Octopus Paul புது வடிவம் - Elvis Presley ஆக

தென்னாபிரிக்காவில் நடந்த உலகக் கிண்ணக் கால்பாந்தாட்டத்தில் ஜேர்மனி பங்கு பற்றிய போட்டிகளின் முடிவுகளைச் சரிவர எதிர்வு கூறியதால் பிரபலமடைந்த Octopus Paul இப்போது எல்விஸ் பிறெஸ்லியாக வேடமிட்டு பெரும் பணம் சம்பாதிக்கவிருக்கிறது. இருபதாம் நூற்றாண்டின் மிகப் பிரபல பாடகரான King of Rock and Roll என்றழைக்கப்படும் எல்விஸ் பிறெஸ்லி 1977-ம் ஆண்டு தனது 42வது வயதில் காலமானவர். அவர் இப்போதும் உயிருடன் இருப்பதாக அவரது பல மில்லியன் இரசிகர்கள் நம்புகிறார்கள். எல்விஸிற்கு மரியாதை செலுத்தும் பாடல் தொகுப்பில் Octopus Paul உம் பங்குபற்றிப் பாடவிருக்கிறது. The name of the album will be "Paul The Octopus Sings Elvis." எட்டுக்கால் பாடகர் Octopus Paulஇற்கு ஒலிவாங்கியைப் பிடித்துக் கொண்டு பாடுவதிலோ நடனமாடுவதிலோ சிரமம் இருக்காது.

ஏற்கனவே பல புத்தகங்கள் Octopus Paulஐப்பற்றி எழுதப்பட்டுக் கொண்டிருக்கின்றன. ஒரு புதிய ஐ-போன் செயல்மென்பொருளும் Octopus Paulஐப்பற்றி வெளிவரவுள்ளது. இந்த ஆண்டின் நத்தார் பண்டிகைக்கு பெரும் அளவிலான Octopus Paul விளையாட்டுப் பொருள்கள் சந்தைக்கு வரவிருக்கின்றன.

ஜேர்மன அதிபர் அஞ்செலா மேர்கெல்லிலும் பார்க்க Octopus Paul உலகெங்கும் புகழடைந்துள்ளது. கொலை அச்சுறுத்தலில் இருந்து Octopus Paulஇற்கு கடும் பாதுகாப்பும் வழங்கப்பட்டுள்ளது. ஹொலிவூட் திரைப்படத்திலும் Octopus Paul விரைவில் தோன்றலாம் என்று எதிர்பார்க்கப்படுகிறது. Octopus Paul இன் வாழ்க்கை தொடர்பான ஆவணப்படம் The Murder Of Paul The Octopus ஏற்கனவே தயாராகிக்கொண்டிருக்கிறது.