வில்லங்கத்தை விலைக்கு வாங்கிய இந்தியா

இந்தியா இலங்கையைத் தனது கட்டுப்பாட்டுக்குள் கொண்டுவர 1970களின் பிற்பகுதியில் தமிழர்களின் தேசிய போராட்டத்திற்கு உதவியது. 1980களின் பிற்பகுதியில் தமிழர்களின் முதலாம் எதிரியாக இந்தியா மாறியது. பின்னர் இந்தியா இலங்கையின் நிகழ்ச்சி நிரலுக்குள் அகப்பட்டுக் கொண்டது. இலங்கைக்கு உதவி செய்யது வேண்டிய அதன் தலையாய பணி என்ற பரிதாபகரமான சூழலில் இந்தியா அகப்பட்டுக் கொண்டது. ஆனால் இந்தியாவின் பரம விரோதிகளான சீனா பாக்கிஸ்த்தானுடன் இலங்கை உன்னத நட்புறவைப் பேணிக் கொண்டே இருக்கிறது. எந்த ஒரு கட்டத்திலும் சிறிய நாடான இலங்கையைத் தனது கட்டுப் பாட்டுக்குள் இந்தியாவால் கொண்டுவர முடியவில்லை.

இலங்கையின் கிழக்குப் பிராந்தியத்தில் தனது ஆதிக்கத்தை செலுத்த தமிழீழ விடுதலைப் புலிகளில் இருந்து கருணாவை இந்தியா பிரித்தெடுத்தது. ஆனால் இலங்கையின் கிழக்குப் பகுதியில் இந்தியாவின் ஆதிக்கத்தை விரும்பாத நாடொன்று கருணாவிடமிருந்து பிள்ளையானைப் பிரித்தெடுத்து கருணாவைச் செல்லாக் காசாக்கியது. திவிர சிங்களத் இனவாதிகளின் உதவியுடன் கருணா இங்கிலாந்துக்கு தப்பிச் சென்று அங்கு அகதி தஞ்சம் கோரினார். அங்கிருந்து விரட்டப் பட்ட நிலையில் கருணா இப்போது இலங்கை அரசின் தயவில் வாழ்ந்து வருகிறார். இது இந்தியாவின் இலங்கை மீதான கொள்கைக்குக் கிடைத்த பலத்த தோல்விகளில் ஒன்று.

இலங்கையின் இன அழிப்புப் போரில் இந்தியா சகல உதவிகளையிம் வழங்கி இலங்கையை வெற்றி(?) கொள்ள வைத்தது. அதுவே இப்போது இந்தியாவிற்கு வில்லங்கமாக உருவெடுக்கிறது. இலங்கையின் போர் வெற்றி(?) இலங்கையில் ஒரு புதுத் தலைமையை உருவாக்கிவிட்டது. அத் தலைமை தனக்குத் தலையிடியாகா மாறும் என்பதை இந்தையாவால் முன்கூட்டியே அறிய முடியவில்லை. அல்லது அதைப் பற்றிக் கவலைப் படவில்லை. அதன் கவனம் முழுக்க இந்திய அதிகார மையத்தின் குடும்பப் பகைமைக்குப் பழிவாங்குவதிலும் பார்ப்பன நிர்வாகிகளின் சாதி நலன்களைப் பேணுவதிலும் இருந்தது. அந்தப் புதுத் தலைமைதான் சரத் பொன்சேக்கா.

சரத் பொன்சேக்கா மற்ற தீவிரவாத சிங்களவர்களைப் போலவே ஒரு இந்திய விரோதி இலங்கை பாக்கிஸ்த்தான் சீனா இரசியா ஆகியவற்றுடன் நல் உறவுகளைப் பேணவேண்டும் என்ற கொள்கையுடையவர். அப்படிப்பட்ட ஒருவர் இலங்கையின் படைத் தளபதியாக வந்தது இந்திய வெளியுறவுத்துறைக்கும் குறிப்பாக உளவுத் துறைக்கும் கிடைத்த படு தோல்வி. அடுத்தது சரத் பொன்சேக்கா ஒரு அரசியல் தலைவராக உருவாகியது இந்தியாவிற்குப் பாரிய அடி. தமிழ்த் தேசிய போராட்டத்தை ஒடுக்க இந்தியா செய்த உதவியே இந்தியாவிற்கு பாரிய பிரச்சனையாக உருவாகிறது. ஒன்று இந்திய விரோதக் கொள்கைகளுடைய தீவிர சிங்களப் பேரின வாதிகளின் கை இலங்கையில் ஓங்கியது மற்றது பாக்கு நீரிணையின் இரு புறமும் உள்ள தமிழ்த் தேசியவாதிகள் இந்திய விரோதிகளாக உருவானது.

கருணநிதிக்கு ராஜபக்சே சாந்தி செய்தாரா?

1995இல் விடுதலைப் புலிகளின் அரசியல் ஆலோசகர் அண்டன் பாலசிங்கம் அவர்கள் பிரபாகரனுக்கு மூன்று அக்காக்களால் தோஷம் என்றார். அந்த மூன்று அக்காக்கள்: சோனியா அக்கா, சந்திரிக்கா அக்கா, ஜெயா அக்கா. அக்கால கட்டத்தில் சந்திரிக்கா பண்டாரநாயக்கவிற்கும் ஜெயலலிதா ஜெயராமிற்கும் இடையில் திரை மறைவு உடன்பாடு இருந்ததாக பேசப்பட்டது. அந்த உடன்பாடு இலவசமாக செய்யப்பட்டதல்ல என்றும் பேசப்பட்டது.

இப்போது கருணநிதியின் குடும்பத்திற்கும் ராஜபக்சே குடும்பத்திற்கும் இடையில் ஏதாவது உடன்பாடு ஏற்பட்டுள்ளதா என்ற கேள்வி எழுந்துள்ளது. ராஜபக்சேயின் சகோதரி இந்தியாவில் சுற்றுப் பயணம் கருணாநிதிக்குத் தெரியாமல் எப்படி செய்ய முடியும்?

ராஜபக்சேவின் சகோதரி நிருபமா ராஜபக்சே மற்றும் அவரின் கணவர் திருக்குமரன் நடேசன் ஆகியோர் திருச்செந்தூரில் நடந்த யாகத்தில் கலந்து கொண்டு வழிபட்டனர்.

இருவரும், இம்மாதம் 7ம் திகதி மதியம் திருச்செந்தூரில் உள்ள ஒரு ஹோட்டலுக்கு சென்றனர். பின்னர் திருச்செந்தூர் கீழரத வீதியில் கோட்டாறு செட்டிமடத்தில் அவர்களுக்காக ஏற்பாடு செய்யப்பட்டு இருந்த சிறப்பு யாகத்தில் கலந்துகொண்டனர். இவர்களுக்கு பலத்த பாதுகாப்பு தமிழக அரசால் வழங்கப்பட்டது. சென்ற ஆண்டு இவர்கள் தமிழர்களுக்கு எதிரான போரில் சிங்களவர்கள் வெற்றி பெற தமிழகத்தின் பிரபல கோவிலில் யாகம் செய்தனர். சிங்களவர்களுக்கு ஆதரவான அரசு தமிழ்நாட்டில் ஆட்சியில் இருக்கிறதா?

தமிழ்நாட்டில் இருந்து ராஜபக்சேயிற்கு பொன்னாடை போர்க்க வந்த பாராளமன்ற உறுப்பினர்கள் தமிழ்நாடுதிரும்பிய பின் கருணாநிதி இலங்கையில் அமைதியும் சாந்தியும் நிலவுவதாக அறிக்கை விட்டார். கருணாநிதிக்கு ராஜபக்சே ஏதாவது சாந்தி செய்தாரா இப்படி உண்மைக்குப் புறம்பான அறிக்கை வெளியிட?

பொட்டு அம்மான் வருவாரா? அல்லது துட்டு அம்மன் வருவாளா?

விகடன் விடுதலைப் புலிகளைப் பற்றியும் ஈழத்தைப் பற்றியும் ஒரு கருத்துக் கணிப்பு வாக்கெடுப்பு நடாத்தியது. அதன் முடிவுகள் பலருக்கு ஆச்சரியத்தை ஏற்படுத்தியது. முடிவுகள் புலிகளுக்கும் ஈழத்திற்கும் பலத்த ஆதரவு இருப்பதை எடுத்துக் காட்டியது. அதன் பிறகு விடுதலைப் புலிகளைப் பொறுத்தவரை ஒரு நடுநிலையாளனாகவும் ஈழத்திற்கு ஆதரவாளன் போலவும் தன்னைக் காட்டிக் கொள்ளூம்படி தொடர்ந்து பல கட்டுரைகளை ஆனந்தவிகடனிலும் ஜுனியர் விகடனிலும் மட்டுமல்ல அவள் விகடனிலும் வெளிவிட்டது. இதில் விடுதலைப் புலிகள் மிகப் பலமுள்ளவர்களாகப் பொய்யாகப் பல தகவல்கள் வெளியிடப் பட்டது. கட்டுரை ஏதோ ஈழ ஆதரவாகத்தான் இருக்கும். எல்லாம் வியாபாரம்!!!ஆனால் விகடனின் “அரசவை” பின்னுட்டக் காரர்களான பாலா, தமிழ் யூகே, வெங்கி, ஹரிஹரன், பார்த்த சாரதி ஆகியோர் மூலமாக விடுதலைப் புலிகளுக்கு எதிராக பற்பல நஞ்சுகள் கக்கப்படும். ஒரு பின்னூட்டத்தில் ராஜபக்சே தமிழ் நன்கு படித்தவர் என்று கூடப் பொய் சொல்லப் பட்டது. இவர்கள் புலிகளுக்கு எதிராக எந்த விதமான பொய்க் கருத்துக்கள் கூறப்பட்டாலும் அவை பிரசுரிக்கப் படும். நானும் எனது நண்பர்களும் இதற்கு எதிராக தெரிவித்த பல கருத்துக்கள் அங்கு பிரசுரிக்கப் படவில்லை. நாம் விகடனைப் பரிசோதிப்பதற்காக சில பார்ப்பனியர்களை தாக்கி பின்னூட்டம் எழுதுவோம். அவை பிரசுரிக்கப் படுவதில்லை. விகடனின் நிலைப்பாடு நஞ்சுத்தனமான நடுநிலை.

இடையில் ஜூனியர் விகடனில் உதவி ஆசிரியர் ஒருவர் பதவி நீக்கப் பட்டார். விகடன் குழுமத்திற்குச் சொந்தமான ஜூனியர் விகடன் இதழில் நிர்வாக ஆசிரியராக இருந்த விகேஷ் என்பவர் என்பவர்தான் அவர்.

அவருக்கு சென்னையில் மட்டும் சொந்தமாக நான்கு வீடுகள் இருப்பதாகவும், காணிவீடுகள் விற்பனத் தொழில் செய்து வருவதாகவும், அது தொடர்பான கட்டப் பஞ்சாயத்துகள் போன்றவற்றில் நீண்டகாலமாகவே அவர் கைதேர்ந்தவர் என்றும், ஒட்டு மொத்தமாக தன் தொழிலுக்கு ஜுனியர் விகடன் பெயரைத் தவறாகப் பயன்படுத்திக் கொண்டதாகவும் கூறுகிறார்கள்.

சமீபத்தில் மோசடி வைத்தியசாலை தொடர்பான கட்டுரை ஒன்றைப் பிரசுரிக்காமல் தவிர்த்ததைத் தொடர்ந்து, நிர்வாகம் அவரைக் கண்காணித்ததாகவும் தனியார் துப்பறியும் நிறுவனம் மூலமாக விசாரணை நடத்தியதில் பல லட்சமோ, கோடியோ மோசடி நடந்திருப்பது உறுதியானதாகவும், அதன் தொடர்ச்சியாகத்தான் விகேஷ் அலுவலத்துக்குள் அனுமதிக்கப்படாமலேயே வீட்டிற்கு அனுப்பப் பட்டதாகவும் சொல்லப்படுகிறது.

இதைக்காட்டிலும் தமிழ் மக்களுக்கு அதிர்ச்சியூட்டத்தக்க குற்றச்சாட்டு ஒன்றும் உள்ளது. அது விகேஷ் இலங்கைத் தூதரகத்துடன் வைத்திருந்த உறவு தொடர்பானது.

அண்மையில் கொழும்பு பொன்னம்பலவாணேஸ்வரர் கோவிலில் நிலக்கீழ் அறையில் விடுதலைப் புலிகள் பதுக்கி வைத்திருந்த பெரிய ஒரு படையணிக்கு ( விகடன் மொழியில் பட்டாலியன்) தேவையான ஆயுதங்களை இலங்கை அரசு கைப் பற்றியதாக விகடன் தகவல் வெளியிட்டது. விசாரித்ததில் அக் கோவிலில் அந்த அளவு பெரியா நிலக்கீழ் அறை இல்லை என்று தெரியவந்தது. நிலக்கீழ் அறை உண்டு அது கோவில் நகைகள் பணம் போன்றவற்றை வைத்திருக்கக் கட்டப் பட்ட சிறிய அறை என்று தெரியவந்தது.

இப்போது விகடன் வெளிவிடும் புதிய செய்தி "பிரபாகரன் வர மாட்டார். ஆனால், பொட்டு அம்மான்தான் இந்த வருட மாவீரர் தின உரையை நிகழ்த்தவிருக்கிறார்!' என்ற தகவல் பரவி வருகிறது. அந்தத் தகவலுக்கு வலு சேர்க்கும் ஆதாரங்களுள் ஒன்றாக பிரபாகரனும் பொட்டு அம்மானும் இருக்கும் புதிய படம் ஒன்றைப் புலிகள் ஆதரவு இணையதளங்கள் வெளியிட்டு உள்ளன. இதுவரை வெளிவராத அந்தப் படத்துக்கு மேலே, 'இந்தப் படம் சொல்லும் தகவல் என்ன?' என்ற புதிரான கேள்வியும் தொக்கி நிற்கிறது."

ஆனந்தவிகடனில் வெளிவரும்வரை இப்படி ஒரு செய்தி வேறு எங்கிருந்தும் வரவில்லை. உண்மையான செய்தி என்ன வென்றால் விடுதலைப்புலிகள் வெளிவரும் சூழல் இன்னும் உருவாகவில்லை.

விகடனின் அடுத்த செய்தி: இனி, உங்களை வழிநடத்தும் பொறுப்பை பொட்டு அம்மானிடம் ஒப்படைக்கலாம் என்று நினைக்கிறேன். இந்த இயக்கத்தின் துணைத் தலைவராக அவர் இன்று முதல் நியமிக்கப்படுகிறார்!' என்று அறிவித்தாராம் அப்போது. இயக்கத்தின் தளபதிகளும் அதை மனப்பூர்வமாக ஏற்றுக்கொண்ட னராம். அப்போது எடுக்கப்பட்ட படத்தில்தான் பிரபாகரனுக்குச் சரிசமமாக பொட்டு உட்காரவைக்கப்பட்டார். இதில் பல ஆச்சர்ய மான விஷயங்கள் உண்டு!'' என்ற பீடிகை கொடுத்து நிறுத்தியவர்கள் மேலும் தொடர்ந்தார்கள்..

விகடன் சொல்லும் படம் இந்த ஆண்டு மே மாதம் 17ம் திகதிக்கு ஓரிரு நாட்களுக்கு முன்னர் எடுக்கப் பட்டிருக்க வேண்டும். அப்போது முள்ளிவாய்காலிலோ நந்திக்கடலிலோ இப்படி ஒரு புகைப்படம் எடுக்க வாய்ப்பில்லை. 24 மணிநேர குண்டுவீச்சுக்களுக்கு மத்தியில் இப்படி ஒரு புகைப் படம் இப்படி தூய ஆடைகளுடன் எடுத்திருக்க முடியாது. இப்படத்தைப் பிரிசுரித்த அதிர்வு இணையத் தளம் பொட்டு அம்மானும் பிரபாகரனும் இணைந்து எடுத்த படம் மே 17ம் திகதிக்குப் பிறகுதான் எடுக்கப் பட்டது என்ற பொருள்படத்தான் எழுதியிருந்தது. விகடன் ஏன் இப்படி ஒரு புளுகு மூட்டையை மீண்டும் அவிழ்த்து விட்டது? துட்டுச் சம்பாதிக்கவா?

மீண்டும் இந்தியாவின் பொய்த் தூது

இலங்கையில் தமிழ் இன அழிப்புப் போர் நடந்து கொண்டிருக்கும் வேளையில் இந்தியாவில் இருந்து இலங்கைக்கு அடிக்கடி தூதுவர்கள் வந்து கொண்டிருந்தனர். அது இலங்கையில் போர் நிறுத்தக் கோரிக்கை விடுக்க என்று வெளியில் சொல்லப் பட்டது. ஆனால் அது இலங்கை அரசின் தமிழின அழிப்புப் போரில் இலங்கை அரசின் தேவைகளை எப்படி பூர்த்தி செய்வது என்பதைப் பற்றியதாகவே உண்மையில் அமைந்தது. போரை முடிக்கவில்லை தமிழர்களை முடித்தனர்.

அண்மையில் இந்தியப் பாராளமன்றக் குழுவொன்று இலங்கை வந்தது. அது முகாம்களில் வாழும் தமிழர்களின் நலன்கள் சம்பந்தமாக என்று கூறப்பட்டது. அவர்களின் குறைபாடுகளை அறிய என்று சொல்லப் பட்டது. வன்னி முகாம்களை நேரில் பார்க்காமலே ஒரு சுவிஸ் நாட்டுப் பேராசிரியர் வன்னி முகாமகளில் சிறார்களை தடுத்து வைத்திருப்பது ஏன் என்ற கேள்வியை எழுப்பினார். அது சட்டவிரோதமானது என்று இடித் துரைத்தார். ஆனால் வன்னி முகாம்களில் சிறிவர்களைத் தடுத்து வைத்திருப்பது சட்ட விரோதமென்று மஹிந்த ரஜபக்சேயிற்கு பொன்னாடை போர்க்கவந்த பன்னாடைகளுக்குத் தெரியவில்லை.

சர்வதேச மனித உரிமைகள் கண்காணிப்பகம் யாழ்ப்பாணம் ஒரு திறந்த வெளிச் சிறைச்சாலை அங்கு மக்கள் அச்சத்துடனேயே வாழ்கிறார்கள் என்று அறிக்கைவிட்டது ஒருவாரத்திற்கு முன். ஆனால் அது மஹிந்த ரஜபக்சேயிற்கு பொன்னாடை போர்க்கவந்த பன்னாடைகளுக்குத் தெரியவில்லை. காங்கிரஸ் பாராளமன்ற உறுப்பினர்கள் வீரகேசரிக்கு வழங்கிய பேட்டியில் இலங்கை அரசைப் புகழ்ந்து தள்ளினர். இவர்கள் இலங்கை வந்து சென்று திரும்பிய பின் இந்திய அரசிற்கு சமர்ப்பித்த அறிக்கை இன்னும் பகிரங்கப் படுத்தப் படவில்லை. இலங்கை அரசு சில வன்னிமுகாம்களில் தங்கி இருக்கும் தமிழர்களை விடுவிப்பது என்று அவர்களுக்கு தெரியாத இடங்களில் வேண்டுமென்றே நள்ளிரவில் கொண்டுபோய் இறக்கிவிட சென்னையில் கருணாநிதியைப் பாராட்டி சுவரொட்டிகள் ஒட்டப் பட்டான.

இன்று ஐரோப்பியாவில் ஒளிபரப்பான கலைஞர் தொலைக் காட்சியின் செய்தியில் இந்திய நிதி அமைச்சர் பிரணப் முகர்ஜி தமிழர் நலன்கள் குறித்து இலங்கை அரசுடன் பேச்சு வார்த்தை நடாத்த இலங்கை செல்கிறார் என்று குறிப்பிட்டது. ஏன் நிதி அமைச்சர்? ஏன் வெளிவிவகார அமைச்சர் செல்லவில்லை? இந்தப் பிரணாப் சோனியாவிற்கு வேண்டியவர். இந்தப் பயணம் குடும்ப நலன் சார்ந்ததா? அல்லது இலங்கைக்கு இன்னும் நிதி உதவி செய்வது பற்றி ஆராயப் படுமா? ஆனால் கொழும்பில் இருந்து வரும் செய்திகளின்படி பிரணாப் சரத் பொன்சேக்கவின் பதவி விலகலும் அவரது அரசியல் நுழைவும் பற்றி ஆராய்வதையே முக்கிய நோக்கமாகக் கொண்டது என்று அறியப் படுகிறது. என்று முடியும் இந்தப் பொய்த் தூதுகள்?

14 வயதுப் பெண்ணாக மாறிய மனைவி

பிரித்தானியாவின் Cardiff பகுதியில் ஒரு மனைவி பதினாலு வய்துப் பெண்ணாக மாறி கணவனை காவற்துறையிடம் மாட்டவைத்துள்ளார். கணவன் ஜொள்ளுத் திலகம். அவர் வலயத்தில் (Internet) அதிக நேரம் செலவிடுவது மனைவிக்கு சந்தேகத்தை ஏற்படுத்திவிட்டது. அவரது கணனியைப் பார்த்திருக்கிறார் அவர் அதில் பெண்களுடன் சல்லாபிப்பதை கண்டு பிடித்து விட்டார். கணவன்David Roberts தனது கணனியில் BearShare என்னும் சமூக இணையத் தளத்தில் இளம் பெண்களுடன் தகாத வர்த்தைப் பிரயோகம் செய்தல் உடலுறவுக்கு அழைத்தல் போன்ற சில்மிஷங்களைச் செய்வதை மனைவி கண்டு பிடித்து விட்டார் மனைவி Cheryl Roberts. ஒரே வீட்டில் இருவரும் வேறு வேறு கணனிகளில் மனைவி ஒரு 14வயதுப் பெண்ணாக தனனை அரட்டை அரங்கில் தனது கணவனுக்கு அறிமுகம் செய்து கொண்டார். கணவன் தன்னை Corky என்னும் பெயரில் தன்னை அறிமுகம் செய்து கொண்டார்.

தனது மனைவி என்று அறியாமலே தனனுடன் உடலுறவிற்கு வரும்படி14 வயதுப் பெண்ணாக நடித்த தன் மனைவியை அழைத்தார் David தனது பொய்ப் பெயரான Corky ஆக. மனைவி சும்மாவிடவில்லை தனது கணவரின் கணனியை காவற்துறையிடம் ஒப்படைத்தார். அத்துடன் சிறியவர்களுக்கு எதிராக துர் நடத்தையில் ஈடுபடுவோரைத் கண்காணிக்கும் பிரிவினரிடமும் முறையிட்டார்.

இதில் பெரிய ஆச்சரியம் என்னவென்றால் மனைவியின் வயது 61 கணவனின் வயது 68.

அவரின் வலைக்குள் இதுவரை எப்பெண்ணும் விழாததால் அவர் நீதிமன்றத்தின் கடும் தண்டனையில் தப்பித்துக் கொண்டார். அவருக்கு மூன்று ஆண்டு சமூக சேவைப் பணி செய்யும்படி நீதி மன்றம் உத்தரவு பிறப்பித்தது.

சரத் பொன்சேக்காவால் கலக்கமடைந்துள்ள இந்தியா.

இலங்கையின் ஒரு நல்ல நண்பனாக இருக்க இலங்கை சுதந்திரமடைந்ததிலிருந்து இந்தியா முயன்றுவருகிறது. அதற்க்காக பல விட்டுக் கொடுப்புக்களை இலங்கைக்கு இந்தியா செய்து வந்தது. அந்த விட்டுக் கொடுப்புக்கள் தமிழர்களைப் பலிக்கடா ஆக்கிக் கொண்டே இருக்கின்றன.

1977இல் ஆட்சிக்கு வந்த ஜே. ஆர் ஜயவர்த்தனே அரசு இலங்கையை சிங்கப்பூர் ஆக்குகிறேன் என்று அமெரிக்கச் சார்பாக இலங்கயை மாற்றி இலங்கையில் அமெரிக்காவிற்கு சில மறைமுக இராணுவ வசதிகளைச் வழங்க முற்பட்டார். அதில் இருந்து இலங்கையை இலங்கை வாழ் தமிழர்களைப் பாவித்து அவர்களை ஆயுத பாணிகளாக்கி இந்திரா காந்தி அம்மையார் தனது வழிக்குக் கொண்டுவர முயற்சித்தார். அவர் கொல்லப்பட அதன் பின் இந்தியாவில் ஆட்சிக்கு வந்த அரசியல் கற்றுக் குட்டி ராஜீவ் காந்தி ஜே. ஆர் ஜயவர்த்தனேயால் ஏமாற்றப் பட்டு இலங்கைத் தமிழர்களின் பகையாளியாக இந்தியா மாற்றப் பட்டது. ஜே. ஆரைத் தொடர்ந்து ஆட்சிக்கு வந்த பிரேமதாசா இந்திய அமைதிப் படையை இலங்கையில் இருந்து வெளியேற்ற விரும்பினார். இதற்காக அவர் விடுதலைப் புலிகளுடன் ஒத்துழைத்தார். இலங்கயின் சரித்திரத்தில் இந்தியாவால் மிகவும் வெறுக்கப் பட்ட ஒரு இலங்கை ஆட்சியாளராக பிரேமதாசா மாறினார். 1971இல்அவரை பதவியில் இருந்து தூக்க இந்தியா பலத்த முயற்ச்சி செய்தது. லலித் அத்துலத் முதலியையும் காமினி திசாநாயக்காவையும் இந்தியா தன் பக்கம் இழுத்து பிரேமதாசாவிற்கு எதிரான நம்பிக்கை இல்லாப் பிரேரணை தோல்வியடைந்து இந்தியா மூக்குடைபட்டது. லலித்தும் காமினியும் கொல்லப் பட்டனர். அசைக்க முடியாத ஆளாக உருவெடுத்த பிரேமதாசா பின்னர் தற்கொலைக் குண்டுதாரியால் கொல்லப் பட்டார்.

பிரேமதாசாவிற்குப் பின்னர் இலங்கைக்கு உதவிசெய்து நண்பனாக இருக்கும் முயற்ச்சியில் இந்தியா இறங்கியது. இன்றுவரை சீனாவிற்கும் பாக்கிஸ்த்தானிற்கும் போட்டியாக இந்தியா இலங்கைக்கு உதவி வருகிறது.

இப்போது இந்தியாவிற்கு புதிய தலையிடி. தமது சொற்களை மீறி நடக்கும் ராஜபக்சேக்களைப் பதவியில் இருந்து அகற்ற மேற்குலகம் சரத் பொன்சேக்காவைத் தெரிவு செய்தது. சரத் பொன்சேக்கா பாக்கிஸ்த்தானின் உற்ற நண்பன். அதனால் சரத் பொன்சேக்கா இலங்கைக் குடியரசுத் தலைவராக வருவதை இந்தியா விரும்பவில்லை. ஏற்கனவே இலங்கை மீது சீனாவும் பக்கிஸ்த்தானும் கணிசமான செல்வாக்கு செலுத்தி வருகின்றனர். இதற்காக ரணில் விக்கிரமசிங்கவை தனது துணைக்கு இந்தியா அழைக்கிறது. அமெரிக்கா ரணில்-சரத் கூட்டணியை விரும்புகிறது. இந்தியாவின் கையில் உள்ள சீட்டு மலையக்த தமிழர்களின் வாக்கு. ஆனால் அது துருப்புச் சீட்டு அல்ல. தமிழ்த் தேசியக் கூட்டமைப்பு ஒரு அணியில் இணைவதாயின் அந்த அணி தமிழர்களுக்கு சில விட்டுக் கொடுப்புக்களைச் செய்ய வேண்டும் அதனால் அந்த அணி சிங்களத் தீவிர வாதிகளின் எதிர்ப்பைச் சம்பாதிக்க வேண்டும். ரணில் அணியில் இந்தியாவின் வற்புறுத்தலுக்கு அமைய தமிழர் தேசியக் கூட்டமைப்பு சேர்ந்தால ரணில் மீண்டும் புலிகளுக்கு உயிர் கொடுப்பார் என்று சிங்களத் தீவிரவாதிகள் பிரச்சாரம் செய்வர். இருக்கும் நிலைமையப் பார்த்தால் இந்தியா இலங்கையின் அடுத்த குடியரசுத் தலைவர் தேர்தலில் ஒரு மும்முனைப் போட்டியை ஏற்படுத்த விரும்புகிறது போல் தெரிகிறது. ரணில், சரத், மஹிந்த ஆகிய மூவரும் தேர்தலில் போட்டியிடுவதை இந்தியா விரும்புகிறது போல் இருக்கிறது. இதனால் போர் வெற்றிக்கான அறுவடை வாக்குக்களை சரத்தும் மஹிந்தவும் போட்டி போட்டுக் கொண்டு பகிர்ந்து கொள்ள ரணில் தனது கட்சியான யூஎன்பியின் வழமையான வாக்கு வங்கியையும் தமிழர்களினது வாக்குக்களையும் பாவித்து வெற்றி பெறுவார் என இந்தியா கணக்குப் போடலாம்.

தேர்தலில் தான் தோல்வியுறும் நிலை ஏற்படுமாயின் ராஜபக்சே குடும்பம் இலங்கையை இன்னொரு மியன்மார்(பர்மா) ஆக மாற்றலாம். அது இந்தியாவிற்கு தலையிடி அல்ல தலைதெறிக்கும் நிலையாகக் கூட இருக்கலாம்.

கே. பத்மநாதன் இலங்கைக்கும் இந்தியாவிற்கும் நடுவில்

இந்திய அமைதிப் படையின் கொலைகள் கொள்ளைகள் கற்பழிப்புக்கள் போன்ற அட்டூழியங்கள் தாங்க முடியாமல் அவர்களை வெளியேற்ற விடுதலைப் புலிகள் பெரும்பிரயத்தனம் செய்தனர். அப்போது இலங்கையின் குடியரசுத் தலைவராக இருந்த ரணசிங்க பிரேமதாச இந்தியப் படை இலங்கையில் இருக்கக்கூடாது என்று சிங்களத் தேசிய வாதிகளால் நெருக்கடிக்குள்ளானார். அவரும் இந்தியப் படையை வெளியேற்றுவதையே விரும்பினார். இதனால் இந்தியப் படைகளை வெளியேற்ற பிரேமதாச புலிகளுக்கு உதவிதாகவும் அவரால் விடுதலைப் புலிகளுக்கு ஆயுதங்கள் பணம் போன்றவை வழங்கப் பட்டதாகவும் உறுதியாக நம்பப் படுகிறது.

ராஜீவ் காந்தி கொலையில் இலங்கையும் பங்களிப்புச் செய்ததா என்பதற்கு இந்தியா விடைகாணத் துடிக்கிறது. இலங்கைத் தமிழ் ஆயுதக் குழுக்களுக்கு இந்தியா எந்த அளவு உதவி செய்தது என்பதை அறிய இலங்கை தவிக்கிறது. இதற்கு அகப் பட்டவர் கே. பத்மநாதன். இந்த இரகசியங்கள் விடுதலைப் புலிகளின் உயர் மட்டத்தினருக்கு மட்டுமே தெரிந்த பரம இரகசியம். விடுதலைப் புலிகளின் தளபதி கிட்டுவை நடுக்கடலில் வைத்து இந்தியா கைது செய்ய முயன்றதும் இதற்காகவே.

இதுவரை கே. பத்மநாதனை இந்தியாவிறகு அனுப்பவோ அல்ல இந்திய உளவுத்துறையை பத்மநாதனை விசாரிக்க அனுமதித்ததாகவோ தகவல் இல்லை. ஆனால் பாக்கிஸ்த்தானியர் இலங்கை வந்து பாக்கிஸ்த்தானியாவில் நடந்த இலங்கைத் துடுப்பாட்டக் காரர்கள் மீதான தாக்குதலுக்கும் விடுதலைப் புலிகளுக்கும் சம்பந்தம் இருக்கிறதா என்பது பற்றித் தகவல்கள் வெளிவந்தன. பத்மநாதனை விசாரிப்பது சம்பந்தமாக இலங்கை இந்தியாவிடையே முரண்பாடு ஏற்பட்டதா?

இந்தியாவிறகு பத்மநாதனை அனுப்பினால் அவர் நீதி மன்றத்தில் நிச்சயம் நிறுத்தப் பட்டே ஆகவேண்டும். அப்படி நிறுத்தினால் அவரை கட்த்தியதின் பின்னணியில் உள்ள உண்மைகள் வெளிவந்து விடும். அவருக்கு இலங்கையில் செய்த சித்திரவதைகள் வெளிவரும். இதற்க்காகத்தான் அவரை இலங்கை இந்தியாவிற்கு அனுப்புவதை இலங்கை தவிர்க்கிறது.

இந்திய உளவுத் துறை பத்மநாதனை இதுவரை விசாரிக்கவில்லை என்பது நம்பமுடியாத ஒன்று. அவரை விசாரித்ததில் கிடைத்த உண்மைகள் அதிகாரத்தில் இருந்தோருக்கும் இருப்போருக்கும் சாதகமானதாக இல்லாததால் அவர் விசாரணை தொடர்பாக வெளியிடவில்லையா?

பத்மநாதனை இதுவரை இலங்கை நீதிமன்றில் நிறுத்தாது ஏன்? அவரை இதுவரை எந்த மனித உரிமைகள் அமைப்போ அல்லது சட்டத்துறையினரோ சந்திக்காதது ஏன்? அவருக்காக எவரும் ஆட்கொணர்வு மனு தாக்குதல் செய்யாதது ஏன்.? அவரின் தடுத்து வைப்பு சர்வ தேச மனித உரிமை நியமங்களுக்கு எதிரானது என்பது பற்றி எவரும் கருத்து தெரிவிக்காதது ஏன்? தமிழ்த் தேசியத்துக்கு சார்பானவர்கள் கூட அவரை மறந்துவிட்டனரா?

பத்மநாதனுக்குப் பின்னால் பல மர்மங்கள்! என்று வெளியாகும்?