பொருளாதாரத் தடையால் ஈரான் பணிகிறதா?

ஈரான் மீது ஐக்கிய அமெரிக்காவும் மேற்கு ஐரோப்பிய நாடுகளும் கொண்டு வந்த பொருளாதரத் தடை தம்மை ஒன்றும் செய்யாது என அதன் அதிபர் முகமது அகமதினிஜாத் சூளுரைத்திருந்தார். 2012 செப்டம்பரில் டெஹ்ரானில் நடந்த ஈராக் போர் நினைவு நாளில் உரையாற்றிய முகமது அகமதினிஜாத் தனது நாட்டின் மீது இஸ்ரோலோ அல்லது ஐக்கிய அமெரிக்காவோ அத்துமீறி நடந்தால் பலத்த பதிலடி கொடுக்கப்படும் என்றும் எச்சரித்திருந்தார்.

உலகப் பொருளாதார நிபுணர்களின் கருத்து முகமது அகமதினிஜாதுடன் உடன்படவில்லை. 2013இன் முற்பகுதியில் ஈரானியப் பொருளாதாரம் சிதறும் ஆபத்து உள்ளது என்று அவர்கள் எச்சரிக்கிறார்கள். பொருளாதரத் தடைக்கு முன்னரே ஈரானியப் பொருளாதாரம் 2007இல் இருந்து உலகெங்கும் ஏற்பட்ட பொருளாதாரப் பிரச்சனையால் பெரிதும் பாதிக்கப்பட்டு ஒரு பலவீனமான நிலையிலேயே இருந்தது.

ஈரான் தனது யூரேனியம் பதப்படுத்தலை தொடர்ந்து மேற்கொள்வேன் என அடம்பிடித்தது. ஈரான் அணு குண்டு தாயாரிக்க அனுமதிக்க மாட்டோம் என இஸ்ரேலும் ஐக்கிய அமெரிக்காவும் உறுதியாக அறிவித்தன. ஈரான் அசையவில்லை. தனது யூரேனியம்  பதப்படுத்தல் சமாதானத்திற்காகவே. அணுக் குண்டு உற்பத்திக்கு அல்ல என்றது. ஈரான் மீது பல இணைய வெளித் தாக்குதல்களை இஸ்ரேலும் ஐக்கிய அமெரிக்காவும் இணைந்து தனித்தனியாகவும் நடாத்தியதாகக் குற்றம் சாட்டப்பட்டது. ஈரானின் அணு விஞ்ஞானிகள் குண்டு வெடிப்பில் கொல்லப்பட்டனர். ஈரான் தனது யூரேனியம் பதப்படுத்தலைக் கைவிடவில்லை. ஈரானின் யூரேனியம் பதனிடும் நிலையங்கள் மீது தாக்குதல் நடாத்த வேண்டும் என இஸ்ரேல் அமெரிக்காவை வலியுறுத்தியது. பராக் ஒபாமா நிர்வாகம் பொறுமையக் கடைப்பிடித்து தந்திரமாகக் காய்களை நகர்த்தி ஈரானுக்கு எதிராக பொருளாதாரத் தடைகளைக் அமூல் படுத்தியது. பன்னாட்டு வங்கி கொடுப்பனவு முறைமையான SWIFT இல் இருந்து தந்திரமாக ஈரானை வெளியேற்றியது. இந்தியா சீனா போன்ற நாடுகளை ஈரானில் இருந்து எரிபொருள் இறக்குமதி செய்ய வேண்டாம் என வலியுறுத்தியது. சீனாவும் இந்தியாவும் மறுத்தன. இறுதியில் இந்தியா தான் ஏற்கனவே இறக்குமதி செய்யும் எரிபொருளை மட்டும் தொடர்ந்து இறக்குமதி செய்வதாக ஒத்துக் கொண்டது. 
பொருளாதாரத் தடையின் பின்னர் ஈரானியப் பொருளாதாரம் பெரிதும் பாதிக்கப்பட்டது என்பதை அதன் நாணயமான ரியால் 80% பெறுமதி வீழ்ச்சியைக் கண்டது. ஈரானின் வெளிநாட்டுச் செலவாணிக் கையிருப்பு (foreign exchange reserves) இன்னும் ஆறு அல்லது பன்னிரண்டு மாதங்களுக்கு மட்டுமே தாக்குப் பிடிக்கும் என்றும் கருதப்படுகிறது. ஈரானியப் பொருளாதரப் பிரச்சனைகளுக்கு வெளியில் இருந்து வந்த பொருளாதாரத் தடை மட்டுமல்ல காரணம். அதன் ஆட்சியாளர்களின் மோசமான பொருளாதார நிர்வாகமும் ஒரு முக்கிய காரணம். 

பொருளாதாரத் தடைகளுக்கு மத்தியில் பல வீராப்புகளை ஈரான் கொட்டியது. ஹோமஸ் நீர்ணையை மூடி உலக எரிபொருள் விநியோகத்தில் பெரும் பகுதியை தடை செய்வேன் என்றது. பல ஏவுகணைப் பரிசோதனைகளைச் செய்து காட்டியது. இஸ்ரேல் மீது தனது ஆளில்லா விமானத்தைப் பறக்க விட்டது. ஈரானிய ஆதரவு விடுதலை இயக்கமான ஹிஸ்புல்லா ஈரான் மீது தாக்குதல் நடத்துபவர்கள் மீது தாம் தீவிரவாதத் தாக்குதலை மேற்கொள்வோம் என்றது. கடைசி நகர்வாக ஹோமஸ் நீரிணையில் எரிபொருள்களை பெருமளவில் கசிய விட்டு அதை கப்பல் போக்கு வரத்திற்கு ஆபத்தான ஒரு இடமாக மாற்றி அதன் மூலம் உலக எரிபொருள் விநியோகத்தில் பெரிய பாதிப்பை ஏற்படுத்தும் தனது திட்டத்தையும் கசிய விட்டது. ஆனால் இது ஈரானியப் பொருளாதாரத்திலும் பெரிய பாதிப்பை ஏற்படுத்தும். இப்படி ஒன்றை ஈரானின் நேச நாடுகளும் விரும்ப மாட்டா. 


தனது மொத்த எரிபொருள்   ஏற்றுமதியையும் நிறுத்தப் போவதாக ஈரான் எச்சரித்தது. ஈரானிடமிருந்து துருக்கி, இந்தியா, தென் கொரியா சீனா ஆகிய நாடுகள் இப்போது எரிபொருள் இறக்குமதி செய்கின்றன. ஏற்றுமதியை நிறுத்தினால் உலக எரிபொருள் விலையில் பெரும் அதிகரிப்பு ஏற்படும் என்று ஈரான் எதிர்பார்க்கிறது. ஈரானிய மக்கள் பொருளதாரத் தடைகளின் சுமையை அனுபவிக்கத் தொடங்கிவிட்டனர். மக்கள் கிளர்ந்து எழ முன்னர் ஈரானால் செய்யக் கூடிய அதன் தெரிவுகள் மிகச் சிலவே:
1. ஈரான் இஸ்ரேல் மீது தாக்குதல் நடாத்துதல். பொருளாதாரம் முறிவடைந்த பின்னர் இஸ்ரேலும் அமெரிக்காவும் தாக்குதல் நடாத்துவதிலும் பார்க்க முறிவடையமுன்னர் போரை ஈரான் ஆரம்பித்தால் சிறிது பலமான நிலையில் போர் புரிய முடியும். ஆனால் முதலில் போர் தொடங்கிய ஈரானை இரசியாவும் சீனாவும் ஆதரிக்குமா என்பது சந்தேகம்.2. யூரேனியம் பதனிடுவதை நிறுத்துதல். இப்படி நிறுத்தினால் உள் நாட்டில் ஆட்சியாளர்கள் தமது செல்வாக்கை பெரிதும் இழக்கலாம்.3. பேச்சு வார்த்தை மூலம் தீர்த்து வைத்தல்.

அந்தரங்கத்தில் பணிவு! பகிரங்கத்தில் வீராப்பு
அறையில் சரண். அம்பலத்தில் வீரம்பகிரங்கமாக வீராப்புப் பேசும் ஈரானிய ஆட்சியாளர்கள் திரைமறைவில் ஐக்கிய அமெரிக்காவுடன் பேச்சு வார்த்தையில் ஈடுபடச் சம்மத்தித்துள்ளார்கள். ஆனால் ஈரான் இதை பகிரங்கமாக ஒப்புக் கொள்ளவில்லை. அமெரிக்காவைச் சாத்தான் என விமர்சித்த ஈரானிய மதத் தலைவர்கள் முகத்தில் இது கரி பூசியதாக அமையும்.

 பேச்சு வார்த்தைகளில் இழுபறி
நவம்பர் - 6ம் திகதி நடக்க விருக்கும் தேர்தலில் பராக் ஒபமா தோல்வியடைந்தால் நிலைமை ஈரானுக்கு இன்னும் மோசமாகலாம். இதனால் ஈரான் திரைமறைவில் அமெரிக்காவுடன் பேச்சு வார்த்தைக்குத் தயாரானது. ஈரான் ஐக்கிய அமெரிக்காவுடனான பேச்சு வார்த்தை ஒரு பன்முகப்பட்டதாக அமைய விரும்பியது. லிபியா சிரியா போன்ற நாடுகளில் ஏற்பட்டுள்ள நிலைமை பாலஸ்த்தீனப் பிரச்சனை போன்றவற்றை பேச்சு வார்த்தையில் உட்படுத்த ஈரான் விரும்பியது. ஆனால் அமெரிக்கா இது காலத்தை இழுத்தடிக்கும். பேச்சு வார்த்தை இழுபட ஈரான் தனது நிலத்தின் கீழ் 30 அடியில் உள்ள தனது யூரேனியம் பதப்படுத்தும் நிலையங்களில் தேவையான அளவு யூரேனியத்தைப் பதப்படுதி விடும் என்று சந்தேகித்தி பேச்சு வார்த்தை யூரேனியப் பதப்படுத்தலும் பொருளாதாரத் தடையையும் பற்றி மட்டுமே பேச்சு வார்த்தை செய்வதாக தெரிவித்தது.

உனக்கும் வெற்றி எனக்கும் வெற்றி
ஈரான் சமாதான நோக்கத்திற்குத் தேவையான யூரேனியத்தை தயாரிக்க அமெரிக்கா அனுமதிக்கும். அதற்கான கடும் பன்னாட்டு கண்காணிப்பு மேற்கொள்ளப்படும். இதனால் ஒரு உனக்கும் வெற்றி எனக்கும் வெற்றி (win-win) நிலைமையை ஏற்படுத்த அமெரிக்கா முயல்கிறது. ஈரான பகிரங்கமாக தான் சமாதானத்திற்குத்தான் யூரேனியம் பதப்படுத்துகிறேன் என்று இதுவரை சொல்லி வந்தது. அணுக் குண்டு செய்யப்போகிறேன் என்று சொல்லவில்லை. ஈரான் சில அணு மின் நிலைகளை உருவாக்கலாம். பொருளாதரத் தடை நீக்கப்படலாம். ஆனால் அமெரிக்காவின் சதி வேறு விதமாக இருக்கலாம். அமெரிக்காவே தனது கையாட்கள் மூலம் அணு குண்டு எங்கே எனக் கேட்டு கிளர்ந்து எழும் சில தீவிரவாதிகளை ஈரானில் உருவாக்கலாம். மோசமடைந்த பொருளாதாரத்தால் கொதிப்படைந்த ஈரானிய மக்கள் அரசுக்கு எதிராக கிளர்ந்து எழுந்து அங்கு ஒரு ஆட்சி மாற்றம் ஏற்படலாம்.

Excellent SMS

There may be more than 8.5 billion people in this world
BUT
Sometimes we really need JUST ONE..!!

"Tears of EYES are Valuable"
"Speech of LIPS are Powerful"
"Heart With LOVE is Beautiful"
"Life with FRIENDS is Most Wonderful".. !!

When a Girl Accepts Your Friend Request
it means she accepted Your "Friendship" Not Your "Proposal"..
When a Girl sends you a Friend Request
it means She wants to be your Friend not Your Girlfriend.
When She Tag you
it means she wants to share her Thoughts with You
'n not that She's Lost in Your Thoughts..
When she comments on Your status
it means She's just being Social 'n not Flirting..
When She Like Your comment
it means She like Your Comment not You. !
     - by  Dushyant Vaghela

ABBREVIATIONS Which Are Not Known To Many Of Us:
CHESS : Chariot, Horse, Elephant, Soldiers.
COLD : Chronic Obstructive Lung Disease.
JOKE : Joy Of Kids Entertainment.
AIM : Ambition In Mind.
DATE : Day And Time Evolution.
EAT : Energy And Taste.
TEA : Taste And Energy Admitted.
PEN : Power Enriched In Nib.).
SMILE : Sweet Memories In Lip Expression.
BYE : Beside You Every-time.

Superb Definitions...!
School- A Place Where Papa Pays 'n Son plays.
Life Insurance- A Contract That Keeps You Poor All Your Life So That You Can Die Rich.
Nurse- A Person Who Wakes You Up To Give You Sleeping Pills.
Father- A Banker Provided By Nature.
Experience- The Name Men Give To Their Mistakes.
Atom Bomb- An Invention To End All Inventions.
Smile- A Curve That Can Set A Lot Of Things Straight.

Compromise- The Art Of Dividing A Cake In Such A Way That Everybody Believes He Got The Biggest Piece.

Tears- The Hydraulic Force By Which Masculine Willpower Is Defeated By Feminine Water Power..!!
   -by  Yashesh Parmar

Storming msg:
When You lift the phone You say HELLO..
Do u know what is the Real meaning of HELLO?
It is the name of a girl..!
Yes!!
And Do u knw who is dat girl?
Margaret hello..
She is girlfriend of Grahmbell who invented telephone.
One can forget the name of Grahmbell but not his girlfriend!
Thats LOVE.
       by  Purvi Mehta


Father Means
F= Forever With His Family
A= Always There For You No Matter What
T= The Only One Who?S There
H= He?S My Hero Till The End
E= Encouraging In Everything I Do
R= Really The Only One?
No One Can Beat Him He ISThe Best!!!
    -by  Sakshi Raut

What Is Da True Meaning Of 'Study' ???
S. Sleeping
T. Talking
U. Unlimited Tafreh
D. Dreaming
Y. Yawning
    -by  Suryanshu Thakur

பிச்சை வேண்டாம் நாயைப் பிடி என்ற நிலைக்கு தமிழர்களைத் தள்ளும் சதி

நீ ஆப்கானிஸ்த்தானில் செய்ததை நான் ஈழத்தில் செய்தேன்

1981இல் அமெரிக்கக் கைக்கூலியும் தந்தை செல்வாவின் மருமகனுமான பேராசிரியர் ஏ ஜே வில்சன் (இன்னொரு கைக்கூலியான நீலன் திருச் செல்வமும் அவருடன் இணைந்திருந்தார்) இலங்கையில் தங்கி இருந்து இலங்கை இனப்பிரச்சனைக்கு மாவட்ட சபைதான் ஒரு தீர்வு என்று அவரின் ஆலோசனைகளுடனும் பங்களிப்புக்களுடனும் முன்வைக்கப்பட்ட மாவட்ட சபைத் திட்டத்தை தமிழர் விடுதலைக் கூட்டணியினர் ஏற்க மறுத்த  போது அதை ஏற்றும் கொள்ளும்படி அமெரிக்கா வற்புறுத்தியது.

1981இல் நடந்தமாவட்ட சபைத் தேர்தலில் கூட்டணியினர் பங்கு பற்றினர். விளைவு யாழ் நூலகம் எரிக்கப்பட்டது. தமிழர்கள் மீது மேலும் வன்முறைகள் கட்டவிழ்த்து விடப்பட்டன. மாவட்ட சபைத் திட்டத்தை முன்வைத்த பேராசிரியர் ஏ ஜே வில்சன் அப்போது ஒரு கருத்தையும் கூறியிருந்தார். "இதிலும் பார்க்கக் கூடுதலான அதிகாரம் தமிழர்களுக்கு ஒரு அரசு வழங்கினால் அது தற்கொலைக்கு ஒப்பானதாகும்". அப்போது சிங்களவர்கள் இலங்கைத் தமிழர்களுக்கு இந்தியா உதவும் என்று அஞ்சி இருந்தனர். இப்போது தமிழர்களுக்கு உதவ ஒருவரும் இல்லை என்று சிங்களவர்கள் நம்புகின்றனர்.

1987இல் ஜேஆர்-ராஜீவ் ஒப்பந்தம் கைச்சாத்திட்டபோது இலங்கை ஒரு மோசமான நிலையில் இருந்தது:
1. இலங்கையின் எந்தப் பகுதியிலும் தமிழ்ப் போராளிக் குழுக்களால் தாக்குதல் நடாத்த முடியும்.
2. இலங்கைப் படையினர் தமது முகாம்களுக்குள் வெளிவர அஞ்சியிருந்தனர். பல பெரிய முகாம்களில் வெளியில் வராதபடி அவர்கள் முடக்கப்பட்டிருந்தனர்.
3. சிங்கள மக்கள் ஒரு ஊரில் இருந்து இன்னொரு ஊருக்குச் செல்ல அஞ்சினர்.
4. அனுராதபுரத்திற்கு சிங்கள மக்களால் ஒரு புனிதப்பயணத்தைக் கூட நிம்மதியாகச் செய்ய முடியாமல் இருந்தது.
5. இந்தியப்படைகள் இலங்கைக் கடற்பரப்புக்க்குள் நிலை கொண்டிருந்தன.
6. அப்போதைய இலங்கக் குடியரசுத் தலைவர் ஜே ஆர் ஜயவர்த்தனவிடம் ஆளும் கட்சிப் பாராளமன்ற உறுப்பினர்களின் திகதியிடப்படாத பதவி விலகல் கடிந்தங்கள் இருந்தன.
7. ஜே ஆர்-ராஜீவ் ஒப்பந்தத்தைப் பிடிக்காத அப்போதைய பிரதம மந்திரி ஆர் பிரேமதாச நாட்டை விட்டு வெளியேறி ஜப்பானில் தங்கி இருந்தார்.

ஜேஆர்-ராஜீவ் ஒப்பந்தம் கையோப்பமிட்ட போது எதிர்ப்புத் தெரிவித்துக் கிளர்ச்சி செய்த சிங்களவர்கள் மீது உலங்கு வானூர்தியில் இருந்து தாக்குதல் நடாத்தப்பட்டது. இலங்கையில் முதல் முதலாக சிங்கள ஆர்ப்பாட்டக்காரர்களுக்கு எதிராக உலங்கு வானூர்தித் தாக்குதல் நடாத்தப்பட்டது.

பலத்த சிங்கள எதிர்ப்புக்கு மத்தியில் ஜேஆர் ஜயவர்த்தன தனக்குப் பிடிக்காத ஒரு ஒப்பந்தத்தில் கையொப்பமிட்ட்டிருப்பாரா? அப்போதே அவரிடம் இந்த ஒப்பந்தம் கைச்சாத்திட்டாலும் அந்தப் ஒப்பந்தந்தத்தின் படி இலங்கை அரசியல் அமைப்புக்குச் செய்யப்பட்ட 13வது திருத்தத்தை நிறைவேற்றத் தேவையில்லை என்ற உறுதி மொழியை யாரோ ஒருவர் வழங்கி இருக்க வேண்டும். இதை உறுதி செய்யும் முகமாக 25 ஆண்டுகள் ஆகியும் அந்த திருத்தம் நிறைவேற்றப் படவில்லை.

மஹிந்த ராஜபக்சவும் 13வது திருத்தமும்
மஹிந்த இலங்கைக்கு வரும் சகலரிடமும் தான் 13வது திருத்தத்திற் இணங்க இலங்கை இனப்பிரச்சனைக்குத் தீர்வு காணப் போவதாக தெரிவிப்பார். செல்லும் இடங்களிலும் அதையே சொல்வார். 2009இல் இலங்கைக்குப் பயணம் மேற் கொண்ட ஐக்கிய நாடுகளின் பொதுச் செயலர் பான் கீ மூனுடன் இணைந்து வெளியிட்ட கூட்டறிக்கையில் 13வது திருத்தத்தின் படி இலங்கை இனப்பிரச்சனைக்கு தீர்வு காணப்படும் எனத் தெரிவித்தார். டில்லிக்கு போய் இந்தியப் பிரதமரைச் சந்தித்து பதின் மூன்றாம் திருத்தத்திற்கு மேற் சென்று இலங்கைப் பிரச்சனைக்கு தீர்வு காணப்படும் என்றார். 13+ என்ற புதிய பதம் இலங்கை அரசியலில் பாவிக்கப்படத் தொடங்கியது. அதை சொல்பவர்க்கோ அல்லது கேட்பவர்க்கோ அது என்ன அந்த 13+என்று தெரியாது. விளக்கம் கேட்டால் இரண்டாம் மேற்சபை என்பார்கள். மஹிந்தவைப் பொறுத்தவரை இலங்கை என்பது ஒரு நாடு, ஒரு மொழி, ஒரு இனம், ஒரு மதம் எனற அடிப்படையில் மக்கள் ஒற்றுமையாக வாழவேண்டும்.

அமெரிக்காவும் 13வது திருத்தமும்
இலங்கையில் சிங்களவர்களைப் பொறுத்தவரை 13வது திருத்தம் என்பது ஒரு கெட்டவார்த்தை என்பதை அமெரிக்கா நன்கு உணர்ந்துள்ளது. அமெரிக்கா ஒருபோதும் சிங்கள மக்களைப் பகைக்க மாடாது. அது தனது ஆசியப் பிராந்திய நலன்களுக்கு உகந்ததல்ல என்று அது உணர்ந்துள்ளது. அதனால் அமெரிக்கா 13வது திருத்தம் என்ற பதத்தைப் பாவிப்பதில்லை. போருக்குப் பின்னரான நல்லிணக்கம் என்ற பதத்தை பாவித்து வருகிறது. அதைப் பொறுத்தவரை நாட்டில் சுமூக நிலை ஏற்படவேண்டும். அப்போதுதான் வடக்குக் கிழக்கில் மக்டொனால்ட், பேர்கர் கிங் போன்றவை வியாபாரம் செய்ய முடியும். நாடெங்கும் கோக்கும் பெப்சியும் தங்கு தடையின்றி விநியோகிக்க முடியும். கொலிவூட் படங்களைத் திரையிட முடியும். அமெரிக்காவிடம் இலங்கைப் போர்க்குற்றம் தொடர்பான ஆதாரங்கள் நிறைய உண்டு. அமெரிக்கா அதை தனது தேவைக்குப் பாவிக்கும் என்று இலங்கையில் போர் தீவிரமாக நடந்து கொண்டிருந்த போது இங்கு அதைப்பற்றி எழுதப்பட்டது அதைக் காண இங்கு சொடுக்கவும்: எல்லாவற்றையும் மேலுக்கு இருந்து ஒருவன் பார்த்துக் கொண்டிருக்கிறான்.
அமெரிக்கா தன்னிடம் உள்ள போர்க்குற்ற ஆதாரங்களை முன்வைத்து இலங்கையை மிரட்டி தன் வழிக்குக் கொண்டுவந்துவிட்டதாக லங்காஇநியூஸ் இணையத் தளம் ஒரு செய்தியை வெளியிட்டுள்ளது. அமெரிக்கா இலங்கை அதிபர் மஹிந்த ராஜபக்சவுடன் செய்யவிருக்கும் இரகசிய உடன்பாட்டில் அதில் மூன்று முக்கிய அம்சங்கள் பகிரங்கப்படுத்தப் பட்டுள்ளன:
1. முன்னாள் படைத் தளபதி சரத் பொன்சேகாவிற்கு மன்னிப்புக் கொடுத்து விடுதலை செய்தல்.
2. இலங்கை அமைத்த நல்லிணக்கத்திற்கான ஆணைக் குழுவின் பரிந்துரைகளை நிறைவேற்ற கால அட்டவணையுடன் கூடிய ஒரு செயற்திட்டத்தை உருவாக்குதல்.
3. தமிழ்த் தேசியக் கூட்டமைப்பினருடன் ஒரு உடன்படு ஒப்பந்தம் செய்தல்.
13வது திருத்தத்தை 25 ஆண்டுகளுக்கு மேலாக இழுத்தடிக்கும் சிங்களவர்களுக்கு அமெரிக்காவுடனான இரகசிய உடன்பாட்டை இழுத்தடிப்பது பெரிய பிரச்சனை அல்ல.

இந்தியாவும் 13வது திருத்தமும். 
1987இல் இருந்த அரசியல் சூழலுக்கு ஏற்ப இலங்கையில் திருக்கோணாமலையிலும் சிலாபத்திலும் அமெரிக்கா கால்பதிப்பதைத் தமிழ் போராளிக் குழுக்களைப் பயன்படுத்தி தடுத்து விட்டது. இந்தியக் கொள்கை வகுப்பாளர்களைப் பொறுத்தவரை 1. தமிழன் ஒரு சூத்திரன் அவன் ஆளக்கூடாது. 2. இலங்கையில் உள்ள அதிகாரப் பரவலாக்கம் இந்தியாவில் உள்ளதை மிஞ்சக்கூடாது. உண்மையில் இந்தியக் கொள்கை வகுப்பாளர்களைப் பொறுத்தவரை 13வது திருத்தம் நிறைவேற்றப் படவேண்டிய அவசியம் இல்லை. 13வது திருத்தத்தின் படி இணைத்த வடக்கு-கிழக்கு மாகாணங்கள் பிரிக்கப்பட்ட போது இந்தியக் கொள்கை வகுப்பாளர்கள் வாய் திறக்கவே இல்லை. திவிநெகும சட்டம் 13வது திருத்தத்தின் அதிகாரத்தைப் பறிக்கப்போகிறது என்று தெரிந்தும் இந்தியா அதைப்பற்றிக் கவலைப்படவில்லை. 25 ஆண்டுகளாக இது இழுத்தடிக்கப் பட்டமைக்குக் காரணம் இந்தியக் கொள்கை வகுப்பாளர்கள் இந்த 13வது திருத்தம் நிறைவேற்றப்பட வேண்டிய அவசியம் இல்லை என்று திரைமறைவில் தெரிவித்தனர் என்பதைத் தவிர வேறு எதாக இருக்கும்?

தமிழர்களும் 13வது திருத்தமும்
1987இல் சட்ட அறிஞர் நடேசன் சத்தியேந்திராவும் அண்மையில் யாழ் பல்கலைக்கழக விரிவுரையாளரான குமரகுருபரனும் 13வது திருத்தம் தமிழர்களுக்கு எந்த அதிகாரத்தையும் வழங்கவில்லை என்று ஆதார பூர்வமாகத் தெரிவித்துள்ளனர். தமிழர்கள் மத்தியில் இருக்கும் இந்தியக் கைக்கூலிகள் 13வ்து திருத்தம் சிறந்த நிவாரணி என்று மாரடித்துக் கதறுவர். முதலமைச்சராக இருந்த பிள்ளையான் என்னத்தை கிழித்தார் என்பதை இவர்கள் கூறுவதில்லை. 13வது திருத்தம் எந்த ஒரு தீர்வுக்கும் அடிப்படையாக அமையாது என்றும் தாயகம், தேசியம், தன்னாட்சி கோட்பாட்டிற்கும் 13வது திருத்தத்திற்கும் இடையில் வெகு தூரம் என்றும் தமிழர்கள் கருதுகின்றனர்.

இனி 13வது திருத்தம்
தமிழர்கள் மத்தியில் பரவலாக 13வது திருத்தம் போதாது என்ற நிலைப்பாடு இருப்பதை இந்தியாவும் அமெரிக்காவும் நன்கு உணர்ந்துள்ளன. காணி மற்றும் காவல்துறை அதிகாரமற்ற ஒரு மாகாண சபையை மட்டுமே சிங்கள மக்கள் ஏற்றுக் கொள்வர். இந்த இரண்டுடன் கூடிய மாகாண சபைமூலம் தீர்வு காணவேண்டும் என்று இலங்கையை வலியுறுத்தினால் அது சீனாவின் பக்கம் மேலும் சாய்ந்துவிடும் என்று இந்தியாவும் அமெரிக்காவும் நம்புகின்றன. இதற்காக அமெரிக்காவும் இந்தியாவும் செய்யும் சதிகள்:

1. எரிக் சொல்ஹெய்ம் மூலம் தமிழர்களின் விடுதலைப் போராட்டத்தைக் கொச்சைப் படுத்துதலும் தமிழர்களின் விடுதலை மீதான நம்பிக்கையை இழக்கச் செய்தலும்.
2. புலம் பெயர்ந்து வாழும் தமிழர்களைப் பல கூறுகளாகப் பிரித்தல்.
3. போரின் போது இலங்கைக்கான பிபிசியின் செய்தி முகவராகப் பணியாற்றிய பிரான்சிஸ் ஹரிசன் மூலம் இலங்கையில் போர்க் குற்றம் நடந்தது என்ற பிரச்சாரத்தை மேற் கொண்டு இலங்கையை மிரட்டுதல்.
4. இலங்கை அரசு 13வது திருத்தத்தை இரத்துச் செய்யப்படும் என்ற மிரட்டலை தமிழர்கள் மீது சிங்களவர்கள் வைப்பது. கோத்தபாய ராஜபக்ச இந்த மிரட்டலை விட்டபோது இதை கொண்டுவந்த இந்தியாவோ மஹிந்தவுடன் கூட்டறிக்கை விட்ட பான் கீ மூனோ எதுவும் கூறவில்லை. சில இந்தியக் கைக்கூலிகள் 13வது திருத்தம் இரத்துச் செய்தால் இலங்கை இந்தியாவிற்கு இடையில் பெரும் முரண்பாடு ஏற்படும் என்ற பொய்ப்பிரச்சாரத்தில் இறங்கிவிட்டனர்.
5. இலங்கை அரச படைகள் தொடர்ந்து தமிழர்களுக்கு எதிராக மோசமான அடக்கு முறையைத் தொடர்தல். இன்றும் நடக்கும் அரசபடைகள் செய்யும் மோசமான வன்முறைகளை அமெரிக்காவோ இந்தியாவோ கண்டு கொள்வதில்லை.
6. தமிழர் பிரதேசங்களில் தொடர்ந்து சிங்களவர்களைக் குடியேற்றல். அதற்கு உரிய உதவிகளை இந்தியா அபிவிருத்தித் திட்டம் என்ற போர்வையில் உதவுதலும் சிங்களவர்களின் போக்கு வரத்திற்கு வசதியாக வடக்கிற்கு தொடரூந்துச் சேவையை மீள ஆரம்பித்தல்

இந்தியாவும் அமெரிக்காவும் இணைந்து செய்யும் இந்தச் சதிகள் இலங்கை சீனா பக்கம் மேலும் சாயாமல் இருக்கவும் தமிழர்கள் பிச்சை வேண்டாம் நாயைப் பிடி என்பது போல் 13வது திருத்தமும் வேண்டாம் ஒன்றும் வேண்டாம் ஆளை நிம்மதியாக இருக்கவிடு என்று சொல்ல வைக்கவுமே.

விநோதமான தகவல்கள்

Dynamite தயாரிப்பில் நிலக்கடலையும்  பாவிக்கப்படுகிறது.

உலகத்தில் மனிதர்களிலும் பார்க்க அதிக அளவு கோழிகள் உள்ளன.

ஆண்களிலும் பார்க்க பெண்கள் இருமடங்கு தடவைகள் கண் இமைகளை அசைப்பர்.

உலகில் அதிகம் உள்ள முதற் பெயர் முஹம்மது

சராசரியாக ஒருவர் ஏழு நிமிடத்தில் தூங்கிவிடுவார்.

கண்களைத் திறந்த படி தும்ம முடியாது.

தட்டச்சு செய்யும் போது 56%மான வேலையை இடது கைதான் செய்கிறது.

Rubber bandsஐ refridgeratorஇல் வைத்திருந்தால் நீண்டகாலம் பாவிக்கும்.

மீன்களில் சுறா மட்டுமே இரண்டுகண்களையும் சிமிட்டக் கூடியது.

Month, orange, silver, purple  ஆகிய ஆங்கிலச் சொற்களுக்கு ஒத்தியைபுச்(rhyme) சொற்கள் இல்லை.

mt என்னும் எழுத்துக்களில் முடியும் ஒரே ஆங்கிலச் சொல் dreamt.

புலிகளுக்கு வரி தோலில் மட்டுமே இருக்கிறது. ரோமத்தில் இல்லை.

தும்பிகளின் ஆயும் ஒன்றில் இருந்து ஆறு மாதம் மட்டுமே.

தங்கமீன்கள் மூன்று நொடிகள் மட்டுமே எதையும் நினைவில் வைத்திருக்கும்.

உலகத்திலேயே பெரிய கண்கள் கொண்ட உயிரினம் பெரிய கணவாய்கள்.

காற்சட்டை அணியாமைக்காக டிஸ்னியின் Donald Duck பின்லாந்தில் தடை செய்யப் பட்டுள்ளது.

The quick brown fox jumps over the lazy dogs என்ற ஆங்கில வசனத்தில் ஆங்கிலத்தில் 26 எழுத்துக்களும் இருக்கின்றன தட்டச்சு சரியாக வேலை செய்கிறதா என்பதை இந்த வசனத்தை தட்டச்சு செய்து பார்ப்பார்கள்.

கண்டங்களின் ஆங்கிலப் பெயர்கள் எந்த எழுத்துடன் தொடங்கியதோ அதே எழுதுடன் முடியும்.

நான்கு திசைகளின் ஆங்கிலச் சொற்களின் முதல் எழுத்தும் சேர்த்தால் news என்ற சொல் வரும்.

அமெரிக்காவின் குடியரசுத் தலைவர்கள் எவரும் பெற்றோர்க்கு ஒற்றைப் பிள்ளைகளல்லர்.

ஒரு பூனையால் நூறு விதமான ஓசைகளை எழுப்ப முடியும். நாயால் பத்து மட்டுமே.

ஒரு நத்தையால் மூன்று ஆண்டுகள் தூங்க முடியும். சிலர் அரச பணிமனைகளில் அதிலும் நீண்ட காலம் தூங்குவதை யாரறிவார்?

There are 336 dimples on a regulation golf ball.

In Tokyo, a bicycle is faster than a car for most trips of less than 50 minutes!

If you keep a Goldfish in the dark room, it will eventually turn white.

Should there be a crash, Prince Charles and Prince William never travel on the same airplane as a precaution!

நகைச்சுவைக் கதை: பின்புறம் தீப்பிடிக்க...

அது ஒரு 40வது பிறந்த நாள் விருந்துபசாரம். ஒரு பிரபல மருத்துவரும் பிரபல சட்டவியலாளரும் ஒன்றாக அமர்ந்து உரையாடிக் கொண்டிருந்தனர். மருத்துவரிடம் அடிக்கடி பலர் வந்து தமது உடல் உபாதைகளைச் சொல்லி அதற்கு உரிய மருத்துவ ஆலோசனைகளைக் கேட்டுக் கொண்டிருந்தனர். தொடர்ந்து பலர் வந்து ஆலோசனைகள் கேட்டபடியால் மருத்துவர் சலிப்படைந்து தனது சட்டவியலாளரான நண்பரிடம் இப்படி என்னிடம் அடிக்கடி பலரும் வந்து மருத்து ஆலோசனை கேட்டு என்னைச் சிரமப் படுத்துகின்றனர். இதைத் தடுக்க ஒரு ஆலோசனை சொல்லுங்கள் எனக் கேட்டார். அதற்கு அந்தச் சட்டவியலாளர் என்னிடம் இப்படி யாராவது ஆலோசனை கேட்டால் அதற்குரிய கட்டணத்திற்கான பில்லை அவர்களுக்கு மறுநாளே அனுப்பி விடுவேன் என்றார். மருத்துவருக்கு அது ஓர் நல்ல ஆலோசனையாகப் பட்டது. ஆனால் மருத்துவருக்கு சட்டவியலாளர் தனது ஆலோசனைக்கான பில்லை அனுப்பி இருந்தார்.

இரு கழுகுகள் வானில் அவசரமாகப் பறந்து கொண்டிருந்தன அப்போது அவர்களுக்கு மேலே ஒரு ஜெட் விமானம் அவர்களை அச்சுறுத்தும் வகையில் பறந்து போனது. இவன் பறந்து போகும் வேகத்தைப் பார் என்றது ஒரு கழுகு. அதற்கு மற்றக் கழுகு எனது பின்புறத்தில் தீப்பற்றி எரிந்து புகை கக்கினால் நானும் இப்படி வேகமாகத்தான் பறப்பேன் என்றது.

வங்கி முகாமையாளரைச் சந்தித்த ஒரு பட்டதாரி தனக்கு ஒரு சிறு தொழில் ஆரம்பிக்க கடன் வழங்கும்படி கேட்டார். அதற்கு வங்கி முகாமையாளர் எங்களிடம் கடன் வாங்கி ஒரு பெரிய தொழில் ஆரம்பித்தீர்களானால் அது விரைவில் சிறு தொழில் ஆகிவிடும் என்றார்.