அக வணக்கம் செலுத்த எனக்கு அருகதையில்லை

கோட்டையைப் பிடிக்கவுமில்லை
கொக்காவிலைச் சரிக்கவுமில்லை
கொக்கட்டிச்சோலையில் மார்தட்டி நிற்கவுமில்லை
அக வணக்கம் செலுத்த எனக்கு அருகதையில்லை

சாஹரவர்த்தனாவை மூழ்கடிக்கவுமில்லை
நெல்லியடியில் தவிடுபொடியாக்கவுமில்லை
பூநகரியை எதிரிக்கு புதைகுழியாக்கவுமில்லை
மலர் வணக்கம் செலுத்த தகுதி எனக்கில்லை

ஆனையிறவில் ஆணிவேரோடு அறுக்கவுமில்லை
சீக்கியைரை சிதறடிக்கவும் இல்லை
கூர்காக்களை கூறு போடவுமில்லை
அஞ்சலி செலுத்த ஆண்மை எனக்கில்லை


நீள் கடலெங்கும் நிமிர்ந்து நிற்கவுமில்லை
அம்பாறையில் மறைந்திருந்து தாக்கவுமில்லை
அம்பாந்தோட்டையில் அவர்களை துணிவோடு தூக்கவுமில்லை
உண்ணாமல் உறங்காமல் ஊருக்கு உழைக்கவுமில்லை
மன்னித்துவிடுங்கள் மாவீரர்களே