Long Range Land Attack Projectile (LRLAP) எனப்படும் நீண்ட தூர தரைத் தாக்குதல் எறிகுண்டுகள் வழிகாட்டுதலுக்கு ஏற்ப இலக்குகளை நோக்கிச் சென்று தாக்கக் கூடியவை. இவை தூரத்தில் இருந்தே வீசக் கூடியவை என்பதால் வீசும் படையினர் தமக்குப் பாதுகாப்பான இடத்தில் இருந்து கொண்டு எதிரி இலக்குகளை நோக்கி இவற்றை வீசலாம். அமெரிக்கப்படைகளுக்கான உபகரணங்களைத் தயாரிக்கும் லொக்ஹீட் நிறுவனம் 18 மில்லியன் அமெரிக்க டொலர்களுக்கு செய்த ஒரு திட்டத்தில் இந்த எறிகுண்டுகள் உருவாக்கப்பட்டுள்ளன. 71கடல் மைல்கள் தூரம் பாயக்கூடியவை. ஒரு கடல் மைல் என்பது 1852 மீட்டர்களாகும், கடலில் இருந்து வீசப்பட்டு தரையில் உள்ள இலக்குகளை துல்லியமாகத் தாக்கக் கூடியவையுமாகும்.
அமெரிக்கக் கடற்படையினருக்கு உருவாக்கப்பட்டுள்ள Long Range Land Attack Projectile (LRLAP) எனப்படும் நீண்ட தூர தரைத் தாக்குதல் எறிகுண்டுகள் 2.2 மீட்டர் நீளமும் 155மில்லி மீட்டர் குறுக்கு விட்டமும், அரை மீட்டர் நீள் சிறகுகளும் உடையவை. ஒரு எறிகுண்டு 104கிலோ எடையுடையது. இவற்றை நாசகாரிக் கப்பல்களில் இருந்துஒரு நிமிடத்துக்கு 10 சுற்றுக் குண்டுகள் வீசக்கூடிய செலுத்திகளில் இருந்து வீசலாம். பலதரப்பட்ட எதிரி இலக்குகளை இவை துவம்சம் செய்யும்.
Long Range Land Attack Projectile (LRLAP) எனப்படும் நீண்ட தூர தரைத் தாக்குதல் எறிகுண்டுகள் global positioning system (GPS) என்ற முறைமையைப் பாவித்து வழிகாட்டப்படும். இதனால் இந்த எறிகுண்டுகள் வழிகாட்டலுக்கு இணங்க பயணித்து எதிரி இலக்குகளைத் துல்லியமாகத் தாக்கும் திறன் பெற்றவை.
No comments:
Post a Comment