நினைவுகளிடை அவளைத் தேடுகிறேன்

முகில்களிடை அவளைத் தேடினேன்
மின்னலாய் வந்து போனாள்
நினைவுகளிடை அவளைத் தேடுகிறேன்
கனவாகிப் போவாளா?

பொம்மையை தொலைத்துவிட்டு
தேடும் குழந்தைபோல்
நினைவுகளிடை அவளைத் தேடுகிறேன்
கனவாகிப் போவாளா?

உணர்வெனும் ஓடையில் அவளைத் தேடினேன்
உணர்வுகளை வாட்டிச் சென்றாள்
நினைவுகளிடை அவளைத் தேடுகிறேன்
கனவாகிப் போவாளா?

காலமகளின் சிறுநடையில் தொலைந்த ஒரு நட்பு
நினைவுகளிடை அவளைத் தேடுகிறேன்
கனவாகிப் போவாளா?

இணைந்திருந்த நாட்களை மறக்காமல்
இணைந்து கண்ட சுகங்களை எண்ணி
நினைவுகளிடை அவளைத் தேடுகிறேன்
கனவாகிப் போவாளா?