Sunday, 22 August 2010

இலண்டனில் பதுங்கிய புலிக் கொடி ஜெனீவாவில் பறந்தது.


சிவந்தன் உரையாற்றுகிறார்.













23 ஜூலை 2010 இலன்று சிவந்தன் ஜெனிவாவில் உள்ள ஐநா அலுவலகத்தை நோக்கித் தனது கால் நடையை ஆரம்பித்தார். கறுப்பு ஜூலையை நினைவு கூரவும் சிவந்தனை வழியனுப்பவும் பிரித்தானியாவின் இலண்டன் நகரில் 5000 முதல் 7000 வரையிலான மக்கள் குழுமி இருந்தனர். இலண்டனின் அன்று புலிக்கொடி எதுவும் பிடிக்கப் படவில்லை. அதற்கு முதல் 2010 மே மாதம் பிரித்தானியப் பாராளமன்றத்தின் முன் முள்ளிவாய்க்கால் படுகொலைகளை நினைவு கூர நடந்த நிகழ்வில் புலிக் கொடிகள் பறந்து கொண்டிருந்தன. சென்ற வெள்ளிக் கிழமை ஜெனிவாவில் சிவந்தனை வரவேற்க மக்கள் கூடிய போது பல புலிக் கொடிகள் அங்கு பறந்து கொண்டிருந்தன.

சிவந்தனின் ஆயிரம் மைல் நடைப் பயணத்தில் பிரித்தானியத் தேசியக் கொடி பிரெஞ்சுத் தேசியக் கொடி ஐநா கொடி ஆகியவற்றை அவ்வப் போது தாங்கிச் சென்றார்.

வியாழக் கிழமை மாலை எழுமணிக்கு இலண்டனில் இருந்து புறப்பட்ட நான் மறுநாள் பிற்பகல் 1-30இற்கு ஜெனிவாவை அடைந்தேன். சொகுசு வாகனத்தில் பயணம் செய்த எனக்கே பலத்த களைப்பு. சிவந்தன் அவ்வளவு தூரத்தையும் எப்படி நடந்தார்?

சிவந்தன் முன்வைத்த கோரிக்கைகள்:

• இலங்கை அரசினால் ஈழத் தமிழ் மக்கள் மீது மானுடத்திற்கெதிரான முறையில் மேற்கொள்ளப்பட்ட போர்க்குற்றங்களிற்கான சுதந்திரமான சர்வதேச விசாரணை.
• சிறை வைக்கப்பட்டுள்ள போராளிகளை பார்வையிடுவதற்கான படிமுறைகள், போரினால் இடம் பெயர்ந்து நிர்க்கதி நிலையில் உள்ள தமிழ் மக்களை அவர்களின் சொந்த இடங்களில் மீளக் குடியமர்த்தல்.

• இலங்கை அரசு சர்வதேச சட்டங்களை மதிக்கும்வரை அதனை புறக்கணித்தல்.

இவை அடங்கிய கோரிக்கை கடிதத்துடன் ஜெனிவாவில் உள்ள ஐநா மனித உரிமைகழக அதிகாரியைச் சந்தித்தார். சிவந்தன் தமிழ் மக்களுக்கு இழைக்கப் பட்ட கொடுமைகளை அவரிடம் எடுத்துச் சொல்லியபோது அவர் கண்ணீர் மல்கினாராம்.

சிவந்தனின் நடை பயணத்தின் இறுதி நாள் நிகழ்வுகளின் காணொளியை காண இங்கு சொடுக்கவும்

Post a Comment

Featured post

உலக கடலாதிக்கப் போட்டியில் விமானம் தாங்கிக் கப்பல்கள்

விமானம் தாங்கிக் கப்பல்கள்  என்பன பல போர்விமானங்கள் நிறுத்தக் கூடிய பாதுகாப்பான இடத்தையும் அவை பறக்கக் கூடிய ஓடுபாதையையும் கொண்டிருக்கும்...