தொலைந்தாள் என்று சிரித்திரு

கடந்த காலம் ஆசிரியன்
நிகழ் காலம் தேர்வு
நாளை முடிவுகள்

போய்விட்டாள் என்று
கலங்காதே
போய்த் தொலைந்தாள் என்று
சிரித்திரு

கண்கள் எனது
கண்ணீர் உனது
இதயம் எனது
நினைவு உனது

அன்பு எனது
கோபம் உனது
ஆசை எனது
வெறுப்பு உனது

சொத்துக்கள் எனது
சுகம் உனது
பாசம் எனது
பிரிவு உனது

ஹைக்கூ: காசோலையில்லா வங்கிக் கணக்கு

நேற்றைய கனவுகள்
இன்றைய உழைப்புக்கள்
நாளைய வெற்றிகள்

இரு உள்ளங்களின் இணைப்பு
திருமணத்தின் முன்னேற்பாடு
காதல்

கடந்தகாலம் பற்றிய கருத்து
இன்றைய கடின உழப்பு
வெற்றியின் வழி

புன்னகையில்லா உதடு
கருணையில்லா மனது
காசோலையில்லா வங்கிக் கணக்கு

இலங்கையில் கொல்லப்பட்ட தமிழர்கள் எத்தனை பேர்?

இலங்கையில் இந்தியாவின் உதவியுடன் நடந்த தமிழர்களுக்கு எதிரான போரில் எத்தனை பேர் கொல்லப்பட்டனர் என்பது ஒரு விடை கிடைக்காத கேள்வியா? பல ஊடகங்கள் நாற்பதினாயிரம் என்கின்றன. எழுபதினாயிரம் என்று பல ஊடகங்கள் கூறுகின்றன. இன்னும் சில இருபத்தையாயிரம் என்கின்றன. வன்னியில் வாழ்ந்தவர்களில் ஒரு இலட்சம் பேருக்கு என்ன நடந்தது என்று தெரியவில்லை என்றார் ஒரு மத போதகர்.

போரில் இறுதியில் ஒரு தினத்தில் மட்டும் 25,000பேர் கொல்லப்பட்டனர் என்பது மறுக்க முடியாத உண்மை. போரின் இறுதி நாட்களில் 40,000 பேர் கொல்லப்பட்டனர். 2009இல் மட்டும் 70,000இற்கு மேல் கொல்லப்பட்டனர். என்கின்றனர் சிலர். இலங்கை அரசு அதைப்பற்றி எந்தவிதமான கணக்கெடுப்பையும் மேற்கொள்ளவில்லை.

போர் விதவைகள்
போர் முடிந்த பின்னர் இலங்கையின் நிதி நிலை மோசமடைந்ததால் இலங்கை அரசு தமிழர்களுக்கான நிவாரண உதவி என்ற போர்வையில் வெளிநாடுகளில் இருந்து பணம் கறக்க முயன்றது. அப்போது இலகுவாக பணம் கறக்க ஒரு வழி போரால் விதவையானவர்களைச் சாட்டாக வைத்து மற்ற நாடுகளிடமிருந்தும் தொண்டர் அமைப்புக்களிடமிருந்தும் பணம் கறப்பதற்காக வடக்குக் கிழக்கில் உள்ள போர் விதைவைகளைக் கணக்கெடுத்தது. அதன்படி இலங்கையின் தமிழர்களின் பிரதேசமான வடக்கிலும் கிழக்கிலும் 90,000 போர் விதவைகள் இருப்பதாக இலங்கை அரசு அறிவித்தது.

இலங்கை அரசு கணக்கெடுக்கும் போது இலங்கையில் 90,000 விதவைகள் இருந்தனர். இலங்கைப் போர் 1977இல் இருந்து நடந்து வருகிறது. அதன் பிறகு கணவனை இழந்த விதவைகள் பலர் நாட்டை விட்டு வெளியேறி இருக்கலாம். நாட்டை விட்டு மூன்றில் ஒரு பங்கு தமிழர்கள் வெளியேறிவிட்டனர். அந்த வகையில் நாலில் ஒரு பங்கு விதவைகள் நாட்டைவிட்டு வெளியேறினார்கள் என்று வைத்தாலும் 22,500விதவைகள் நாட்டை விட்டு வெளியேறினர் என்று சொல்லலாம். மொத்தமாக 112,500 போர் விதவைகள். பல பெண்கள் கணவன்மாருடன் இறந்திருக்கிறார்கள். அவர்கள் தொகை 12,500ஆக இருக்கலாம். மொத்தமாக 125,000ஆண்கள் கொல்லப் பட்டிருக்கிறார்கள். 125,000ஆண்கள் கொல்லப்பட்ட இடத்தில் 100,000பெண்கள் கொல்லப்பட்டிருக்க வேண்டும். இதை வைத்துக் கொண்டு 25 இற்கும் 75வயதிற்கும் உட்பட்ட 225,000 ஆண்பெண்கள் கொல்லப்பட்டிருக்கிறார்கள் என்று கணிப்பிடலாம். இலங்கையில் மக்கள் தொகையில் 25வயதிற்கு உட்பட்டவர்கள்தான் அதிகம். இதனால் 25 வயதிற்கு உட்பட்டவர்கள் 100,000பேர் கொல்லப்பட்டிருக்கிறார்கள் என்று கணிப்பிடலாம். முதியவர்கள் 15,000கொல்லப்பட்டிருக்கலாம். மொத்தத்தில் 340,000 பேர் இலங்கையில் கொல்லப் பட்டிருக்கிறார்கள்.

இதை வேறு விதமாக உறுதி செய்ய முடியுமா?
வாஷிங்டன் மற்றும் ஹவார்ட் மருத்துவ கல்லூரிகள் மேற்கொண்ட ஆய்வின்படி இலங்கையில் 1983 இருந்து 2002ம் ஆண்டுவரையிலான காலப்பகுதியில் குறைந்தது 2இலட்சத்து 15ஆயிரம் பேர் யுத்தத்தில் கொல்லப்பட்டுள்ளதாக தெரிவிக்கப்பட்டுள்ளது இந்ததொகை சுமார் 3இலட்சத்து 38ஆயிரமாக இருக்கலாம் என்று அந்த ஆய்வு மேலும் குறிப்பிட்டுள்ளது. ஆனால் பொதுமக்கள் மீது 2002-ம் ஆண்டின் பின்புதான இலங்கைப் படையினர் கனரக ஆயுதங்களைக் கொண்டு தாக்கினார்கள். உக்கிரமான போர் 2008இல் தான் ஆரம்பித்தது.

இவற்றை வைத்துக் கொண்டு அடித்துச் சொல்லலாம் இலங்கையில் மூன்று இலட்சத்திற்கு மேற்பட்ட தமிழர்களை இலங்கையும் இந்தியாவும் இணைந்து கொன்றன என்று.

அல் கெய்தா முறைப்படி குண்டுக் கேக் தாயாரிக்கும் முறை

சுவையான குண்டுக் கேக் தயாரிக்கும் முறையை அறிந்து கொள்ள அல் கெய்தாவின் இணையத்தளத்தில் அறிந்து கொள்ளலாம். அல் கெய்தா திவிர வாத இயக்கம் ஒரு புனிதப் போருக்கான இன்ஸ்பையர் என்னும் பெயரில்இணையச் சஞ்சிகை(jihadist magazine "Inspire") ஒன்றை நடாத்தி வருகிறது. இதில் புனிதப் போரைப் பற்றி அறியப் போனவர்களுக்கு ஒரு ஆச்சரியம். அங்கு சுவையான கப் கேக் செய்யும் முறை பற்றி விளக்கம் கொடுக்கப் பட்டிருந்தது.

இன்ஸ்பையர் இணையத்தில் குண்டுகள் செய்யும் முறை பற்றி விளக்கப் பட்டிருந்தது. இதன் ஆபத்தை உணர்ந்த பிரித்தானிய உளவுத் துறையினர் அந்த இணையத் தளத்தை ஊடுருவல் செய்து குண்டு செய்யும் முறையை நீக்கிவிட்டு அதற்குப் பதிலாக கப் கேக் செய்யும் முறைபற்றிய தகவல்களைப் பதிவு செய்து விட்டனர்.

இணையவெளிப் போர் இனிவரும் காலங்களில் அதிகரிக்கும் என்று இதிலிருந்து தெரிகிறது. இணையவெளிப் போர் பற்றி மேலும் அறிய இந்த இணைப்பைப் பார்க்கவும்:
இணையவெளிப் போர்

அமெரிக்காவில் இயங்கும் அல் கெய்தா இயக்கப் பிரிவுத் தலைவர் அடம் கதான் தங்கள் ஆதரவாளர்களுக்கு விடுத்த வேண்டு கோளில் தனிப்பட்ட முறையில் அவர்களை புனிதப் போரில் ஈடுபடும்படி கூறியுள்ளது.

பின் லாடனைக் கொல்லச் சென்ற அமெரிக்க சீல் படையினர் பின் லாடனின் மாளிகையில் இருந்து பெருமளவு கணனிப் பதிவுகளை எடுத்துச் சென்றனர். இது அல் கெய்தாவிற்கு பெரும்பின்னடைவை ஏற்படுத்தும். நேற்று முன் தினம் பாக்கிஸ்த்தான் எல்லையில் இலியாஸ் கஷ்மீரி என்ற பெயருடைய அல் கெய்தாவின் முக்கிய தளபதியை அமெரிக்கப் படையினர் கொன்றனர். இலியாஸ் கஷ்மீரி பின் லாடனுக்குப் பின் அல் கெய்தாவிற்கு தலமை தாங்குவார் என்று எதிர்பார்க்கப் பட்டது. பின் லாடன் கொலைக்குப் பின்னர் அல் கெய்தாவிற்கு ஏற்பட்ட பெரிய இழப்பு இது என்று சொல்லப்படுகிறது.

மேற்குலகத்திற்கும் இசுலாமியப் போராளிகளுக்கும் இடையிலான போர் இனி இணையவெளியிலும் உக்கிரமடையும்.

கடாஃபி எப்படித் தாக்குப் பிடிக்கிறார்?

வீடு வாங்க முயல்பவர்கள் கவனிக்க வேண்டிய முக்கிய மூன்று அம்சங்கள் 1. location, 2. location, 3. location என்று சொல்வார்கள். லிபியாமீது மேற்கு நாடுகள் காட்டும் அக்கறைக்கும் லிபியாவில் உள்ள எண்ணெய் வளத்திலும் பார்க்க இதே மூன்று காரணங்கள்தான் காரணம். லிபியாவின் பூகோள அமைப்பு மிகவும் படைத்துறை முக்கியத்துவம் வாய்ந்தது. சூயஸ் கால்வாயும் எகிப்தும் மற்றும் மத்தியதரைக்கடல் பிராந்தியமும் மற்றும் அரபு நாடுகளும் கட்டுப்பாட்டுக்குள் வரவேண்டுமாயின் லிபியா எதிரியின் கையில் இருக்கக்கூடாது என்று மேற்குலக படைத்துறை வல்லுனர்கள் கருதுகிறார்கள். 1941இல் சூயஸ் கால்வாய் உட்பட பெரிய பிரதேசத்தை இத்தாலியிடம் இருந்து கைப்பற்றுவதற்கான தாக்குதலை பிரித்தானியப் படைகள் லிபியாவில் இருந்தே மேற்கொண்டன.

கடாஃபியின் தவறு
ஒரு சிறந்த எண்ணெய் வளம் மிக்க நாடு லிபியா. ஆபிரிக்காவில் லிபியாதான் அதிக தனி நபர் வருமானம் கொண்ட நாடு. தனி நபர் வருமானம் என்பது தேசத்தின் மொத்த உற்பத்தியை மக்கள் தொகையால் வகுக்க வருவது. ஆனால் லிபிய மக்களின் வாழ்க்கைத் தரம் மற்ற எண்ணெய் வள நாடுகளுடன் ஒப்பிடுகையில் மிகவும் குறைந்ததே. அங்கு தேச வருமானம் சரியான முறையில் பங்கிடப்படவுமில்லை; பாவிக்கப்படவுமில்லை. லிபிய மக்களின் கல்வித்தரம் மிகவும் பிந்தங்கியது. மற்ற அரபு நாடுகள் நகர நிர்மாணம் தெரு நிர்மாணம் என்பவற்றில் அதிக ஈடுபாடு காட்டிய போது லிபியா என்ன செய்தது என்ற கேள்வி உண்டு. லிபியக் கிராமப் புறங்கள் மிகவும் பின் தங்கியவை. லிபிய் அதிபர் மும்மர் கடாபியின் பொருளாதர நிர்வாகம் மோசமானது. தவறுகள் நிறைந்தது. இதுதான் லிபிய மக்களை துனிசியா எகிப்திய மக்களைப் போல் அரசுகு எதிராக கிளர்ந்தெழத் தூண்டியது.

சென்ற மாதம் மும்மர் கடாஃபியின் படைகளை அவருக்கெதிரான கிளர்ச்சிக்காரர்கள் நேட்டோப் படைகளின் உதவியுடன் மிசரட்டா நகரில் இருந்து விரட்டினர். சென்ற வாரம் கடாஃபியின் படையில் இருந்து ஐந்து ஜெனரல்கள் உட்பட எட்டு உயர் படைத்துறை அதிகாரிகள் தப்பி ஓடி இத்தாலியில் தஞ்சம் புகுந்துள்ளனர். இருந்தும் கடாஃபி தாக்குப் பிடிக்கிறார். கடாஃபிக்கு எதிரான போர் ஓர் தேக்க நிலையிலேயே உள்ளது. இதற்கு முக்கிய காரணம் நேட்டோப் படையினர் கடாஃபியின் படைகளை அழித்தொழிப்பதிலும் பார்க்க அவர்களைச் சரணடையச் செய்வதையே தங்கள் உபாயமாகக் கொண்டுள்ளனர்.

கடாஃபியின் தாக்குப் பிடித்தலுக்கு மேற்கு நாட்டு படைத்துறை ஆயவாளர்கள் கூறும் நொண்டிச் சாட்டு "எமது படைக்கு இந்தப் போர் ஒரு மனிதாபிமான நடவடிக்கை. கடாஃபியின் படைக்கு இது வாழ்வா சாவா என்ற பிரச்சனை. இதனால் அவர்கள் அதிக முனைப்புடன் போராடுகிறார்கள்". கடாஃபி மீது பன்னாட்டு நீதிமன்றில் போர்க்குற்றம் சுமத்தி கைது உத்தரவு பிறப்பித்தமை அவருக்கு போரைத் தவிர வேறு தெரிவு இல்லை என்று ஆக்கப்பட்டுவிட்டது.

கடாஃபி பல ஆண்டுகளுக்கு முன்பே தனக்கு எதிரான புரட்சிச் சதிக்கு எதிராக சகல பாதுகாப்பு நடவடிக்கைகளையும் எடுத்து விட்டார். கடாபியின் படையில் இருந்து விலகி பலர் கிளர்ச்சிக்காரர்களுடன் இணைந்தாலும் இந்த விலகல்கள் கடாஃபியின் படைபலத்தை பெரிய அளவில் பாதிக்கவில்லை. கடாபியின் எதிரி நாடுகள் ஆட்சி முறை மாற்றமா? ஆட்சியாளர் மாற்றமா? மக்களைப் பாதுகாப்பதா? என்பதில் குழம்பி நிற்கின்றனர். இந்தக் குழப்பம் கடாஃபிக்கு சாதகமாக அமைந்தது.

நேட்டோப்படைகள் பொதுமக்களின் உயிரிழப்பை தவிர்க்க விரும்புவதால் தங்கள் தாக்குதல்கள் மட்டுப்படுத்தப்பட்டவையாக இருப்பதாகக் கூறுகின்றன.

கடாஃபியின் தாக்குப் பிடித்தலின் இரகசியம் அவர் அழுத்தங்களுக்கு மசியாதவர், அழுத்தங்களை எதிர் கொண்ட அனுபவம் நிறைய உடையவர். தன்னை கொல்வதற்கு எதிரான சதியை எப்படிக் கையாள்வது என்ற அனுபவம் நிறைய உள்ளவர்.

வல்லரசு நாடுகளின் இணையவெளிப் போர்

இந்த நூற்றாண்டின் ஆரம்பத்திலேயே அமெரிக்கப் படை பலத்தை ஆய்வு செய்த சீனப் படைத் துறை வல்லுனர்கள் அமெரிக்கப் படைபலம் இரு அம்சங்களில் பெரிதும் தங்கியுள்ளதை அவதானித்தனர். அமெரிக்கா தனது உலகெங்கும் உள்ள தனது விமானம் தாங்கி கப்பல்கள், நாசகாரிக் கப்பல்கள், நீர் மூழ்கிக்கப்பல்கள், உயர் தொழில்நுட்ப ஏவுகணைகள் போன்றவற்றின் செயற்பாடுகளுக்கும் அவற்றிற்கிடையான தொடர்பாடல்களுக்கும் செய்மதிகளிலும் இணையவெளியிலும் பெரிதும் தங்கி இருக்கின்றன.

போர் நடவடிக்கையாகக் கருதும் அமெரிக்கா
தனது நாட்டு கணனிக் கட்டமைப்புக்கள் மீது மேற்கொள்ளப் படும் ஊடுருவல் நடவடிக்கைகளை அமெரிக்காமீது தொடுத்த போராக கருதப் போவதாக அமெரிக்கப் பாதுகாப்புத் துறைத் தலைமையகமான பெண்டகன் 2011 ஜூன் முதலாம திகதி அறிவித்தது. இந்த அறிவிப்புப் பாரதூரமானது. எந்த ஒரு நாட்டில் இருந்தாவது அமெரிக்க கணனிக் கட்டமைப்பின் மீது ஊடுருவல்கள் மேற்கொண்டால் அந்த நாட்டின் மீது அமெரிக்கப் படைகள் தாக்குதல் நடத்தலாம்.

உலகை அதிர வைத்த சீன விஞ்ஞானிகள்
2007-ம் ஆண்டு ஜனவரி மாதம் 23-ம் திகதி அமெரிக்கா, ஜப்பான், இந்தியா, அவுஸ்திரேலியா, தென்கொரியா, தாய்வான் ஆகியவை உடபட பல நாடுகளை அதிரவைத்தனர் சீன விஞ்ஞானிகள். சீன விஞ்ஞானிகள் தரையில் இருந்து செலுத்திய ஒரு ஏவுகணையினால் தமது செய்மதி ஒன்றை அழித்தனர். இது அமெரிக்காவின் பலம் தங்கி இருக்கும் இரண்டில் ஒன்றைப் பலவீனமாக்கியது.

இணையவெளி ஊடுருவல்கள்
கணனித் துறையில் ஆர்வம் மிக்க இளைஞர்கள் இணையவெளியூடாக மற்றவர்களின் கணனிகளை ஊடுருவது வழக்கம். இது ஒரு திருட்டுத் தொழிலாகவும் மாறியது. சிலர் மற்ற நாட்டுப் படைத் துறையினரின் கணனிகளை ஊடுருவதும் உண்டு. உலகெங்கும் நடக்கும் கணனி ஊடுருவல்களில் காற்பங்கு சீனாவில் இருந்து மேற் கொள்ளப் படுகின்றன என்கிறார்கள் இணையவெளி வல்லுனர்கள். இவற்றில் பெரும் பகுதி சீனப் படைத்துறையுடன் சம்பந்தப்பட்டவை. 2007-ம் ஆண்டு செப்டம்பர் 4-ம் திகதி அமெரிக்கப் படைத்துறைத் தலைமையகமான பெண்டகனின் கணனிகளை சீனாவில் இருந்து ஊடுருவியமை கண்டறியப்பட்டது. ஆனால் இவை சீனப் படைத்துறையில் இருந்து மேற் கொள்ளப்பட்டதா என்பதை பெண்டகனால் உறுதி செய்ய முடியவில்லை.

இணையவெளிப் போராளிகள்
சீனாவிடம் "இணையவெளி நீலப் படைப்பிரிவு" என்ற பெயரில் இணையவெளி நிபுணர்களைக் கொண்ட ஒரு படைப் பிரிவு உண்டு. இவை "இரவு யாளி" என்னும் பெயரில் பிரித்தானியாவிற்கு எதிராக ஒரு படை நடவடிக்கையை மேற் கொண்டதாகவும் கூறப்படுகிறது. அமெரிக்கவிற்கு பாதுகாப்பு உபகரணங்கள் தயாரிக்கும் லொக்கீட் நிறுவனத்தின் கணனிகள் தொடர் ஊடுருவல் முயற்ச்சிகளுக்கு உள்ளாகி வருகிறது.

அமெரிக்காவை உலுக்கிய கூகுளின் அறிவிப்பு
2011 ஜூன் 2-ம் திகதி சீனாவில் இருந்து அமெரிக்காவில் உள்ளவர்களின் பல மின்னஞ்சல்கள் ஊடுருவப்பட்டதாக கூகிள் அறிவித்தது அமெரிக்க அரசை உலுக்கியுள்ளது. இது அமெரிக்க அரசுச் செயலர் கிலரி கிளிண்டனையே களத்தில் இறக்கியது. அவர் உடனடி விசாரணைக்கு உத்தரவிட்டார். மின்னஞ்சல்கள் ஊடுருவப்படுவது ஒரு சாதாரண நிகழ்வுதான். ஆனால் கூகிளின் அறிவிப்பை அமெரிக்க அரசு பாரதூரமானதாக எடுத்துக் கொண்டமைக்கு இரண்டு காரணங்கள் உண்டு. ஒன்று இந்த ஊடுருவல் சீனாவின் படைத்துறைப் பயிற்ச்சி மையங்கள் உள்ள நகரில் இருந்து மேற்கொள்ளப்பட்டமை; மற்றது அமெரிக்கப் அரச அதிகாரிகளின் மின்னஞ்சல்கள் ஊடுருவப்பட்டுள்ளன. சில வெள்ளை மாளிகை அதிகாரிகளின் மின்னஞ்சல்களும் குறிவைக்கப்பட்டுள்ளதாக நம்பப்படுகிறது. சீனாவில் கூகிளை போன்று போலியான ஒரு வலைத் தளத்தை உருவாக்கி அதன் மூலம் பலரது மின்னஞ்சல் முகவரிகளும் கடவுச்சொற்களும் திருடப் பட்டுள்ளன. இப்படிச் செய்வது ஒரு நிறுவனத்தால்தான் முடியும். தனிப்பட்ட ஒருவாரால் செய்ய முடியாது.



மரபு வழிப் போருக்கு இணையாக இணையவெளிப்போர்.
இணையவெளிப் போரில் ஒரு வளர்ச்சியடைந்த நாட்டின் பல குடிசார் நடவடிக்கைகளை முடக்க முடியும். இதனால் வங்கி நடவடிக்கைகள் பொருட்கள் விநியோகம், மருத்துவ சேவை போக்குவரத்து போன்ற அத்தியாவசியப் பணிகளை முடக்க முடியும். அத்துடன் படைத்துறையின் தொடர்பாடல்கள் வழங்கல் சேவைகளை முடக்க முடியும். எல்லாவற்றிற்கும் மேலக இலகுவான உளவாடலுக்கு இணையவெளி மூலம் செய்யலாம். இதனால் பல நாடுகள் இப்போது மரபு வழிப் போருக்கு இணையாக இணையவெளிப் போரையும் கருதுகின்றன. சீனாதான் இந்த இணையவெளிப் போரில் முன்னோடி என்று சில நிபுணர்கள் கருதுகின்றனர். 31 மே 2011இலன்று பிரித்தானிய தான் இணையவெளி படைபலத்தை தான் 650மில்லியன் பவுண்கள் செலவில் பல ஆயிரம் இணையவெளி வல்லுனர்களை படைத்துறையில் இணைத்து அதிகரித்துக் கொள்வதாக அறிவித்தது. 2003-ம் ஆண்டே வட கொரியா தனது இணயப் போராளிகள் பலரை வெளி நாடுகளுக்கு அனுப்பி நவீன இணையவெளி ஊடுருவல் தொடர்பாகப் பயிற்றுவித்தது. ஈரானின் அணுக்குண்டுத் திட்டத்திற்கு எதிராக பெண்டகன் ஒரு சிறப்பு வைரசை உருவாக்கி திட்டதில் பின்னடைவை ஏற்படுத்தியது.

அமெரிக்காவின் புதிய திட்டம்.
அமெரிக்கப் படைத்துறை பல வெளிநாடுகளின் கணனிக் கட்டமைப்புக்களிற்குள் வைரசைப் புகுத்தி வைத்திருந்து தேவையான நேரங்களில் அவை அந்தக் கணனிக் கட்டமைப்பைச் செயலிழக்கச் செய்யும் ஒரு முறைமையை உருவாக்கியுள்ளது. இது வழமையான ஊடுருவல்களிலும் வேறுபட்டது. இந்த வைரசின் இருப்பைக் கண்டறிவதும் கடினம். அமெரிக்கப் படைத்துறை அமெரிக்க அதிபரின் ஒப்புதலின் பேரிலேயே இந்த வைரசுக்களை செயற்பட வைக்க முடியும். இந்த வைரசுக்கள் வெறும் படைத்துறையை மட்டும் இலக்கு வைக்குமா அல்லது மற்ற சேவைகளையும் குறிவைக்குமா என்று வெளியிடப்படவில்லை.

கொஞ்சம் மாத்தி யோசியுங்களப்பா.
உலகம் பொருளாதாரத்தில் மோசமாகிக் கொண்டு போகிறது. உணவு உற்பத்திப் பிரச்சனை, எரி பொருள் தட்டுப்பாட்டுப் பிரச்சனை என்று எத்தனை பிரச்சனைகள்? இவற்றைப் பற்றிச் சிந்திக்க மாட்டார்களா? எல்லாவற்றையும் மேலுள்ள மாதிரி ஆழ சிந்தித்து செய்பவர்கள் இப்படி எல்லம் ஆளுக்கு அடித்துக் கொள்ளாமல் இருப்பது எப்படி என்று சிந்திக்க மாட்டார்களா?

நகைச்சுவை: புதிய கருவிகளும் புதிய விதிகளும்

எமக்குத் தேவையில்லாத கருவிகளை எம்மீது திணித்து எம பணத்தைப் பிடுங்குவதுதான் சந்தைப்படுத்துவர்களின் தந்திரம். இந்தப் பொருட்களைப்பற்றி புதிய விதிகளை உருவாக்கியுள்ளார்கள் சில நகைச்சுவையாளர்கள்:

Slbrink’s Law: “The cheaper the printer, the more expensive the ink cartridge.”
அச்சிடுகருவிகள் எந்த அளவிற்கு மலிவானதாக இருக்கிறதோ அந்த அளவிற்கு அதற்கான மைகளின் விலைகள் அதிகமாக இருக்கும்.

MichaeLVosburg’s law: “Any gadget’s ease of use is inversely proportional to the number of engineers who worked on it.”
ஒரு கருவியின் பயன்படுத்துதலின் இலகு தன்னமை அதில் ஈடுபட்ட பொறியிலாளர்களின் (எஞ்சினியர்களின்) எண்ணிக்கைக்கு நேர் மாறாக இருக்கும்.

Invisible_Daddy’s law: “Any cool feature you try to show your spouse won’t work, discrediting your enthusiasm for your new purchase.”
நீங்கள் வாங்கிய புதிய கருவியின் சிறப்பம்சங்களை நீங்கள் உங்கள் மனைவி/கணவனுக்கு காட்டும் போது உங்களை அக்கருவியை வாங்கத் தூண்டிய ஆவலை அது பாதிக்கும்.

Pogue’s Latest Law: “The more convenient a device is, the worse the audio/visual quality.”
ஒரு கருவி எவ்வளவு இலகுவானதாக இருக்கிறதோ அந்த அளவிற்கு அதன் ஒளி ஒலி தரம் மோசமானதாக இருக்கும்.


Murphy's Laws:

• A hardware failure will cause system software to crash, and the customer engineer will blame the programmer.
• A system software crash will cause hardware to act strangely and the programmers will blame the customer engineer.
• Undetectable errors are infinite in variety, in contrast to detectable errors, which by definition are limited.
• A failure in a device will never appear until it has passed final inspection.
• Logic is a systematic method of coming to the wrong conclusion with confidence.