லிபிய அதிபர் மும்மர் கடாபி இன்னும் ஒரு ஆயுதத்தை தனக்கு எதிரான கிளர்ச்சிக்காரர்களை அடக்கும் போரில் களமிறக்கியுள்ளார். அது அவரது 34 வயதான அழகிய ஒரே ஒரு மகள் ஆயிஷா. சட்ட வல்லுனரான இவர் சதாம் ஹுசேய்னுக்காக வாதாடிப் புகழ்பெற்றவர். கடாபி தத்தெடுத்து வளர்த்த இவரது தங்கை 2006இல் அமெரிக்க விமானங்கள் கடாபியைக் கொல்லும் நோக்குடன் வீசிய குண்டில் கொல்லப்பட்டதைத் தொடர்ந்து ஆயிஷா மேற்குலக நாடுகளை வெறுக்கத் தொடங்கினார். தனது தங்கையில் அலறல் கேட்டு ஒன்பது வயதாயிருக்கும் போது விழித்தவருக்கு அவரது உடல் இரத்த வெள்ளத்தில் கிடப்பதைப் பார்த்து அதிர்ந்தார். அண்மையில் இவரது 26வயது தம்பி கமிக்காஸ் கிளர்ச்சிக்காரர்களின் விமானத் தாக்குதலில் கொல்லப்பட்டதைத் தொடர்ந்து இவர் மேலும் ஆத்திரம் அடைந்துள்ளார். அதனால் போர்முனை வரை சென்று பணியாற்றுகிறார். இவரால் பல வீரர்கள் உற்சாகமடைவார்கள் என்பது நிச்சயம்.
தந்தை கடாபியின் படைகளுடன் போர் முனையில் நின்று இவர் பணிபுரிகிறார். கடாபிக்கு ஆதரவான ஆர்ப்பாட்டங்களிலும் பங்கு பற்றியுள்ளார். கடாபியை தனது நண்பன், சகோதரன், தந்தை, தலைவன், பாதுகாவலன் என இவர் புகழ்கிறார். பெண் உரிமைவாதியாகவும் செயற்படுகிறார்.
இசுலாமிய வழக்கப்படி தனது ஒன்று விட்ட சகோதரனும் படைத் தளபதியுமான அஹமட் அல் கடாபி அல் ஹாசியைத் திருமணம் செய்து மூன்று பிள்ளைகளுக்கு இவர் தாயுமானார்.
