தமிழினத்தின் போராட்டத்தின் முக்கிய அம்சமே புலிகளின் போராட்டம்

வெற்றிகள் என்றும் வெற்றிகளாவதில்லை
உண்மைகள் சிதைக்கப்படும் போது
வெற்றிகள் என்றும் நிலைப்பதில்லை
நீதி உதைக்கப்படும்போது

உண்மையும் நீதியும் கண்களாக
உழைப்பு எங்கள் கைகளாக
விடுதலைக்காக உழைத்தவர் நாம்
உண்மையும் நீதியும் விழுவதில்லை
நாமும் விழவில்லை
என்றும் நிமிர்ந்தே நிற்போம்

எதிரி ஜெனீவாவில் பயந்து நிற்கிறான்
நாம் நிமிர்ந்து நிற்கின்றோம்.
புலிகளின் போராட்டத்தின்
ஓர் அம்சம் தமிழினமல்ல
தமிழினத்தின் போராட்டத்தின்
முக்கிய அம்சமே
புலிகளின் போராட்டம்

புலிகள் பதுங்கலாம்
புலிகள் மௌனிக்கலாம்
புலிகள் ஓய்வதில்லை
நாமும் ஓய்வதில்லை
எம் போராட்டம் தொடரும்

நேரங்கள் நீளலாம்
பாதைகள் தொலைவாகலாம்
உண்மையும் நீதியும் தொலைவதில்லை
எம் போராட்டம் விழவில்லை
நாமும் விழவில்லை
வடிவங்கள் வேறாக
மீண்டும் வீறு கொள்வோம்