சோனியை(Sony)ஐயும் Facebookஐயும் ஆப்பிள் விழுங்குமா?

ஆப்பிள் நிறுவனம் தனது ஐ-பொட், ஐ-போன், ஐ-பாட் ஆகியவற்றால் பெரும் இலாபம் ஈட்டி வருகிறது. ஆப்பிளின் கைவசம் உள்ள பணக் கையிருப்பு 51பில்லியன் டொலர்களுக்கு மேலாக வளர்ந்து வருகிறது. ஆப்பிளுக்கு கடன் எதுவும் இல்லை. இவ்வளவு தொகை கையிருப்பு உள்ள நிறுவனங்கள் தமக்கு போட்டியாக உள்ள நிறுவனங்களை விலை கொடுத்து வாங்குவது வழக்கம். இந்த வாரம் ஆப்பிள் சோனி நிறுவனத்தை வாங்குமா என்ற தகவல் உலக பங்கு வர்த்தகர்கள் மத்தியில் பெரும் பரபரப்பை ஏற்படுத்தியுள்ளது . இதையொட்டி சோனியின் பங்குகளின் விலையில் அதிகரிப்பும் ஏற்படுத்தியுள்ளது. சோனி நிறுவனத்தின் மொத்தப் பெறுமதி 40பில்லியன் டொலர்கள். இந்தப் பெறுமதி ஆப்பிளின் கையிருப்புக்குள் அடங்குகிறது அது மட்டுமா கடந்த ஆண்டு சோனி 41மில்லியன் டொலர் நட்டம் அடைந்துள்ளது.

வெறும் வதந்தி
சிலர் இந்த ஆப்பிள் சோனியை வாங்கும் என்ற செய்தி சோனியின் பங்கு விலைகளை உயர்த்த சிலர் வேண்டு மென்றே பரப்பிய வதந்தி என்றும் உலக பங்கு வர்த்தகள்கள் மத்தியில் பேசப் படுகிறது.

ஆப்பிளுக்கு பசி எடுத்துவிட்டது.
ஆப்பிளின் கையிருப்பில் இருக்கும் பெருந்தொகை நிதி அது வேறு நிறுவனங்களை நிச்சயம் வாங்கும் என்பதில் சந்தேகமில்லை என்று பலரும் கூறுகிறார்கள். ஆப்பிள் வாங்கக் கூடிய மற்ற நிறுவங்களாகக் கருதப் படுபவை Facebook, Adobe and Disney. இதில் அடொப் நிறுவனமும் ஆப்பிள் நிறுவனமும் அண்மையில் ஒரு கருத்து மோதலில் ஈடுபட்டிருந்தன. ஆப்பிள் வெளியிட்ட ஐ-பாட்டில் அடொப்பின் flash player செயற்பட முடியாமல் இருந்ததே இதற்குக் காரணம். ஐ-பாட்டில் அடொப்பின் flash player செயற்பட முடியாமல் இருப்பது பலரை அதிருப்திப் படுத்தியது. அடொப்பின் flash player செயற்பட முடியாமல் இருப்பதை பல ஊடகங்கள் ஐ-பாட்டின் ஒரு பலவீனமாகவே கருதின. இதற்குப் பதிலளித்த ஆப்பிள் அடொப்பின் flash player ஒரு காலாவதியான செயற்படு மென் பொருள் என்று தாக்கியது. இதில் Facebook மட்டும் தம்மை ஆப்பிள் வாங்காது என்று மறுத்துள்ளது.

ஆப்பிள் தொடர்ந்து கவர்ச்சிகரமான கருவிகளை சந்தைப்படுத்தி அசத்துவது அதன் வளர்ச்சியில் பெரும் பங்காற்றியுள்ளது.