சகவாசம் சுக வாசம்

ஈழவிடுதலை வரலாற்றில்
பதுங்கு குழிகளுக்குள்
பிள்ளைகள் பிறந்ததுண்டு
பெண்கள் பூப்பெய்தியதுண்டு
காதல் பிறந்தது எமக்குத்தான்
விமானக்குண்டால் உன் வீடழிந்தது
இந்திய அமைதிப்படையோ
உன் பெற்றோரைக் கொன்றது
அனாதையாக வந்தாய்
என் அடுத்த வீட்டு உறவினரிடம்.
தொடங்கியது எங்கள் சகவாசம்
கிடைத்தது ஒருநாள் உன் சுக வாசம்
விமான இரைச்சல் கேட்டு
இருவரும் பதுங்கினோம் ஒரு குழியில்
உரசிய உடல்களில் உதித்தது நம் காதல்.