பிரிவோம் சந்திக்க வேண்டாம்

அற்ற குளத்து அறுநீர்ப்பறவைகள் நாம்

உற்ற நேரத்தில் உறவுகளைப் பிரிந்தோம்

தக்க தருணத்தில் ஆயுதம் ஏந்தவில்லை

தாய்மண்ணைக் காக்க முனையவில்லை

வெளிநாடு வந்தோம் தப்பிப் பிழைத்தோம்

நீயும் நானும் காதல் வசப் பட்டோம்

ஆனாலும் எமக்குள் கருத்து வேறுபாடு

ஈழ விடுதலை தொடர்பாக.

எந்நேரமும் என் சிந்தனையில்

ஈழத்தோர் படும் துயர்

நீ வெளி நாட்டு மோகத்தில்

தாயகப் போராட்டத்திற்கு

நீ நிதியுதவி செய்யவில்லை

பாராளமன்றத்தின் முன்

கோஷம் போட நீ வரவில்லை

எதிர்ப்பு ஊர்வலங்களிற்கும் வரவில்லை

தாயகத்து உணரவின்றி வாழ

என்னால் முடியாது பெண்ணெ.

சரிவராது உனக்கும் எனக்கும்

பிரிவோம் சந்திக்க வேண்டாம்.