ஹைக்கூ : நான் போடும் கடலைகள் கடலலைகளாகும்

நான் போடும் கடலைகள்
நீர்த்துளிகளாக மாற்றம் பெற்றால்
இன்னொரு கடல் இங்கு

என்னிலும் ஏழைகள் மூடர்கள்
என்னிலும் செல்வந்தர்கள் திருடர்கள்
நொண்டிச்சாட்டு.

தாங்காத துக்கம் பிரிந்தால்
தாளாத இன்பம் இணைந்தால்
அவள்

காதலில் விழ வைக்க அவன்
கல்யாணத்தில் மாட்ட வைக்க அவள்
உறவுச் சந்தை

இயற்கையின் செல்வம்
மகிழ்ச்சியின் மூலம்
உள்ளதோடு திருப்தியடைதல்

உலகம் அழிந்ததென நினைத்தது ஒன்று
உலகம் தோன்றியதென நினைத்தது இன்னொன்று
கூட்டுப்புழுவும் பட்டாம் பூச்சியும்