பிறர் தர வராது துரோகிகளோடு கைகூடாது - ஹைக்கூ அந்தாதி

கனவில்லை கரைவதற்கு
கனல் அல்ல கருகுவதற்கு
விடுதலை வேட்கை 1

வேட்கை தீராது
வேதனை போகாது
விடிவின்றி 2

விடிவின்றி ஒளியில்லை
இருளின்றிப் பகலில்லை
முயற்ச்சி 3

முயற்ச்சிகள் தோற்கலாம்
முடியாது போராட்டம்
உழைப்பு 4

உழைப்பு மூலதனம்
தளரா மனம் எந்திரம்
வெற்றிக்கான வழி 5

வழி தவறினர் பலர்
துரோகிகளாயினர் துணைவர்
ஈழப் போர் 6

போர்கள் முடியலாம்
போராட்டம் முடியாது
வேண்டும் சுதந்திரம் 7

சுதந்திரம் பிறர் தர வராது
துரோகிகளோடு கைகூடாது
களை பிடுங்கு 8

பிடுங்குகின்றனர் எரியும் வீட்டில்
நாம் துயிலும் நேரத்தில்
நாம் காண்பது கனவில்லை 9