Thursday, 13 October 2011

நகைச்சுவை: மொழிபெயர்த்தெடுத்தவை



நெருங்கிய சொந்தங்களிலும் பார்க்க தூரத்துச் சொந்தங்கள் மேலானது. போக்கு வரத்துச் செலவு உயர்கின்றது. தொலைபேசிச் செலவு குறைகிறது.

வகுப்பில் எல்லாப் பாடங்களையும் ஒரு ஆசிரியரால் படிப்பிக்க முடியாமல் பல ஆசிரியர்கள் போதிக்கிறார்கள். எல்லாப் பாடங்களையும் ஒரு மாணவர் படிக்க வேண்டுமாம். என்ன கொடுமை இது?

மனைவியைத் திருப்திப் படுத்துவது எப்படி என்று கூகிளில் தேடினேன். பதில்: நாமும் தேடிக்கொண்டுதான் இருக்கிறோம்.

ஆண்கள் தாங்கள் கண்ணால் பெண்களைத் தேர்ந்தெடுக்கிறார்கள். பெண்கள் தம் காதால் ஆண்களைத் தேர்ந்தெடுக்கிறார்கள். இதனால்தால் பெண்கள் அதிக அலங்காரம் செய்கிறார்கள். ஆண்கள் பொய் சொல்கிறார்கள்.
 


அவன் அவளுக்கு ஒரு ஏ-ஜோக் அனுப்பினான். அவளுக்கு அதைப் புரிந்து கொள்ள 5 நிமிடங்கள் எடுத்தன. பின்னர் 10 நிமிடங்கள் சிரித்தாள். பின்னர் தனது 15 நண்பர்களுக்கு அதை அனுப்பினாள். பின்னர் தனக்கு ஏ-ஜோக் அனுப்பிய நண்பனுக்கு பதில் அனுப்பினாள்: இந்த மாதிரி கெட்ட நகைச்சுவைகளை எனக்கு அனுப்ப வேண்டாம். இதுபோன்றவை எனக்குப் பிடிக்காது.

அந்தக் காலத்தில் பாடசாலை அதிபர் அறையில் மாணவர்கள் இருந்தால் மாணவர்கள் பிரச்சனையில் மாட்டிக் கொண்டார்கள் என்று அர்த்தம். இப்போது பாடசாலை அதிபர் அறையில் மாணவர்கள் இருந்தால் அதிபர் பிரச்சனையில் மாட்டிக் கொண்டார்கள் என்று அர்த்தம்.

எனது மனைவியுடன் ஒரு பப்பில் மது அருந்திக் கொண்டிருக்கையில் I love you என்றேன். அப்போது என் மனைவி சொல்லுவது நீயா அல்லது நீ அருந்திய மதுவா என்று கேட்டாள். நான் சொன்ன பதில்: நான் எனது மதுக் கிண்ணத்துடன் பேசிக் கொண்டிருக்கிறேன்.

அவள்: மற்றப் பெண்களை அணில் ஏறவிட்ட நாய் போல் பார்க்காதே. இப்போது நீ எனக்குரியவன்.
அவன்: நான் சாப்பிடக்கூடாது என்பது சரி. மெனுக் கர்ட்டைக்கூடப் பார்க்கக்கூடாதா?

இடிக்கு மேல் பேரிடி
அவளிடம் இருந்து வந்த முதல் குறுந்தகவல்: என்னை மறந்து விடு எனக்கும் உனக்கும் இனிச் சரிவராது.
வந்த இரண்டாவது குறுந்தகவல்: முதல் தகவல் உனக்குரியதல்ல. தவறுதலாக உனக்கு அனுப்பிவிட்டேன்.

கணவன்: என்னை ஆத்திரப்படுத்தி என்னுள் இருக்கும் மிருகத்தைத் தட்டி எழுப்பாதே!
மனைவி: எலி ஒன்று எழும்பி என்னை என்ன செய்ய முடியும்.

பிட் அடித்தலின் உச்சம்: பிட்டை விடைத்தாளில் ஒட்டுதல்.

மருத்துவர்: தினமும் விளையாடுதல் மிகவும் நல்லது.
இளைஞன்: தினமும் கால்பந்து, துடுப்பாட்டம், டெனிஸ் விளையாடுகிறேன்.
மருத்துவர்: எவ்வளவு நேரம்?
இளைஞன்: மொபைலில் பாட்டரி தீரும் வரை.

ஆணுக்கும் பெண்ணுக்கும் என்ன வித்தியாசம்?
ஆண் முகவேட்டில் (Facebook)ஒரு பதிவு போடுவான் யாரும் கண்டு கொள்ள மாட்டார்கள். அதைப் பிரதி செய்து ஒரு பெண் தனது முகவேட்டில் போட்டால்: 30 likes, 25 comments, 20 messages to inbox and 15 friend request கிடைக்கும்.
Post a Comment

Featured post

உலக கடலாதிக்கப் போட்டியில் விமானம் தாங்கிக் கப்பல்கள்

விமானம் தாங்கிக் கப்பல்கள்  என்பன பல போர்விமானங்கள் நிறுத்தக் கூடிய பாதுகாப்பான இடத்தையும் அவை பறக்கக் கூடிய ஓடுபாதையையும் கொண்டிருக்கும்...