தொ(ல்)லைக் காட்சித் தொடர் நாடகம்

கதாநாயகன் பாடு படு திண்டாட்டம்
தாய்க்கும் தாரத்திற்கும் நடுவில் தவிப்பான்
ஒருத்திக்கு அவன் கணவன்தான் ஆனாலும்
இன்னொருத்திக்கு அவன் காதலன்
இந்திய அமைதிப்படை ஈழத்தமிழர்க்குச் செய்ததுபோல
கதாநாயகிக்கு எல்லோரும் துரோகங்கள் செய்வர்
ஆனாலும் அவள் எல்லோர்க்கும் நல்லது செய்வாள்
வில்லியாக வருவாள் ஒரு பெரு விழித் தையல்
மாற்றாள் கணவன் மேல் கொள்வாள் மையல்
தொடரும் அங்கு ஆட்கடத்தல் கொலைகள் பல
கொழும்பு அரசு போல் பல வன்முறைகள் நடக்கும்
சாமியார் ஒருவர் அதில் கட்டாயம் இருப்பார்
வருவதெல்லாம் முன்கூட்டியே சொல்வார்
தமிழா உன் கலாச்சாரம் தெலையுதடா

மூட நம்பிக்கைகள்தான் வளருதடா