வருகிறார் இணையவெளி ஒசாமா பின் லாடன்

இணையவெளியில் 3D தொழில்நுட்பத்துடன் உருவாக்கப்படும் ஒசாமா பின் லாடன் இனிவரும் காலங்களில் பெரும் பிரச்சார பீரங்கியாகச் செயற்படலாம் என அமெரிக்க உளவுத் துறை அஞ்சுகிறது. இந்த அச்சம் இன்னும் நூறு ஆண்டுகளுக்கு இருக்காலம் என்கிறது அமெரிக்க உளவுத்துறை. Online Avatar எனப்படும் பின் லாடனால் பல முனைகளில் செயற்பட முடியும்.

Second Life and World of Warcraft போன்ற கணனி விளையாட்டுத் துறையில் ஒசாமா பின் லாடனின் உருவத்தை உருவாக்கி ஏற்கனவே ஒலிப்பதிவு செய்த அவரது உரைகளைப் புகுத்தி அமெரிக்காவிற்கு எதிரான போரிற்கு இசுலாமியர்களைத் தூண்டச் செய்யலாம். அல் கெய்தாவிற்கான ஆட் சேர்ப்பு நடவடிக்கைகளைத் தீவிரப்படுத்தலாம். தாக்குதல்களைத் தூண்டலாம்.

பல புதிய இணையவெளித் தொழில்நுட்பங்களை ஒசமா பின் லாடனின் ஆதரவாளர்கள் பயன்படுத்தி அவர் உயிருடன் இருப்பது போன்ற ஒரு எண்ணப்பாட்டை உலகெங்கும் உருவாக்கலாம்.