செல்வி ஜெயலலிதாவின் எழுச்சியும் பார்ப்பனர்களின் மெளனமும்

செல்வி ஜெயலலிதாவின் ஈழப் பிரச்சனை தொடர்பாக அண்மைக்கால பேச்சு மாற்றம் பலரையும் திகைப்பில் ஆழ்த்தியுள்ளது. இது பேச்சு மாற்றம் மட்டுமா அல்லது மனமாற்றமா என்ற கேள்வியும் எழவே செய்கிறது. ஆனால் இது பல ஈழத்தமிழர்களின் வயிற்றில் பால்வார்த்தது உண்மையே. ஈழத் தமிழர்கள் திராவிட முன்னேற்றக் கழகத்தின் பேரில் பலத்த ஏமாற்றத்தையே அடைந்துள்ளனர். திமுக தமது முதுகில் குத்திவிட்டதாகவே உறுதியாக நம்புகின்றனர். திமுக ஒரு நாளும் தமிழர்களுக்கு உருப்படியாக எதுவும் செய்ததில்லை என்று கூறுவோரும் உண்டு. உண்ணாவிரத நாடகம் கலைஞரை ஈழத்தமிழர்கள் கடுமையாக விமர்சிக்கும் நிலைக்குத் தள்ளியது.
.
செல்வி ஜெயலலிதாவின் கையைப் பற்றிக் கொள்ள வேண்டிய நிலையில் தான் ஈழ தமிழர்கள் உள்ளனர். அவர்களின் இன்றைய நிலை அப்படி. ஆனால் பலரையும் ஆச்சரியத்தில் ஆழ்த்தியிருப்பது ஈழத் தமிழ் எதிர்ப்பாளர்களான சோ இராமசாமி ஹிந்து ராம் சுப்பிரமணிய சுவாமி போன்றோர் செல்வி ஜெயலலிதாவின் ஈழத்தமிழர் தொடர்பான பேச்சுக்களுக்கு எந்த விமர்சனமும் தெரிவிக்காமல் இருப்பது ஏன்?