Defence Systems Ltd என்னும் பிரெஞ்சு நிறுவனத்துடன் இணைந்து வானில் இருந்து வானுக்கு ஏவப்படும் ஏவுகணைகளை உற்பத்தி செய்யும் உடன்பாடும் எட்டப்பட்டுள்ளது. தற்போது அந்த ஏவுகணைகளை உற்பத்தி செய்யும் நாடுகளின் பட்டியலில் பிரான்ஸ் கடைசி இடத்தில் இருக்கின்றது. ஆனால் பிரான்ஸ் உட்பட ஆறு மேற்கு ஐரோப்பிய நாடுகள் இணைந்து உற்பத்தி செய்யும் மீட்டியோ (Meteor Europe) ஏவுகணைகள் முதலாம் இடத்தில் இருக்கின்றன. அவற்றை இந்தியாவிற்கு விற்பனை செய்ய அவை இணங்கியும் உள்ளன. ஆனால் அவற்றை இரசிய அல்லது இஸ்ரேலிய விமானங்களில் பொருத்தக் கூடாது என்ற நிபந்தனையை அவை விதித்துள்ளன. இரசியா அல்லது இஸ்ரேல் தமது தொழில்நுட்பத்தைத் திருடலாம் என்ற கரிசனையால் அப்படிச் சொல்லப்பட்டிருக்கின்றது. ஆனால் இந்தியத் தயாரிப்பான தேஜஸ்ஸில் அவற்றைப் பொருத்தலாம். ரஃபேலில் பொருத்துவதற்கு ஆட்சேபணை கிடையாது. அல்லது ஐரோப்பாவிடமிருந்து விமானங்களை இந்தியா வாங்க வேண்டி இருக்கும். ஆனால் மிட்டியோ ஏவுகணைகள் இந்தியாவின் வானாதிக்கத்தை சீனாவிலும் பார்க்க அதிகரிக்கும் என எதிர்பார்க்கப்படுகின்றது. அம்பானியின் ஏவுகணைகள் அம்போ ஆகுமா?