Wednesday, 7 July 2010

எட்டுக்கால் சோதிடர்: இன்று ஜேர்மனி உதைபந்தாட்டத்தில் தோற்குமாம்.





நம்ம ஊர் கிளி சோதிடம் மாதிரி ஜேர்மனியில் ஒக்டபஸ் உதை பந்தாட்ட முடிவுகளைப்பற்றி சோதிடம் சொல்லி வருகிறது. இந்த ஒக்டபஸ் எனப்படும் எட்டுக்கால் கணவாய் ஜேர்மன் தேசியக் கொடியும் ஜேர்மனியுடன் உதைபந்து விளையாடும் நாட்டின் தேசியக் கொடியும் அடங்கிய பெட்டிகளை அதற்குப் பிடித்த சாப்பாட்டுடன் முன்வைத்தால் அது எந்த பெட்டியில் அமர்கிறதோ அந்தப் பெட்டியில் உள்ள தேசியக் கொடியின் நாடு வெற்றி பெறும்.

ஜேர்மனியின் Oberhausen நகரில் உள்ள இரண்டு வயதான பிரித்தானியாவில் பிறந்த இந்த ஒக்டபஸ் இதுவரை தென்னாபிரிக்காவில் நடந்த உதை பந்தாட்டப் போட்டிகளின் முடிவுகளை சரியாகச் சொல்லிவந்ததாம். இன்று நடக்க விருக்கும் ஜேர்மனை ஸ்பெயின் நாடுகளுக்கிடையான அரையிறுதிப் போட்டியில் ஸ்பெயின் வெற்றி பெறும் என்று இந்த எட்டுக்கால் சோதிடர் எதிர்வு கூறியுள்ளாராம்.

தென்னாபிரிக்காவில் குழுநிலைப் போட்டியில் சேர்பியாவிடம ஜேர்மனி அதிர்ச்சித் தோல்வியடைந்ததைக் கூட இந்த எட்டுக்கால் சோதிடர் சரியாகக் கூறினாராம்.

ஆனால் ஜேர்மனிய உதைபந்தாட்ட இரசிகர்களுக்கு ஒரு ஆறுதல் 2008-ம் ஆண்டு யூரோ உதைபந்தாட்டக் கிண்ணத்தில் ஜேர்மனிக்கும் ஸ்பெயினுக்கும் நடந்த போட்டியை இந்த எட்டுக்கால் சோதிடர் பிழையாக எதிர்வு கூறியிருந்தாராம். ஸ்பெயின் எதிர் ஜேர்மனையப் போட்டியில் இவரது சோதிடம் பலிக்காது என்று ஆறுதலடைகின்றனர் ஜேர்மனிய உதைபந்தாட்ட இரசிகர்கள்
Post a Comment

Featured post

உலக கடலாதிக்கப் போட்டியில் விமானம் தாங்கிக் கப்பல்கள்

விமானம் தாங்கிக் கப்பல்கள்  என்பன பல போர்விமானங்கள் நிறுத்தக் கூடிய பாதுகாப்பான இடத்தையும் அவை பறக்கக் கூடிய ஓடுபாதையையும் கொண்டிருக்கும்...