Sunday, 21 March 2010

காத்தருள்வாய்


காலை வீட்டிலிருந்து வேலைக்கென்று வெளியே வந்தால் - தன்
காலை மெட்டாக அசைத்து முன் மெல்லெனப் போவாள்
பாலைக் கடைந்தாற்போல் மேனியுடன் ஒரு குஜராத்திக் குமரி – என்
வாலை மனதைச் சிதறாமல் காப்பாய் மஞ்சவனப் பதி கந்தா கடம்பா

பேருந்து தரிப்பிடத்தில் கரிபியக் கன்னி யொருத்தி – சிலையென
இருந்து கையில் ஓர் காதல் நாவல் கையேந்தி – போதை
மருந்து போலொரு கண்ணால் ஓரப் பார்வை விடுகிறாள் - என்
குருத்து மனதைச் சிதறாமல் காப்பாய் நல்லைக் குமரா வேலா

வேலையில் போய் அமர்ந்தால் ஆங்கொரு ஐரிஸ் பெண்
வேலைக் கண்ணில் எடுத்து உரசிக் கொண்டு அருகில் வந்து
கொலை செய்கின்றாள் ஐயா என்தன் வாலிபத்தை – என்
காளை மனதைச சிதறாமல் காப்பாய் சந்நிதி முருகா முருகா

இத்தாலி உணவகம் மதியம் சென்றால் அங்கொரு – போலந்து
இளவழகி உணவுதரக் குனிந்து பவள மார்பு காட்டி
களவுவழி என்னை மனதைக் கவர்கின்றாள் ஐயா – என்
சிறு மனதைச சிதறாமல் காப்பாய் மாமங்காடு ஆண்டவா


Facebookஇல் பேசி எனை வாட்டுகிறாள் ஒரு பிரெஞ்சுப் பெண்
சொற்களால் செய்யும் சில் மிஷங்கள் சொல்வொணாது
வார்த்தைகளால் காட்டுகிறாள் அவள் இங்கு நீலப் படம் - வாலிப
மனதைச சிதறாமல் காப்பாய் கோணமாமலை அமர்ந்த ஈசா
Post a Comment

Featured post

உலக கடலாதிக்கப் போட்டியில் விமானம் தாங்கிக் கப்பல்கள்

விமானம் தாங்கிக் கப்பல்கள்  என்பன பல போர்விமானங்கள் நிறுத்தக் கூடிய பாதுகாப்பான இடத்தையும் அவை பறக்கக் கூடிய ஓடுபாதையையும் கொண்டிருக்கும்...