ஈழப் படுகொலைக்கு திதி கொடுக்க வந்த இந்து மதம்

ஈழத்தில் கிராமங்கள் ஒவ்வொன்றிலும் பல இந்துக் கோவில்கள் இருக்கும். ஒரு கிறித்தவத் தேவாலயமும் இருக்கும். இந்து வீட்டில் ஒருவர் கடும் சுகவீன்முற்றிருந்தால் கோவில் ஐயர் வரமாட்டார். கிறித்தவ வீட்டில் ஒருவர் கடும் சுகவீனமுற்றால் பாதிரியார் வந்து சகலருடனும் சேர்ந்து பிரார்த்தனை செய்வார்.
இந்து வீட்டில் ஒருவர் இறந்தால் ஐயர் வரமாட்டார். பாதிரியார் வந்து போதனை செய்து ஆறுதல் கூறிவிட்டுச் செல்வார். இறந்த இந்து வீட்டிற்கு ஒரு வாரம் கழித்து ஐயர் வருவார். வீட்டிற்குள் வரமாட்டார். அவருக்கென்று ஒரு ஆசனம் முற்றத்தில் போடப்படும். காப்பியோ தேநீரோ எதுவும் அருந்த மாட்டார். அவருக்கென்று ஒரு சோடா கடையில் இருந்து தருவித்து கொடுக்கப் படும். வீட்டுப் பாத்திரங்கள் எதிலும் அதை ஊற்றிக் கொடுக்கக் கூடாது. போத்தலோடு அதை குடிப்பார். இறந்த நேரத்தை வைத்து அதன் திதியைச் சொல்லி எந்த நாள் அந்தியேட்டிக் கிரியை வரும் என்று சொல்லிவிட்டுச் செல்வார். பின்னர் அந்தியேட்டிக்கும் ஆண்டுத் திதிக்கும் வந்து இறந்தவரின் ஆத்மாவிற்கு என்று சொல்லி தண்டல் செய்வார்.

இது ஈழப் படு கொலைக்கும் நடந்தது. இலங்கயில் அப்பாவிகள் கொல்லப் பட்டிருக்கும் போது பிரித்தானியாவில் உள்ள இந்து சபைக்கு ஒரு மின்னஞ்சல் அனுப்பினேன் அங்கு இந்துக்கள் கொல்லப் படுகிறார்கள் என்று. பதில் இல்லை. பின்னர் இறந்து கிடக்கும் பசுக்களின் படங்களை அனுப்பி பசுக்களைக் கொல்கிறார்கள் நடவடிக்கை எடுங்கள் என்றேன். பதில் இல்லை. வேல்ஸில் உள்ள இந்துக் கோவிலில் ஒரு பசுவிற்கு தொற்று நோய் பிடித்துவிட்டது. அதைக் கொல்லும் படி உள்ளூராட்சிச் சபை உத்தவிட்டது. இந்து சபை கொதித்து எழுந்து விட்டது. ஆர்ப்பட்டங்கள் செய்தது. ஈழத்தில் கொல்லப் பட்ட பசு தமிழ்ப் பசுவாக இருக்கலாம் அல்லது தாழ்ந்த சாதிப் பசுவாக இருக்கலாம். வேல்ஸில் இறந்தது ஒரு ஆரியப் பசுவாக அல்லது உயர் சாதிப் பசுவாக இருக்கலாம்.

ஈழத்தில் தமிழ் மக்கள் படு கொலை செய்யப் பட்டுக் கொண்டிருந்த வேளை பிரித்தானியப் பாராளமன்றத்தின் முன் இரவு பகல் பாராமல் மாதக் கணக்காக ஆர்ப்பாட்டம் செய்தனர். அப்போது வராத பிரித்தானிய இந்து சபையினர். 18-05-2010இலன்று பிரித்தானியப் பராளமன்றத்தின் முன் நடந்த ஈழப் படுகொலையின் முதலாம் ஆண்டு நினைவு நிகழ்ச்சியில் வந்து கலந்து கொண்டனர்.

சும்மா ஆடுமா சோழியன் குடுமி?
என்ன தண்டல்?