Saturday, 26 March 2011

இதயத் தொகுதிக்கு தாக்கல் செய்யும் வேட்பு மனு


என் வாக்கிற்கு
நான் கேட்பது
உதட்டில் ஒரு இலவசம்

இதயத் தொகுதிக்கு
தாக்கல் செய்யும் வேட்பு மனு
உன் கண்ணில் என் பார்வை

உன் உடலெங்கும்
என் உதடு
செய்யத் துடிக்கிறது
பேரணி

உன் உள்ளத்தில்
வேண்டாம் கோஷ்டிச் சண்டை
ஒரு மனதாக் தேர்ந்தெடு என்னை

நீ காங்கிரஸ் என்றால்
நான் மம்தா அல்ல
மானமிழந்து நிற்கும்
கருணாநிதி நான்.

நான் அனுப்பும்
குறுந்தகவல்கள்
உன் உள்ளத் தேர்தலுக்கு
என் தேர்தல் அறிக்கை


உன் இதயத்தில்
நான் கேட்கும் இட ஒதுக்கீடு
அறுபத்து மூன்றல்ல சகலதும்

எம் கூட்டணி வித்தியாசமானது
கல்யாணத் தேர்தலின் பின்
கட்டில் கூட்டணி

என்பெற்றோர் சம்மதிக்கவில்லை
உன் பெற்றொருக்குப் பிடிக்கவில்லை
நாம் அமைப்போம் மூன்றாம் அணி
Post a Comment

Featured post

உலக கடலாதிக்கப் போட்டியில் விமானம் தாங்கிக் கப்பல்கள்

விமானம் தாங்கிக் கப்பல்கள்  என்பன பல போர்விமானங்கள் நிறுத்தக் கூடிய பாதுகாப்பான இடத்தையும் அவை பறக்கக் கூடிய ஓடுபாதையையும் கொண்டிருக்கும்...