மிரட்டும் வட கொரியாவும் மீசை முறுக்கும் அமெரிக்காவும்

முப்பது வயதான கொரிய உச்சத் தலைவர் (Supreme Leader) கிம் ஜொங் உன் ஓர் அணுப்படைக்கலன் போரிற்கு உலகை இட்டுச் செல்வாரா என்ற அச்சம் தோன்றியுள்ளது. நீண்ட தூரம் பாயும் ஏவுகணைகள் புதிதாக உருவாக்கப்பட்ட அணுப் படைகலன்களை வைத்துக் கொண்டு கிம் ஜொங் உன் சும்மா மிரட்டுகிறாரா அல்லது போருக்குத் தயாராகிறாரா என்று தெரியாமல் தென் கொரியா தவிக்கிறது.

வட - தென் கொரிய முறுகலின் பின்னணி
1910இல் இருந்து 1945வரை ஜப்பானிய அட்டூழிய ஆட்சிக்குக் கீழ் இருந்த கொரியாவை ஜப்பானிடம் இருந்து அமெரிக்காவும் சோவியத் ஒன்றியமும் பிடுங்கிப் பங்கு போட்டுக் கொண்டன. கொரியா வட கொரியா தென் கொரியா என இரு நாடுகளாகப் பிரிந்தன. 1950இல் அமெரிக்காவிற்காகவும் சோவியத்திற்காகவும் இரு கொரியாக்களும் பலமாக மோதிக் கொண்டன. இருபது இலட்சம் பேர் பலியாகினர். 1953-ல் போர் முடிவுக்கு வந்தது. பின்னர் இரு நாட்டுக்கும் இடையில் தொடர்ந்து முறுகல் நிலை இருந்து வருகிறது. தென் கொரியா பொருளாதாரத்தில் பெரும் வளர்ச்சி கண்டு ஆசியாவில் உள்ள அபிவிருத்தி அடைந்த இரண்டு நாடுகளில்( மற்றது ஜப்பான்) ஒன்றாகத் திகழ்கிறது. இரு கொரியாக்களும் ஒன்றை ஒன்று பெரும் பகையாளிகளாகக் கருதுகின்றன. மோசமான பொருளாதரத்தைக் கொண்ட வட கொரியா தனது படை வலிமையை பெருக்கிக் கொண்டே இருக்கிறது. நீண்ட தூர ஏவுகணைகளையும் வட கொரியா பரிசோதித்து வெற்றிகண்டுள்ளது. தென் கொரியா அமெரிக்காவிடமிருந்து பெருமளவு படைக்கலனகளை வாங்கி வைத்திருப்பதுடன் அமெரிக்காவுடன் மிக நெருங்கிய உறவைப் பேணுகிறது. தென் கொரியாவில் அமெரிக்க படைத்தளமும் இருக்கிறது. 1953இன் பின்னர் மிகவும் கொதி நிலையில் இருக்கும் எல்லையாக  வட-தென் கொரிய எல்லை இருந்து வருகிறது. வட கொரியா தனது நாட்டின் பொருளாதாரப் பிரச்சனையை தனது படைபலப் பெருக்கத்தால் மறைத்து வருகிறது எனப்படுகிறது. இப்படிப் போட்டியுள்ள இரு நாடுகளில் ஒன்று அணுக் குண்டு தயாரித்தமை உலகை உலுக்கியுள்ளது. வட கொரியாவின் அணுக்குண்டு தயாரிப்பைத் தொடர்ந்து அதன் மீது அமெரிக்காவும் தென் கொரியாவும் பொருளாதாரத் தடையை விதித்தன. இது வட கொரியாவை மேலும் ஆத்திரப்படுத்தியது.

மிரட்டல் மேல் மிரட்டல்! மிரட்டலோ மிரட்டல்!!
வட கொரியாவின் அணுக்குண்டு உருவாக்கம் இரு பயங்களைத் தோற்றுவித்தது. சிறிய ரக அணுக்குண்டுகளை உருவாக்கி அதை வட கொரியா சில நாடுகளுக்கு விற்க முயலலாம். அது சில தீவிரவாதக் குழுக்களின் கைகளில் போய்ச் சேரலாம். மற்றது வட கொரியா தென் கொரியா மீது தாக்குதல்களை மேற்கொள்ளலாம். ஆனால் இப்போது வட கொரியா புதிதாக ஒரு மிரட்டலை விடுக்கிறது.  கிம் ஜொங் உன் அமெரிக்க வரைபடத்தை வைத்து அமெரிக்காமீது எப்படி அணுக்குண்டுத் தாக்குதலை நடாத்துவது என்று தனது படைத்துறையின் உயர் அதிகாரிகளுடன் திட்டமிடுவது போன்ற படங்களை வெளிவிட்டது வட கொரியா. அந்தப் படம் "Plan for the strategic forces to target mainland U.S." என்ற தலைப்புடன் காணப்பட்டது.  அத்துடன் வட கொரியப்படைகள் நீரிலும் நிலத்திலும் பயணிக்கும் படகுகளான hovercrafts இல் ஒத்திகை செய்யும் படங்களும் வெளிவிடப்பட்டுள்ளன. இவற்றைத் தொடர்ந்து ஒரு போர் அச்சம் கொரியக் குடாநாட்டை ஆட்டிப் படைக்கிறது. இந்தப் பயத் தீயில் மேலும் எண்ணெய் ஊற்றுவது போல30-03-2013-ம் திகதி கொரிய மக்களை ஒரு செய் அல்லது செத்து மடி போருக்குத் தயாராகும் படி கிம் ஜொங் உன் அறைகூவல் விடுத்ததுடன் தென் கொரியாவுடன் ஒரு போர்ப்பிரகடன நிலை நிலவுவதாகவும் அறிவித்தார். 11-03-2013ம் திகதி 1953 ஆண்டு முடிவடைந்த கொரியப் போரின் பின்னர் தென் கொரியாவுடன் செய்து கொண்ட படைநடவடிக்கை நிறுத்த உடன்படிக்கை செல்லுபடியற்றது என்றும் வட கொரியா அறிவித்தது. தமது போர் தென் கொரியாவிற்கு மட்டும் மட்டுப்படுத்தப்பட்டதாக இல்லாமல் அமெரிக்காவிற்கு எதிரானதாக அமெரிக்க நிலத்திலேயே நடக்கும் போராக இருக்கும் என்றும் மிரட்டியது வட கொரியா.

• "We will first target and dissolve mainland United States, Hawaii and Guam, and United States military based in South Korea. And the (South Korean presidential office) will be burned to the ground," என்கிறது வட கொரியா.

பொதுவாக வட கொரியா விடுக்கும் மிரட்டல்கள் போன்ற அறிவிப்புக்களை எந்த ஒரு நாடும் இப்படிப் பகிரங்கமாக அறிவிப்பதில்லை. தனது தாக்குதல்களை ஏன் வட கொரியா இப்படிப் பகிரங்கமாக அறிவிக்கிறது என்பது பெரும் கேள்வி.

பழக்கப்பட்ட தென் கொரியர்கள்
தென் கொரியா வட கொரியாவின் மிரட்டல்கள் எதுவும் தமக்கு புதிதல்ல என்றது. தென் கொரியாவில் உள்ள இரு நாடுகளும் இணைந்து செயற்படும் Kaesong Industrial complex இல் வழமை போல் அலுவல்கள் நடைபெறுவதாக தென் கொரியா சொல்கிறது.  தென் கொரிய மக்கள் இது போன்ற பல மிரட்டல்களுக்கு கடந்த அறுபது ஆண்டுகளாக நன்கு பழக்கப்பட்டவர்கள் என்கின்றனர் படைத்துறை ஆய்வாளர்கள். ஆனால் வட கொரியா பொறுப்பற்ற ஆத்திர மூட்டும் நடவடிக்கைகளில் அமெரிக்காவும் தென் கொரியாவும் ஈடுபட்டால் தாம் முழுப்பலத்தையும் பாவித்து இரு நாடுகள் மீதும் மூர்க்கத்தனமாகத் தாக்குதல்களை நடாத்துவோம் என்கிறது. தனது ஏவுகணைகள் அமெரிக்காவிலும், தென் கொரியாவிலும், பசுபிக்கிலும் உள்ள அமெரிக்கப் படை நிலைகளை இலக்கு வைத்து தயார் நிலையில் இருக்கிறது என்றும் சொல்கிறது வட கொரியா.

கொரியாவிற்கு எதிரான ஐநா சபைத் தீர்மானங்கள்
Resolution 1718 (October 14, 2006)
The Security Council, acting under Chapter VII of the UN Charter, unanimously imposed sanctions on North Korea, in reaction of Pyongyang's nuclear test. After arduous negotiations, this softer version establishes an embargo on military and technological materials, as well as luxury goods, but does not include reference to military intervention as the US proposed initially. Furthermore, the resolution demands the freezing of North Korea's financial assets with the exception of funds necessary to meet basic needs.

Resolution 1695 (July 15, 2006)
In this resolution, the Security Council explicitly condemns the Democratic People's Republic of Korea (DPRK) nuclear weapons program. While calling for a diplomatic solution to the situation, the Council demands that the DPRK cuts back its missile launches, which jeopardize peace and security in the region. In addition, the 1695 resolution bans all member states from transactions with North Korean involving material, technology or financial resources transfer connected to DPRK's missiles or weapons of mass destruction programs.
 
Resolution 1540 (April 28, 2004)
Resolution 1540 affirms that proliferation of nuclear, chemical and biological weapons, as well as their means of delivery, constitutes a threat to international peace and security? The Security Council urges all States to take additional effective measures to prevent proliferation, including nuclear, chemical or biological weapons and their means of delivery.
 
Resolution 825 (May 11, 1993)
The Security Council adopted a resolution calling upon North Korea to reconsider withdrawing from the Treaty on Non-proliferation of Nuclear Weapons. The resolution urges North Korea to honor its non-proliferation obligations under the Treaty.

வடகொரியாவிற்கு எதிரான பொருளாதாரத் தடையை சீனா சரிவரக் கடைப்பிடிக்காமல் இருக்கிறது என்ற குற்றச்சாட்டு உண்டு. வட கொரியாவும் சீனாவும் நெருங்கிய நட்பு நாடுகள் ஆனால் வட கொரியா அணுக்குண்டுகளை உருவாக்குவதைச் சீனா விரும்பவில்லை. அது தனது பிராந்தியத்தில் அமைதிக்குப் பங்கம் விளைவிக்கும் என சீனா கருதுகிறது. ஜப்பான் வட கொரியா தென் கொரியாவிற்கு எதிராகத் தாக்குதலை தான் கடுமையாக எதிர்ப்பதாகத் தெரிவித்துள்ளது.

இணையவெளித்தாக்குதல்கள்
தென் கொரியாவின் ஒளிபரப்புத் துறையிலும் மார்ச் மாத நடுப்பகுதியில் வடகொரியா வெற்றீகரமான இணைய வெளித்தாக்குதல்களை மேற்கொண்டது பலரையும் ஆச்சரியப்படுத்தியது.  தென் கொரியா வட கொரியா விவகாரத்தில் எப்போதும் பொறுமையையே கடைப்பிடித்து வருகிறது. வட-தென்கொரியப் போர் தனது பொருளாதார வளர்ச்சிக்கு உதவாது என்பதை அது உணர்ந்து செயற்படுகிறது. 26-03-2010-ம் திகதி Cheonan என்னும் தென் கொரியக் கடற்படைக் கப்பல் ஒன்று நீர்மூழ்கிக் கப்பல் ஒன்றில் இருந்து ஏவப்பட்ட ஏவுகணையால் தாக்கி மூழ்கடிக்கப்பட்டது. விசாரணையின் பின்னர் அது வட கொரியாவின் செயல் என்று அறிந்தும் தென் கொரியா பதிலடி கொடுக்கவில்லை.

சொல் என்றும் செயல் என்றும்
அமெரிக்க படைத்துறையினர் வட கொரியத் தலைநகர் பியோங்யாங்கில் இருந்து தொடர்ச்சியாக வரும் மிரட்டல்களைத் தாம் கரிசனையுடன் கவனிப்பதாகவும் அந்த மிரட்டல்கள் ஆத்திரமூட்டுவதாகவும் மோதல்களை உருவாக்கும் தொனியில் அமைந்துள்ளவை என்றும் கூறுகின்றனர். அமெரிக்கா தனது வலிமை மிக்க படையணியைக் கொரியத் தீபகற்பகத்திற்கு நகர்த்துகிறது. பல அமெரிக்க கதுவி தவிர்ப்பு போர் விமானங்களான B-2 stealth bombers தென் கொரியாவில் நிலைகொண்டுள்ளன. வட கொரியா என்ன சொல்கிறது என்பதிலும் பார்க்க அது என்ன செய்கிறது என்பதிலேயே நாம் அதிக கவனம் செலுத்துகிறோம் என்கிறது அமெரிக்கா. கொரியத் தலைவர் தனது மக்களிடையும் படைத்துறையினரிடமும் தனது செல்வாக்கை உயர்த்த செய்யும் நடவடிக்கைகளாக தாம் கருதுவதாக அமெரிக்கா சொல்கிறது. வட கொரியா அதன் அதிபர் கிம் ஜொங் உன் படையினருடன் காணப்படும் பல படங்கள் பிரச்சார் நோக்கங்களுடன் போலியாக உருவாக்கப்பட்டவை என்கின்றனர் அமெரிக்கப் படைத்துறையினர். வேறு இடங்களில் எடுக்கப்பட்ட படங்களை தென் கொரிய எல்லையில் எடுத்த படங்களாகச் சித்தரிக்கப்பட்டனவாம்.

நிதானமாக அணுகும் அமெரிக்கா
ஒரு அணுக்குண்டை ஏவுகணையில் பொருத்தி செலுத்தும் திறன் வட கொரியாவிடம் இன்னும் இல்லை என்றும் அத் திறனைப் பெறுவதற்கு இன்னும் சிலகாலம் எடுக்கும் என்கின்றனர் அமெரிக்கப் படைத்துறை வல்லுனர்கள்.  வட கொரிய விவகாரத்தை மன அமைதியுடனும் நிதானத்துடனும் தாம் அணுகுவதாக அமெரிக்கப் பாதுகாப்புத் துறை சொல்கிறது. அமெரிக்கா தென் கொரியாவைப் பாதுகாக்க என்றும் தயாராக இருப்பதாகவும் உறுதிபடக் கூறியுள்ளது அமெரிக்கா.

சதிக் கோட்பாட்டாளர்கள் வேறுவிதமாகப் பார்க்கிறார்கள்.
ஈராக்கில் போர் தொடுப்பதற்காக அமெரிக்காதான் வேண்டுமென்றே 9/11 இரட்டைக் கோபுரத் தாக்குதலை உருவாக்கியது என்று சொல்லும் சதிக் கோட்பாட்டாளர்கள் வட கொரியாவைத் தாக்கி அதன் அணுக்குண்டு உற்பத்தித் திறனை அழிப்பதற்காக  கொரியத் தீபகற்பகத்தில் ஒரு போர்ச்சூழலை உருவாக்குகிறார்கள் என்கிறார்கள்.

வட கொரியா தாக்குப்படும்
வட கொரியாவின் படைத்துறைத் தொழில்நுட்ப வளர்ச்சி அமெரிக்காவிற்கும் அதன் நெருங்கிய நட்பு நாடான தென் கொரியாவிற்கும் ஏற்புடையதல்ல. சீனாவைத் தனிமைப்படுத்துவதற்கு வட கொரியாமீதான தாக்குதலும் அங்கு ஏற்படுத்தும் ஆட்சியாளர் மாற்றமும் மிகவும் அவசியம். வட கொரியா தாக்குப்படுவது நடக்காது என்று சொல்ல முடியாது. இன்னும் ஐந்து ஆண்டுகளில் அமெரிக்காவைத் தனது அணுக்குண்டுகளால் தாக்கும் திறனை வட கொரியா பெற்றுவிடும். அப்படி ஒரு நிலைமை ஏற்பட அமெரிக்கா அனுமதிக்காது. தென் கொரியாவை ஏவுகணைக் கவசம் (Missile Shield) தொழில்நுட்பத்தின் மூலம் முழுமையாகப் பாதுகாத்துவிட்டு வட கொரியாமீது தாக்குதல் தொடுக்கப்படலாம்.